وش الفرق في الصقارة بين الاحرار والشياهين

[الجندلي]

السلام عليكم ورحمة الله وبركاته

[الجندلي]

هالسنه انشالله ناوي اصقر شيهانه وودي من اهل الخبره ينصحوننا لاني غشيم بالشياهين بس شفت فعلها وطيارها وجازت لي

[فهد الميموني]

:good: السلام عليكم ورحمة الله وبركاته
اخوي الجندلي صقارة الشياهين سهله انشاء الله وهناك فرقات بسيطه فهي قليلة تحمل الجوع فتحتاج لقصر قليل وليس مثل الحر تدهيل قليل مع المحافظه على الريش من التكسر بالنسبه للفرخ اما الوحش فهي اكثر شوي تتعلم بسرعه لاتظعفه واجد حتى ماتمرض في المقناص العشاء وافر تصرف بدري وتروبج بدري وتهد هدد طيب بأذن الله تحتاج لجرد يومي اما ملواح او فك حمام او فك بط طيار في المقناص تحتاج للتدفئه عند المطر او البرد الشديد والله يوفقك وعذرني على التقصير انت والأخوان .

[Abunaif]

الشاهين يبيلك انك تحبه وداريه وتحطه في عيونك ادفيه في البرد والتبرده في الحر وتحاول انك ما تفرعه واجد علشان ما يتكسر هذا الفرخ اما القرناس الوحش شغلته شغله اكثر شي يحبه الحومه علشان كذا حاسب من الهدد وقت الحومة ومجرد تشك انه شاين النفس طقه بشنادره على طول لان الشاهين من اسرع الطيور يجمع شبيكا اي شحمه :))))))))))
واذا بتعلمه علمه طيار علشان ما يتروع من الحبارى والافضل اطقه بالشناذرة وتفوته يوم قبل تعلمه اذا عدته زينه :))
والشاهين كل ما زادت عدته يطربك اكثر في الهدد والكلام هذا كله عن الشياهين البحريه الوافيه وليس شياهين الجبل:))
والسلام ختام

لاجاء العصير وبرقعو كل عفار تذكرو امغلثات الشياهين

[راعي مسكت]

شكرا اخوي الجندلي على الموضوع
اما انت يابونايف مافيك حيله( يازين هدد مغلثات الشواهين)