يا اهل الشرقية .. أبغاكم شويه

[Nesta-13]

بسم الله الرحمن الرحيم ..

أتمنى أن يكون الجميع بصحة ممتازة ..

_

اخواني .. أحد يعرف مكان مناسب للمجارير في الخبر ,الدمام . الظهران؟

يدي تحكني لي شهرين مامسكت جلب ولا شفت بحر حتى . !
:(

[مهوس صيد]

عندك العزيزيه كامله تصلح في صيد المجارير او عندك اول كرنيش الدمام تمد لين الحجار الي في وجهك وابشر في الهامور او السبيطي
واي خدمه انا تحت امرك

[صياد متهور]

السلام عليكم
انته احين من الشرقية ولاا الغربية المهم حياك الله
متل ماقال لك مهوس صيد قبل حرس الحدود في الرملة تمدها لين الحجر قبلو شوي تفكها ولا العزيزية ولاا شبيلي
بالتوفيق

[Nesta-13]

عندك العزيزيه كامله تصلح في صيد المجارير او عندك اول كرنيش الدمام تمد لين الحجار الي في وجهك وابشر في الهامور او السبيطي
واي خدمه انا تحت امرك


الله يحفظك ..

شكرا

[Nesta-13]

السلام عليكم

انته احين من الشرقية ولاا الغربية المهم حياك الله
متل ماقال لك مهوس صيد قبل حرس الحدود في الرملة تمدها لين الحجر قبلو شوي تفكها ولا العزيزية ولاا شبيلي
بالتوفيق

وعليكم السلام ورحمة الله وبركاته ...

انا من الحجاز ..

وقبل شهرين تقريباً انتقلت للشرقية ..

وشكرررررراً على الإجابة .. جزيت خيراً

[صياد متهور]

وعليكم السلام ورحمة الله وبركاته ...

انا من الحجاز ..

وقبل شهرين تقريباً انتقلت للشرقية ..

وشكرررررراً على الإجابة .. جزيت خيراً
ياهلاا فيك حياك الله نورت الشرفية واي خدمة حاضرين

[عوام 5]

حياك الله في الشرقيه
وان شاء الله الشباب ما يقصرون معك

[عاشق الشعري]

اولا مرحبا تراحيب المطر شرفتنا بتواجدك في الشرقيه وعقبال ما نشوفك ونصيد سوا بالنسبه للمجارير انا انصحك براس تنوره والجبيل خاصه في هالفتره وقدامك بحر مفتوح وسمك يجيب العافيه وهالحين جاك الكنعد وهالله هالله بالسلس (قنبروه على ما اتوقع )وتقبل تحياتي ابو جـود

[زاحف بحر]

ما شاء الله الاخوان أعطوك اماكن ربما

كنا نعرفها وأماكن ربما اول مرة نسع فيهااا

وحياك الله في بيتك الثاني ..

واتمنى لكصيداً وفيراُ وطعماً لذيذاُ ..



بالتوفيق للجميع ..

[Nesta-13]

جزاكم الله خير .. وانتم معروفين ورجال طيبين ..

[accentkool]

عندك تالا والعزيزية في الخبر حق مجارير

[(( ابن الحياة ))]

اهلا وسهلا بك فى بلدك الثانى ولااضيف على ماتفضل بة الاخوان كفوا ووافوا بس عندى نصائح ان كنت ترغب فى الصيد فى الجبيل انتبة من الصيد فى البحر المفتوح هذة الايام لتقلب الجو لن الموج يصل الى علو 5الى 7 متر ولكن انصحك بالصيد قريب من جزيرة الجريد لسبب توفر السبيطى والهامور بوفرة فى ه1ة المنطقة وايضا موقعها جدا مناسب فى حال تقلب الجو يمكن اللجوء اليها او طلب المساعدة سواء من القوات البحرية او الميناء التجارى

وللعلم تردد منظم المينا التجارى 16611

هذا واتمنى لك ابحار وصيد امن

[نمط]

هلا باهل الحجاز

انا من الشرقية تحديداً من القطيف
بس المناطق القريبة مثل الدمام والخبر جربتها كدا مرة مافي شيء يسوى
البحر عامةً شحيح
والدمام الآن يقولو لسبيطي بين فيها

لكن أنا حداقي أغلبه من جهة الشمال
الجبيل ومنيفة

الجبيل عندك مكان ممنوعة اللي هي "المصبات" فيها سبيطي مليان

في المردومة ورى الشاليهات هالأسبوع طحنا فيه
فيه ضرب وأغلب صيدنا فيه شعري وطلع معنا بالول وضلعة كبيرة
ومبين فيه لمزيزي ولعريضي

اذا ودك تشرفنا بطلعة يوم لاربعاء او الخميس حياك الله

عادةً الجبيل ويمكن اذا الجو برد نطلع راس تنورة