المساعد الشخصي الرقمي

مشاهدة النسخة كاملة : أبي إفادتكم في خرازه رمنغتون أمريكي


مولع قنص
13/10/2010, 08:55 PM
السلام عليكم ورحمة الله وبركاته


اخواني انا شريت لي خرازه(( رمنغتون امريكي )) ياخذ مخزنها 14 طلق بس الغريب

في الموضوع انها احيانا تنتش الفارغ واحيانا لأ

وقالو لي ان النتاش ممكن احصله في سوق الجرده ببريده


هل هذا الكلام صحيح ولا لا ؟

وهل نوع الخرازه هذي مر عليكم ولا لا ؟ وكم سعرها الحقيقي تقريبا ؟


وجزاكم الله خير
ابومشعاب
14/10/2010, 09:43 AM
النتاش يصلحه ادنى محل ..
..
وبيني وبينك الجرده ضون تلضى .. ابو خمسين بـ200
..
اذا انت من اهل الوسطى .. تلقى سنعك .. عند اقرب محل ..
..
بس عندي سؤال .. الفارغ منتفخ يوم تطلعه ..؟
عقيد حرب
14/10/2010, 10:07 AM
كلام ابومشعاب صحيح
ابو سفيان
14/10/2010, 02:35 PM
يا اخوي
عرفت البندق ان شاء الله انها ام سيخ اخر لتركيب الرصاص فيها
وتجي الشعيره من دون واقي وشعيرتها صغيره يا خوي هذي من افضل افضل افضل الخرزات بس زستها ونضفها زين وان الناتوش حقها معدوم ما عليك غير تروح لطائف وتسال عن محلات تصليح الاسلحه ويسونها لك وحتى لو غاليه ما عليه بندق مزيونه واعرفها ولا تزال عندي وحده موجوده من قديييييييييييييييييييييييييم الزمن من ايام جدي
ابوك يالهياط ههههههههههههههههه
بس زي ما علمتك حافض عليها وياليت صوره لها ان تتكرم
ابومشعاب
14/10/2010, 04:40 PM
^^
انت تكلم عن الي تجي بدون مجرى للدربيل ومنشافها الخلفي بدون مكرات وتحركه يمين يسار بس
وماصورتها وزنها 10 كيلو خخخ

نوعية بندقك مات صانعها على مايقولون .. ومن افضل ما اقتنيت
مولع قنص
14/10/2010, 08:32 PM
هلا فيكم اخواني

وصفك يا بو سفيان ميه بالميه هذي الخرازه نفس وصفك

وبالنسبه لأخوي ابو مشعاب صحيح الفارغ احيانا يجي منتفخ مدري وش السبب

وعلى فكره انا من أهل الجوف ولا حولي محلات تصليح وبالنسبه لسعر التصليح ما هو

مشكله ياليت تفيدوني باقرب مدينه احصل احد يضبطها لي

وبأذن الله راح انزل لها صور الليله
ابومشعاب
15/10/2010, 09:40 AM
مولع قنص
..
سبب الانتفاخ .. هو إن النتاش ماتمكن من الفارغ مظبوط ..

اقرب مدينه ماعندي علم .. لآكن حولك القصيم
ابو سفيان
15/10/2010, 07:45 PM
مدام انها تنتفخ الفشكه هذي مشكله في السسته حقت الترباس ابيك تسوي طريقه وعلمني عليها عشقها ودف الترباس علقدام مو بس تسحبها وتفكها دفها برضه بقوه على قدام وارمي بس طلقه وحده وشوف الفشكه لساتها منتفخه او لا وعلمني اقلك وش علتها ان شاء الله
مولع قنص
16/10/2010, 10:21 AM
يعطيكم الف عافيه


على فكره ابو سفيان انا سويت نفس الطريقه حطيت فيها طلق وعشقت ما رمت

رجعت عشقت مره ثانيه وانا رافع السبطانه فوق وثارت على طول من عشقة قبل لا اضغط الزناد

ولما جيت اسحب الفارغ الطلق طول حتى طلع كأن مدخاله ضيق الحقيقه استغربت

وان شاء الله اليوم راح انزل صور للترباس لأنهم حاسوه بالصناعيه من كثر اللحام
ابو سفيان
16/10/2010, 08:01 PM
اهاااااا
انا راح فكري مره بعيد احسبك تقصد ام 16 طلقه الي ترمي اوتوماتيك
شوف بعض البنادق لها نتاشين واحد يسحب والثاني ينتش الطلقه مثل يوم تسحب الطلقه بأصابيعك وتنفلها
والثانيه فيها نتاش وساحب سوا وهذي اكثر شي تلاقيها في البنادق التوماتيك
في كلتا الحالتين لازم تتصلح وان كانت ما ترمي كويس يعني الابره ما ضربت الطلقه غير الابره او فك الابره واسحب السستده لانه يمكن تكون مرتخيه من الوقت ضعفت وارتخت
ما عليش كثرتها وهي قصيره بس على شان نوصل المعلومه
ابومشعاب
16/10/2010, 10:45 PM
المشكلة من النتاش ..
وتسمى مشاكيم .. هي اثنين .. واحد للتثبيت اثناء حدوث الصاعق .. والثاني لدفعها خارج البيت

..
وغيرهن الاثنين .. وشف الابره .. وسستها ..

وعلمنا بالجديد معك .. بالتوفيق
مولع قنص
07/11/2010, 11:01 PM
حياك الله اخوي مشعاب وبيض الله وجهك يالغالي

والله انك تعبت معي الصراحه الله يوفقك وانا اخوك

وبالنسبه للنتاش ارسلته مع واحد لبريده وقالي يصير خير وله الان اكثر من ثلاث اسابيع ما رد لي

وبصراحه الرجال سام الخرازه مني ب 2500 وهي خربانه ولا ادري عنه