تسجيل الدخول

مشاهدة النسخة كاملة : قصه على قصيده مضحكه جدا بين العجوز وشايبها


مخاوي الفتك
13/10/2010, 10:55 PM
قصيده تفطس من الضحك

الشيبه:
قلبي شباب ولازم اني اعرس...
مابي العجوز اللي توسد على الباب
الخير واجد وماني مفلس...عندي فلوس تدعم البنك في حساااب
العجوز :
ماباقي منك غير خشمك وهالضرس تبغى تعرس وانت غادي كالغراب
قابل صلاتك الله يشفيك من المس..
ولا ترى باطب وجهك بالترااااب
الشيبه :
انتي عجوز واكلك الروب والخس...
اماا انا ماكل سوى تكه وكباب
مافيني سكر غير ضغطي نازل بس...
دام الهوى فيني ترى كل شي طاااب
العجوز :
لا بارك الله فيك يالشيبه يالنحس...
ماتجيبك الرمسه ولا يجيبك اعتاب
قصر لي صوتك ماابي اسمع ولا حس
عطني طلاقي وانقلع وقبض الباب
الشيبه :
دومك نحيسه وذا لسانك يبيله قص...
ربي ترى حلل لي اربع بالكتاب
هذا خميس الاعمى ياكم عرس...
مرتاح بالدنيا بلا هم واعتاااب
العجوز :
بطران وراسك كالصخر يابس وعص...
مالوم طبعك يوم ربعك هالكلاااب
غادي شرا الاريل ودومك تتحيس...
استح على وجهك اصلع ولعاااب
الشيبه :
فكيني من وجهك ترى مالي اي نفس...
زهقان من شوفك وابقالي احباب
هذا طلاقك طالقه اربع وخمس ...
شلي طلاقك من ضميري بلا حسااب
العجوووز :
مشكور يالشيبه ومن دون اي دس...
عندي حبيب ماابتعد لحظه وغاب
يشريك ويبيعك تراه باثمن وبخس...
ماتسوى ظفره حلو اسمر وجذااب
الشيبه :
يالله قبل لا اموت منك وقتص...
طلعتيلي قرنٍِ وراسي بعد شااااب
ياشينه البرقع ترى قدرك اختس...
عجوز لك في الدنيا خلان واحباب؟!
العجوز :
مثلك تراني وهذا لك في العمر درس...
لاني اميز بين شيبه وشياااب
ولا نسيت انيعلى الموضه اللبس...ماعلموك اني بلا شيله وحجااااب:D:D

واتمنى ان تنال اعجاب الجميع بأذن الله تعالى


مخاوي الفتك
مخاوي الفتك
14/10/2010, 09:55 AM
:p:pوين الردود:p:p:director:
حياتي البحر
14/10/2010, 11:21 AM
ههههههههههه

الله يبارك فيك

قصة جميلة ورائعة
ربي يعطيك الف عافية
بوابراهيم ع
14/10/2010, 09:50 PM
تسلم
خراف عجايز نسأل الله حسن الخاتمه
tahoe_120881
14/10/2010, 10:19 PM
مشكور ضحكتنا على هالشيبان
ألم وعشناه
15/10/2010, 09:19 PM
يجزاك خير من جد فرت راس الشايب مسوي فيه دونجوان على غفله!!
محمد الظاهري
15/10/2010, 09:25 PM
تسلم والله ياغالي
سالفه مضحكه
والله يحسن خا تمتنا

اخوك
مخاوي الفتك
17/10/2010, 08:14 PM
:)مروركم يسعدني:)