..:: أخوكم جديد في عالم الساكتون ::.. تفضل عطني رأيك يالحبيب ..

[مرسال1]

بسم الله الرحمن الرحيم

السلام عليكم ورحمة الله وبركاته

مساكم الله بالخير يالربع

أخواني

مريت السنيدي اللي على الدائري الشرقي بالرياض ..

وحصلت عندهم ساكتون ( صــاب ) 27 ... نوع فيبر أسود بـ 550 ريال أو حوله ..

مادري وش راايكم فيها ؟ وش تصلح نصيد فيها ؟

مع العلم أني ما اعرف شي بالساكتون وودي اتعلم عليهن ;).

وش تنصحوني فيه ...

والرصاص بعد عرفت أن به مدبب ونوع عادي .. وش استخدامهن ؟


وجزاكم الله خير .

أخوكم / أبو محمد

[f 16]

اخوي اذا تبي بارود لك وللزمن خذ فايروخ 27 عند الرميح اعتقد 950ريال
غير الفايروخ لاتدور وبعدة تجي ديانا

[MjNo0oN]

اخوي دامك جديد اول شي انتبه وابتعد عن البنادق الاسبانيه

ثاني شي دامك تبي تتعلم خذلك الماني تراه ممتاز وسعره ماعليه حسوفه وبتعرف هاذا الكلام بعد ما تستخدمها بفتره ((انا معي وحده لها 15 سنه ديانا مقاس 27)) بس سبطانتها في السنه الاخيره خربوها العيال الله يصلحهم ومالت ولين وقتك الحالي مالقيت لها حل لان قطعها وشكلها تختلف عن التاليات

نصيحه لك من مجرب الديانا ممتازه وسعرها اتوقع انه 850 لمقاس 27 اما غيره من المقاسات شف الفيوروخ اطيب منها

وانت خذ البندق واضمن لك انها بتكد معك 10سنوات قدام وكل 3 سنوات غير جلب و سبرنق ماتاكل عليك 100 ريال اذا كنت انت بتركبها او 200 ريال اذا كان المحل هو الي بيركبها لك

والبنادق التاليات لاتقربهن الا اذا كانت عندك خلفيه ممتازه عن البنادق ومشاكلها وحلولها

[مرسال1]

شكرا لكم على المرور

[قناص الأشهب]

وعليكم السلام
هلابك اخوي مرسال1
1 -ونا اخوك الديانا والفايروخ بنادق طيبه ولكن الجديد مو نفس القديم يقولون والله اعلم ان الديانا من داخل بعض القطع بلاستيك
2 -مقاس 27 تراه مو قوي بالحيل بالنسبه للطيور اذا انت من اللي يقنصون القمري فما فوق في حجم الطيور 3 -وذا انت من اصحاب العصافير او تبي تدرب عليها تراها زينه
4 -وذا بتغير رأيك علا مقاسات اكبر ترامن عيوب الفايروخ والديانا في المقاسات الكبيرة النيشان يتحرك بعد كم رميه ويختل وزنيتها( للمعلومة انا اعطيتك العيوب وترا للعيوب حلول مو جوده في محلات الصيانة مثل تغيير النيشان بنيشان أقوى --- ولم اذكر مزاياها لأنها كثيرة )
وفي الأخير بعطيك رأيي والشباب أخبر مني بس هذا رأيي أستناداَ علا الآتي
دقة الأصابة - توفير المال - كد ومد ما أقدر أجزم بس يبين علها القوة والخفة وهي
التركيات الجديدة عند الرماية بجميع فروعها وهي جديدة علشان كذا ما اقدر أقول كد ومد ولا أحد يقدر يقول انها ما تدوم لأن ما تبين الا من السنين ولكن انا موجودة عندي من شهور ويبين عليها القوة والتماسك (موديل 88) وهي من المقاس الوسط بالنسبه لغيرها من الموجود من التركيات وعلا فكرة قوتها 305 متر بالثانيه اقوى من الفايروخ ال80 بعشرة متر بالثانية وليس بفرق كبير (أدري اني طولت وكثرت بالأقواس ههههه)

[مرسال1]

يا ملا الجنة أخوي ..

كذا والله الحين أحتاار :)

ناس تقول الالمانية وناس الاسبانية وناس التركية :)

طيب ديانا اسبانية ولا تركيه ؟

طيب ماحد قال لي عن صاب اللي عندي السنيدي الفيبر ؟ وش رايكم به

[مرسال1]

نبي جواااب الله يجزاكم خير يا أخوان :)

[الستانس]

اللي اعرفه ان السنيدي ما يبيع إلا الصيني

ولو تاخذ لك قامو 25 اصرف لك من الصيني لو كان 80

وسعر القامو على خبري الخشب اقل من 500

(خبري قديم جداً)

اسأل الآن

[فارس الحربي1]

والله اسلم بعمرك اذا تبي تاخذ من السنيدي لاني مره مريته حصلت عند ساكتون كلهن صينيات
واذا تبي رائي خذلك 80 فايروخ قويه وتذبح القمري 1700ريال او خذلك نوريكا 1500ريال على حسب ماسمعت واقوى من الفايروخ 80
واذا تبي وحده تذبح الفري وطقته خلك 30 بـــ950ريال

[مطر وسم]

اللي ب 550 هذي صينيه ماتصلح ابد ابعد عنها اسبوع وتتفكك وتلين السسته

اذا تبي طيور صغار دخل وشيوخ دخل خذلك دينا 27 او فايروخ 28 كلهم زينات اسعارهم فوق الف ريال اعتقد 1100 واذا كنت تبي تصيد طيور كبار قميري وصفار خذ لك مقاس كبير من 38 وفوق

واذا معك قريشات وتبي طيور كبار وتضمن صيدك عليك بشوزن طيبه:good2:

وسلامتك

تقبل مروري