Abunaif
29/08/2005, 04:33 AM
السلام عليكم ورحمة الله وبركاته
كانت هذي السالفه في العراق جعل يسقى ذيك الايام شهر 2\2003 يعني قبل حرب العراق بفتره بسيطه دخلت العراق ادور الصيد والعراق هي الديره المناسبة بكل المقاييس اهلها رجال وفيهم خير وقيعانها تشرح الصدر المهم ما طول عليكم كان معي قرانيس ثنين شاهين وحر الحر طلع وتوني شاريه واعرف علومه قبل ماشريه طيب وقرناس الشاهين ما تمله عينك وفعله طيب للأسف الحر كان رامق ما يبي الهدد من اول يوم المهم كنا في يوم من الايام قانصين وكنت اسولف مع واحد من الربع واقف جنبي ما انتبه إلا وواحد من ربعنا يلزم ( يعني هد طيره) سالنا كم وحده قال مادري انا هديت طلع والطير روح مع القاع راقد على جناحة وللحين ماشفت شي وين انت وين مكانك المهم طلع جنوبنا حوالي 5كيلو ويطرد واهو رايح جنوب سقت انا ورفيقي اللي كان واقف جنبي على فكره كان معه فرج شاهين صايد في يومين 21 حباري المهم سقنا لين وصلنا واحنا نسال رفيقنا اللي هد هااااه كم وحده واهو يقول ما شفت للحين شي والطير يطرد إلا بواحد من ربعنا مع اللي هد الطير يقول يالربع انا ماني متاكد بس كاني اشوف ثنتين مثل الفراش في السماء قدام الطير سقنا ووصلنا راعي الطيع وين الحبارى اشر بيد لانه نازل للطير ناحيت الجنوب كملت وجهتي جنوب الجو صحو وممتاز وكنت اتوقع اني راح اشوف الحباري التفت لصاحي راعي فرح الشاهين قلت له يا فلاف احذف الفرخ كان الحبارى فوق ترا الطير بيشوفها تردد وقال وين احذفه وانا ما شوف شي رفع ضغطي وقلت له الزم وظهرة قرناس الشاهين مع الفتح على سرعتي ارتفع فوق المواتر عقبه طلب جنوب قلت لرفيقي سق الشاهين شاف ومن لحظتها وانا موقف شعر راسي وبديت انشف من الدم طردنا مع الشاهين كيلوين إلا ورفيقي يقول ابشر بالحباري قدام القرناس رفعت نظر إلا وهي ماغير نقط سود من ارتفاعها شوي ولا ابوسويد (من اسماء الشاهين ) يوم دخل بينها وعلق حداها وحولبه ولا لامس القاع بحباراه إلا وفرخ الشاهين ظاهر من موتر رفيقي للثانيه والحمدلله صدناها بعد المهم صدقوني لو واحد منكم ذبحني ذيك الساعه ما كان حصل قطرة دم من كثر ما نشف (( للعلم حاربت الحرار عقب حباري العراق اللي ما توقع للطير حتى لو لحق لين يعلق وهي طيار مع اني اكن لها كل التقدير والمحبه)
نصيحة اللي بيتعنا لمقناص لازم يكون معه اكثر من طير ويكون فيها شاهين طيب ولا حر طيب وحش سنته خوف انه يرمك
كانت هذي السالفه في العراق جعل يسقى ذيك الايام شهر 2\2003 يعني قبل حرب العراق بفتره بسيطه دخلت العراق ادور الصيد والعراق هي الديره المناسبة بكل المقاييس اهلها رجال وفيهم خير وقيعانها تشرح الصدر المهم ما طول عليكم كان معي قرانيس ثنين شاهين وحر الحر طلع وتوني شاريه واعرف علومه قبل ماشريه طيب وقرناس الشاهين ما تمله عينك وفعله طيب للأسف الحر كان رامق ما يبي الهدد من اول يوم المهم كنا في يوم من الايام قانصين وكنت اسولف مع واحد من الربع واقف جنبي ما انتبه إلا وواحد من ربعنا يلزم ( يعني هد طيره) سالنا كم وحده قال مادري انا هديت طلع والطير روح مع القاع راقد على جناحة وللحين ماشفت شي وين انت وين مكانك المهم طلع جنوبنا حوالي 5كيلو ويطرد واهو رايح جنوب سقت انا ورفيقي اللي كان واقف جنبي على فكره كان معه فرج شاهين صايد في يومين 21 حباري المهم سقنا لين وصلنا واحنا نسال رفيقنا اللي هد هااااه كم وحده واهو يقول ما شفت للحين شي والطير يطرد إلا بواحد من ربعنا مع اللي هد الطير يقول يالربع انا ماني متاكد بس كاني اشوف ثنتين مثل الفراش في السماء قدام الطير سقنا ووصلنا راعي الطيع وين الحبارى اشر بيد لانه نازل للطير ناحيت الجنوب كملت وجهتي جنوب الجو صحو وممتاز وكنت اتوقع اني راح اشوف الحباري التفت لصاحي راعي فرح الشاهين قلت له يا فلاف احذف الفرخ كان الحبارى فوق ترا الطير بيشوفها تردد وقال وين احذفه وانا ما شوف شي رفع ضغطي وقلت له الزم وظهرة قرناس الشاهين مع الفتح على سرعتي ارتفع فوق المواتر عقبه طلب جنوب قلت لرفيقي سق الشاهين شاف ومن لحظتها وانا موقف شعر راسي وبديت انشف من الدم طردنا مع الشاهين كيلوين إلا ورفيقي يقول ابشر بالحباري قدام القرناس رفعت نظر إلا وهي ماغير نقط سود من ارتفاعها شوي ولا ابوسويد (من اسماء الشاهين ) يوم دخل بينها وعلق حداها وحولبه ولا لامس القاع بحباراه إلا وفرخ الشاهين ظاهر من موتر رفيقي للثانيه والحمدلله صدناها بعد المهم صدقوني لو واحد منكم ذبحني ذيك الساعه ما كان حصل قطرة دم من كثر ما نشف (( للعلم حاربت الحرار عقب حباري العراق اللي ما توقع للطير حتى لو لحق لين يعلق وهي طيار مع اني اكن لها كل التقدير والمحبه)
نصيحة اللي بيتعنا لمقناص لازم يكون معه اكثر من طير ويكون فيها شاهين طيب ولا حر طيب وحش سنته خوف انه يرمك