المساعد الشخصي الرقمي

مشاهدة النسخة كاملة : ياشباب تكفون ويش سبب التفتفة في الهايلكس بعد فصل البطارية


عابرسبيل2007
15/10/2010, 11:42 AM
:(يشباب
السلام عليكم ورحمة الله وبركاته
موتري هايلكس 2007 جاب لى الجنان إذا فصلت البطارية والموتر طافى يتفتف ولا يصفي صوتها وتروح التفتفة الا بعد عناء شديد حيث أقوم برفع كويلات البواجي وهي شغالة وأخليها تضرب شوط كذا مرة وعلى كل البواجي وبعض الأحيان تصلح وبعض الأحيان تصفي من حالها وش سبب هالمشكلة اللى كل مافصلت البطارية ترجع بها هالتفتفة علما بأني مطفي السيارة بالكامل وما فيه إي شي شغال لانور لامسجل لالالالا
أرجو الفزعة والتفاعل معي من أهل الخبرة واللى عندهم خلفي عن هذا العطل
ومشكوووووووووووووووووووووووووووووووووووووووووووووو وورين:(
الرحال 2003
15/10/2010, 12:40 PM
وعليكم السلام ورحمة الله وبركاته
بالنسبه للتفتفه كل الهايلوكس الجديد من 2006 وطالع لا فصلت البطاريه يبدا ينزل الضغط تحت الواحد حول تطفى السياره وثمن تضبط بعد ساعه او اكثر
واتوقع انه بسبب الدعسه كهرب
والاخوان مايقصرون اللي عند علم بالحاله هذي
عابرسبيل2007
15/10/2010, 04:21 PM
الله يعطيك العافية أخوي الرحال 2003 على تجاوبك معى
ويييييييييييييييييييييييييينكم يأهل الهلي
بقعااوي
15/10/2010, 04:28 PM
اخوي صارت معي المشكله كثير

واعلموني اني لابغيت افصل البطاريه

لازم مفتاح السياره يكون على وضعيه اون
يعني اخر السلف وتفصل البطريه وتزبط باذن الواحد الاحد
وذا بغيت تركب الصبع كذالك المفتاح على اخر السلف يعني الي بس لفه خفيفه تدق سلف

اتمنى اني افدتك

انت الحين جرب طريقتي وشف شيصير
بقعااوي
15/10/2010, 04:35 PM
ترا السبب البخاخات صار بهن خلل من فصلتك للبطريه غلط

يرجعن لاتخاف
عابرسبيل2007
15/10/2010, 09:21 PM
الله يعطيك العافية أخوى البقعااوي على تجاوبك معي مع العلم أني لم أجرب تركيب الصبع وهي بوضع التشغيل بجرب وأعطيك خبر ومشكور ويعطيكم ألف ألف عافية على تجاوبكم معي
أما بالنسبة للبخاخ هل كشفت عليه بعد هذا العطل يعني هل له دور بالموتر مما يسبب لها تفتفة
الصقر الحربي
16/10/2010, 10:35 PM
شوف يالحبيب هذه المشكلة في السيارات الجديدة
هذه صارت لواحد من خوياي معه كامري 2010
صارت تتفتف والمشكلة طلع أصبع البطارية مرتخي

الحل هو
انك تفك اصبع البطارية لمدة 10إلى20دقيقة ثم اشبك الأصبع وشغل
.................................................. .................................................. ...
عابرسبيل2007
17/10/2010, 01:13 AM
شكرا لك أخي الصقر الحربي ولاكن سبق وأن فصلت الأصبع ما يقارب أربع وعشرين ساعة ولم يجدي نفعا
حيث أني أعدت تركيبة ولم تذهب التفتفة !!!!!!!!!!!!!!
نقاء المطوع
17/10/2010, 03:11 AM
طبيعي اخوي لاتخاف لافصلته تبدا تتفتف وغالبن تطفى وهي واقفه انا كم مره صارت معي بس اخليها واقفه 15 دقيقه مشتغله وتروح بالتوفيق
انا هو هو انا
17/10/2010, 03:15 PM
عادي عادي اخوي لا تخاف ابد وحط يديك ورجليك في مويه بارده

انا يامحاكيك معي 2006 وعادي دايم تحصل معي اذا فكيت البطاريه ويقعد يتفتف واخر مره فكيت البطاريه في رمضان

قعد موتري يوم يتفتف ثمين يومين يتفتف ويطفي ثمين ظبط

المشكله هي انه اذا فكت البطاريه وركبت ثانيه يبيله برمجه وهو بالعاده يتبرمج بسرعه وبعض الايام يبطي لاكن ارتح كل الهايلكسات الجدد كذا تقبل مروري وان شاء الله اني افدتك
طارق الليل
17/10/2010, 04:55 PM
المشكلة هي من الدعسة الكهربائية ..

الحل انك تمسكبة خط وتمشيه وكلها ساعة الى يومين بالكثير ويصفي فيما يبرمج نفسة من جديد ...

وشكراا
عيش صحاري
17/10/2010, 07:39 PM
المشكله هذي في الهايلكس من موديل 2006 وطالع بس تروح بنفسها بعد وقت من التشغيل بدون ماترفع كويلات ولا شي ...
بدوي جنوبي
17/10/2010, 07:52 PM
اذا فصلت البطاريه
الكمبيوتر يفقد القراءة الخاصه بكمية دخول الهواء
والوقود .

بعد تركيب البطاريه يبدأ الكمبيوتر تلقائي يضبط الكميه المناسبه لخلط الوقود والهواء
يعنى اعادة برمجه .

وبعد فتره من التشغيل يرجع الوضع طبيعي
بالتوفيق
رحال الجوف
17/10/2010, 08:02 PM
شوف يالحبيب هذه المشكلة في السيارات الجديدة

هذه صارت لواحد من خوياي معه كامري 2010
صارت تتفتف والمشكلة طلع أصبع البطارية مرتخي


الحل هو
انك تفك اصبع البطارية لمدة 10إلى20دقيقة ثم اشبك الأصبع وشغل

.................................................. .................................................. ...

صحيح الصحيح كلام الصقر الحربي الغالي
صحيح مية بالمية وصارت معي 3 مليون مره:D
الحل الصحيح انك تفل اصابع البطرية ربع ساعة
تمام يعني 20 دقيقه

بس انا اخبر المشكلة هذي من فصلت القير
الي تخلي السياره ماتفصل او اذا اسياره جاها
ظغط وبعدين طفيته على طوال تجيها المصيبه هذي
او ان البخاخ متسخ الله يكرمك والنتيجه هي التقطيعه

انا اعطيتك كم سبب لاني مجرب كل الاسباب هذي

ويمكن كلامي يطلع خاطئ ويتبيلك انه خراب ثاني

والله يسهل امورك
أنــــشــاء الله
ذيب النجيل
23/02/2011, 09:56 AM
هالمشكلة عندي صار لها اكثر من شهر وماهي راضية تصفي هالسيارة

كل يوم تتفتف وينزل الضغط وعجزت القى لها حل وجربت كلام الاخوان لكن مانفع

تكفون فيدوني وش الحل
عيش صحاري
23/02/2011, 11:39 AM
الوضع طبيعي من موديل 2006 وطالع اذا غيرت البطاريه تفتف لها وقت بعض الاحيان تجلس يوم وهي تفتف وتروح لذلك لا تلعب في سيارتك خلها تفتف لين تروح ...
عبدالحميد الحربي
28/02/2011, 01:38 AM
خذ عندك رد الأخ حنضل

سو هالطريقه وراح تضبط معاك .. من واقع تجربة

http://www.mekshat.com/vb/showthread.php?t=383498
أبو زياد الحنيني
28/02/2011, 10:23 AM
ادخل على الرابط و ان شاء الله تضبط امورك
http://www.mekshat.com/vb/showthread.php?p=5619492