مطلوب من الخبراء في الرياض تسعير هذه الادوات

[مخيم الصمان]

السلام عليكم ..

اخواني سكان مدينة الرياض المخيمين :f

اتمنى تفيدوني بأسعار اللسته الي وصلتني بالاسفل وتكلفتها تقريباً او متوسط التكلفة

مخيم ثلاث خيام

خيمة عامود

خيمة عامودين
خيمة ثلاثة عواميد

وغرفة خشب 2,5 * 2,5 =

دكة خارجية 6*6 =

مساند للخيام والدكة =

عقم =
عدة المطبخ والطبخ =

تانكين ماء =
خزان ماء =

كهربائي مع الانوار والكشفات وتمديد وتوصيل الاسلاك =

المجموع =

^^
اللسته بالاعلى نسختها كما وصلتني

فأرجو من حضرت الخبراء ومن لهم الخبرة الافادة بالأسعار
لحسب القطة والمجموع
لمخيم الشباب


كما احب اضيف طلب , والمعذرة لآني كثرت عليكم

بخصوص التصريح للتخيم في الثمامة وش شروطهم ومن اين وهل عليها رسوم واخذ التصريح في نفس الوقت ؟


تحياتي للإدارة والأعضاء والمشرفين


(ومنكم نستفيد) :)

[ولد العويد]

يفيدونك الاخوان

[العاذر]

ما نقدر نحكم على الخيام هل هي جديدة او مستعملة
وبقية الأشياء حسب نظافتها وجودتها
لكن
ممكن تاصل 15 ألف إذا كان كل شئ جديد في حدودها تقريبا
وهذا سعر غير أكيد طبعا ..
تزيد أو تنقص

[بليزر616]

اخوي كانك شاري واللي يبي يبيعك يحتري سوم لك او لغيرك ..... مدري احس طريقتك ماتجوز

ممكن او الاكيد بنظري بخس السلعة هو الاقرب والله اعلم ......... وجهة نظر فقط لاغير

اما كانك تبي تشتري من محل وتبي تتكد او تبي السعر التقريبي فهذا يعتمد على صناعة الخيام والتوانك

[مخيم الصمان]

بيض الله وجيهكم على الافادة ..
اخوي بليزر انا اقصد اشتريها جديدة من المحل
افضل انواع الخيام .. < يرجى منكم التوضيح والنصح والتوجيه لآفضل الانواع وافضل الاسعار
والتوانك جودة متوسطة او جيدة بسعر مناسب < يعني لو امكن توضيح النوع او مكان البيع

اكون لك من الشاكرين


(تنقصنا الخبرة)

[العاذر]

اخوي
ما تحتاج شئ
فقط تحتاج لفة على المحلات كل حسب نوعه
وبعدها حدد

[مخيم الصمان]

حياك اخوي العاذر

خيمة ام عمود وخيمة ام عمودين وخيمة ام ثلاثة

وياليت يالغالي كان في موضوع يتضمن معلومات عن الخيام ام عمود تدلني عليه ,,

جزاك الله خير

[مخيم الصمان]

طيب يالعاذر اذا انت من اهل الرياض وش الاماكن الي تنصحني افرها وابدأ بها (بالأفضلية)


..

[أسد نجد]

اخوي كانك شاري واللي يبي يبيعك يحتري سوم لك او لغيرك ..... مدري احس طريقتك ماتجوز

ممكن او الاكيد بنظري بخس السلعة هو الاقرب والله اعلم ......... وجهة نظر فقط لاغير

اما كانك تبي تشتري من محل وتبي تتكد او تبي السعر التقريبي فهذا يعتمد على صناعة الخيام والتوانك
بعد إذن صاحب الموضوع ياليت أخوي بليزر تبين أكثر ليش حرام ؟ بيشتري مخيم وبيعرف السعر التقريبي علشان يسوم !!

[العاذر]

شوف أخوي
خيام (بيت الفال ) على اليمين وانت رايح مقبرة النسيم
وفيه خيام القحطاني نفس الشارع
وفيه واحد على طريق الجنادرية
شغل نظيف وقوة
لا تعداها
كلها في الرياض
وبعضهم ما يمدح المواسير بدل الخيزران في الرواق
يقول تطلع صدى مع المطر
***
تحياتي

[مخيم الصمان]

بيض الله وجهك اخوي العاذر

جزاك الله الف خير والله يوفقك دنيا واخره

[العاذر]

وجهك ابيض اخوي مخيم الصمان
والله يسلمك ما سوينا شئ
واي خدمة انا موجود