قصتي مع السنيدي للوازم الرحلات!!!!!

[fof6666]

السلام عليكم ورحمة الله وبركاته

اشتريت من السنيدي تانكي ماء سعة 110 لتر وكان ذلك في نهاية رمضان

و من يوم شريت التانكي لاحظت ان فيه طعم قلت ممكن من لي التعبئة ولا لي التانكي
غيرتهن ومافيه فايده وحاولت أحل المشكلة ولكن بكل الطرق وما قدرت

وأخيرا قررت أمر السنيدي وأبلغهم عن المشكلة

وفعلا مريتهم اليوم العصر واستقبلوني بكل احترام وارسلو معي عامل للسيارة
قلت للعامل يذوق الماء وفعلا حصل فيه طعم

قال لي رح للمدير فوق وأولماوصلت للمدير وقلت له ان العامل يقول فيه طعم قال رح اختر أي تانكي بداله مع العلم اني مامعي فاتورة

باختصارة هذي اشادة بتعاملهم الراقي ومرونتهم مع الزبائن

[فتى سدير]

بكم خذته يااخوي الله لايهينك

[مخيم الصمان]

عساك جربت الثاني بس :)

[ابراهيم.1]

وعليكم السلام ورحمة الله وبركاته

نفس الفكرة ..

مرة فصلت عندهم شراع لصندوق الهايلوكس وجلست اسبوعين تقريبا ثم تقطعت رباطاته ورحت لمهم وغيروهن كلهن جزاهم الله خير ..

[راعي اللبرق]

هذا غير مستغرب من شركة كبيره مثل السنيدي
عافاك الله يا أخوي

[ابوعزام]

بيض الله وجهك اخوي على نقل مثل هالاخبار

ويا ليت كل واحد منا يمر عليه اي موقف سواء ( ايجابي او سلبي ) ينشره

لنقول للمحسن احسنت وللمسيء اسئت

ونقول للسنيدي احسنت على حسن تعاملك مع زبائنك المحبين لك

ولكـ التحية والتقدير

[اسير الغضا]

اكثر اهل بريده تعاملهم طيب الله يكثر من امثالهم

[طشي وامطري]

والله والنعم بالسنيدي
الله يرزقهم ويبارك لهم برزقهم

[احساس الصمت]

بصراحه من أفضل من تم تجربتهم لخدمة مابعد البيع
بارك الله في تجارتهم

[مريقب العيفار]

تصرف راقي من السنيدي

يشكرون وتشكر انت يا صاحب الموضوع على الاشادة بالفعل الطيب

[nashy]

بيض الله وجيهم وهذا أساس النجاح ...... بركة في الرزق

[رفيع المقآم]

الله يعطيهم العافيه
وهذا اللي يحبب الزباين فيهم صيتهم الحسن

[دل البحار]

ماشاء الله عليه السنيدي كل منتجاته حلوه وأسعار معقوله لكن ماله نفس يفتح لنا فرع في الغربيه
شكرآ اخوي على التوضيح عن السنيدي

[wafi4sa]

اي والله احقاق للحق انا مرة اشتريت منهم لمبة بيضاء اللي فيها مغنطيس
والقاعدة خربانة رجعتها لهم بعد مرور وقت طويل ( اشهر ) لاني ماني في نفس المدينة
ورجعوها بكل يسر وسهولة بارك الله فيهم

[عبدالله زمان]

بيّض الله وجيههم ووجهك يالغالي
وهالمعامله هذي تفيدهم اكثر من ماتفيدنا كمستهلكين

وهالعمل هذا علشان ترجع لمهم المره الثانيه ولو بينك وبينهم مسافة سفر

وهم ماشاءالله عليهم ماقد شفنا منهم الزله مع الزبون من سنين طويله ولله الحمد

شكراً لك يـآ خوي :)

[fof6666]

مشكورين على المرور وبالنسبة للسعر 630 ريال والتانكي مسدوح

[سرهيد]

السلام عليكم

كفو والله وهذا لصالح المكشاتية ولصالح السنيدي

الله يبيض وجهه

على فكرة امس كنت مع واحد وقال لي : انه كان شارية شنطة من مدة ، وتغير لونها ، راجع للسنيدي وغير الشنطة على طول ...

هذا عمل يشكر عليه السنيدي

تقبلوا احترامي

[bu hadi]

تسلم يالغالي على كتابة الموضوع

السنيدي يستاهل كل خير هو وكل من شابهة في حسن التعامل

تقبل مروري

[ALBDRANE]

أشاده في محلها

[بحر44]

انا ايضا وللأمانه اشتريت جهاز اصوات الطيور من احد الموزعين للسنيدي وبعد اسبوع خرب الجهاز
ولا عاد يقبل الشحن وجبته لهم في محلهم اللي في الدائري الشرقي وكشفوا عليه وقالو انه عطلان ماعاد يشتغل
وعلى طول قام مدير المحل واضنه يمني واخذه واعطاني بداله جهاز جديد بجميع ملحقاته
ومشيت من عندهم وانا ادعيلهم ماهو والله عشان فلوسي بغت تروح علي لا والله الا على شان تعاملهم
الطيب وحرصهم على سمعة المحل وارضاء الزبون

فالله يجزاهم كل خير ويفتح لهم ابواب الرزق

[راعي الرائد]

هذا العشم حيث ان هذا التجاوب يزبد الثقه فيهم ويدل على حرصهم على براءة الذمه التي تساهل فيها كثيرا من الناس

[الضاحي]

جزاك الله خير على الموضوع

وهذا شي يحسب للسنيدي

[هواوي صيد]

هكذا الإسلام بتعاملة

ياليت الكل يطبق تعاليم ديننا

الله يجزاهم خير ويبارك لهم

وانت بعد جزاك الله خير على ماقدمت

[أبوباسم455]

والله مـاشاء الله عـلـيهم عـلـى حـسن الـتـعـامـل ورحــابـة الـصـدر ، ووالله شـــيء يـثـلـج الـصـدر !!

http://dc03.arabsh.com/i/00113/5cvbd8pn7ipm.gif



http://dc03.arabsh.com/i/00099/fz6vdqqe8do9.gif

[abumohammad99]

ما يحك جلدك مثل ظفرك..

لا صار الواحد منك وفيك يخدمك بعيونه..

مهوب مثل ذاللي سلط الله علينا. الله يكفينا شرهم..

[السلمان2010]

بالفعل انا رجعت قدر كاتم رجعوه بسدر رحب وحتى مقلبوا ولا فتحو الكرتون

بس الله يتمي بهم

[ملقاط بن جمر]

عز الله إن تعاملهم طيب .. وعن واقع تجربة معهم ..

لكن أسارهم نار موقدة الله يهديهم ..

[ولدالعم]

كسب الزبون مطلب مهم
لو كان تعاملهم سيء لطارت به الاخبار ولبارت سلعتهم

الله يرزقنا واياهم من واسع فضله

موفق لكل خير

[سحاب1]

الله يرزقه ويوفقه لما يحب ويرضي

[حب لاينتهي]

هذا شيء يفرح القلب

[سديراوي نت]

بارك الله فيهم.. بس اتمنى يراجعون الأسعار!

[بـــرق نجـــد]

يستاهلووون المدح
الله يرزقه ويوفقه اذا هذا تعاملهم
ويستحق التشجيع الشركه وطنيه بفكره وطنيه وابن البلد يستاهل المدح

تحياتي لسنيدي ولك

[هوايتي مكشات]

بارك الله فيك ياغاااالي

[الطرفاوي@]

مشكور اخي على هذا الاشاده بتعامل السنيدي وهذا المفترض بالمؤمن بان يقول للمحسن احسنت وللمسيء اسائت ونشكر السنيدي على هذا التعامل الراقي وللحق انا اعاملهم من زمن ولاعمري شفت منهم الا كل حرص على الزبون ولااستماع لملاحظاته فبارك الله فيهم

[الشاهين2004]

تعامل يشكرون عليه وهم الكسبانين من التعامل الطيب مع الزبائن

[الهاوي 9]

هذا غير مستغرب من شركة كبيره مثل السنيدي
عافاك الله يا أخوي

[السومر]

بارك الله فيهم

[يوسف الزعيم20]

هذا غير مستغرب من شركة كبيره مثل السنيدي
عافاك الله يا أخوي

[هتلر2]

السنيدي ماعرفنا لوازم البر إلا عن طريقه جزاه الله كل خير

بس لو ينزل شوي في الاسعار كان مدحته بقصيده ههه

[جون الشمالي]

مشالله تبارك الله ياليت كل المحلات مثل كذا تعامل راقي واحترام للزبائن
يعطيك العافيه

[الضويان]

نعم قدحصل معي تهريب في تانكي مويه ومريت السنيدي وقلت ابي تصلحونه انا مستخدمه مايقارب سنه كامله قال اخذا واحد بداله والله ماصدقت قلت يمكن الكسرفي التانكي من سؤاستخدامي قال ماعليك خذ واحد بداله جديدوهذا اللي حصل فعلن
بارك الله فيهم

[فيصل التميمي]

حسن المعامله في البيع والشراى هي من تجذب المستهلك

[humaidi]

انا شريت منهم كشاف يعمل على الشاحن وبعد وضعة في منفذ الولاعة لم يشحن وبعد اسبوعين مريت عليهم وتم استيبداله وانا واقف
خدمة ما بعد البيع راقيه جدا جدا جدا جدا جدا جدا جدا

[خالد500]

الله يوفق الجميع

شكرا لك

[هواي البر9777]

الله يبارك لهم

[النداوي الهدد]

اما انا اتكلم عن تجربتي مع السنيدي انا من الكويت وشريت طربال حق السلة الخلفية للجيب وبعد مرور فترة خربت الاحزمه حقة الطربال ومريت القصيم وان رايح للمدينة ومريت السنيدي اللي عند سوق الجردة وحصلت صاحب المحل وبدل لي الاحزمة باحزمة حديد ويلاش مع اسلوب حلو وللعلم كان الوقت قبل صلاة الجمعة بساعتين يعني لو غيره كان تعذر بالصلاة وانتم عارفين فشكرا لك ياسنيدي وتستاهل الخير

[sapoon]

التاجر الناجح يرضي زبونه ..... وهذا غير مستغرب من السنيدي

[مراقب الصيد]

نقول للسنيدي احسنتم على حسن تعاملكم والمحافظة على زبائنكم المحبين لكم وكذلك سمعتكم ...

[shammsi]

شكرا على نقلك الخبر بارك الله فيك

[هارون97]

دايم نرجع ونعيد الخياطة ويتقبلون بكل صدر رحب

[تبريزة]

بيض الله وجيههم ورزقهم على قد نيتهم

[أبوجهاد التبوكي]

جزاهم الله خير

[ابو عمر النوح]

الله يجزاهم خير و يبارك لنا و لهم فيما رزقنا
من هذه معاملتهم مع زبائنهم نتمنى لهم كل التوفيق و السداد و أن يفتح الله لهم أبواب رزقه .

[المعمري30]

بيض الله وجهك اخوي على نقل مثل هالاخبار

ويا ليت كل واحد منا يمر عليه اي موقف سواء ( ايجابي او سلبي ) ينشره

لنقول للمحسن احسنت وللمسيء اسئت

ونقول للسنيدي احسنت على حسن تعاملك مع زبائنك المحبين لك

[السلسبيل 722]

ما شاء الله ..

ونعم بمحلات السنيدي .. جزاهم الله خيراً

[tariq2100]

بارك الله فيهم

[RôwâQâN]

وعليكم السلام ورحمة الله وبركاته انا على بالي فيه سب في السنيدي داخل متحمس ابي ادافع عنهم لبه قلبهم يعطيك العافيه

[العاطل عن الأمل]

هذا يدل اولا على الامانه ورزق الحلال والله يزيدهم من فضله

والشي الثاني هذا يدل علي نجاح مشروعهم وبيكون من افضل الي افضل

ومشكور على الخبر

وعسا بعض الشركات تشوف وتعتبر وتخلي عنها الجشع والغش