دينالي ضغط الزيت منخفظ

[almoaiteq]

( دينالي 2003 أمريكي ) مشكلة في أمبير الزيت على الربع أو أقل ومع المشي يرتفع ألى الثلث تقريباً وكان أول على النصف ومع المشي يرتفع ، ورحت لورشة شكلها حلو وفخمة وقالوا لي طرمبة زيت وجيت قبلها ورشة وقال لي نفس الكلام :
وغيرت طرمبة زيت وحساس زيت ولا صلحت وقالوا غير امبير الزيت وغيرته ولا تغير شيء وكلفني ذلك فوق 2000 ريال ...............
ولا زالت المشكلة موجودة
نرجو من الأخوة الذين مرت عليهم المشكلة أو عندهم حل لها يفيدونا

[فارس 123]

لا حول ... والله يا صاحبي أنها نفس المشكلة عندي سيارتي دينالي 2005 من شهر طلعت عندي المشكلة وخايف منها لأنها إذا طولت يقولون تتسبب في مشكلة كبيرة في المكينة .

بس أنا باقي ما غيرت ولا شي بديت بالسهلة غيرت سيفون ولقيت الأول مضرووووب غير أصلي الله لا يسامح اللي غيره ، وغيرت الزيت إلى 5w-30 بس ما تغير ولا شيء طبعاً انا فحصت كمبيوتر وطلع السبب من الطرمبة والله بعد أنا محتار وين أحصل واحد ممتاز وسعره طيب .

[ساري 111]

المكينه فيها صوت طقطقه ؟؟

[ابوعقل]

انا خربت عندي الطرمبة قبل سنة واكثر


طبعاً موتري واخاف عليه


ولا فكرت اشتغل فيه عند اي واحد


المهم اني شلته بسطحه


عند ورشة الأداء العالي


تابعه للكابتن هشام الملا


برحيمه


لان عنده خبره كافيه بهذا النوع من المكاين


ما شاء الله


والحمد لله غير طرمبة الزيت


بنوع slp


والحمد لله مرتاح


لان اغلب العمال يتعلمون على سياراتنا


صحيح سعره أغلى من الورش العاديه


بس تحط سيارتك عنده


وانت مرتاح


ـــــــــــــــــــ


انت يمكن عندك الماصوره اللي تسحب


الزيت من الكارتير الى المكينة


مسدوده


والله يعينك وان شاء الله تنحل مشكلتك


وكثير ورش سيارات


شكله فخم


وانواع الأجهزه بالورشه


بس العماله فااااااااشله

[قمة افرست]

المشكلة واضحة من ضخ الزيت لاجزاء المكينة
طبعا الطرمبة ماهي خربانه ونادرا تخرب ولاكن لقلة المهندسين نقول طرمبة زيت
الي يخرب صوفة الطرمبة يصير فيها تنسيم او من ماصورة الزيت الي موصلة بالكرتية وذكرها الاخ ابوعقل
ورايي لاتشد على السيارة ولاتتعدى سرعة 80
وخراب الصوفه يضعف سحب الزيت لاعلى
الان تروح لورشة معروفة يغير الصوفة ويشيك على ماصورة سحب الزيت من الكرتية
المهندس الي ركبها ماركب الصوفه او ماركبها صح

المشكلة اذا طلع صوت التكايات بتكره السيارة ولاراح يروح الا بتغيير التكايات

ملاحظة اخيرة خل السيارة واقفه واسمع صوت المكينة اذا فعلا المشكلة بالطرمبة او مما ذكرت راح تلاحظ ان صوت التكايات فيه خشونه شوي واذا دعست بنزين خفيف يوضح خشونه بحركة المكينة وكانها مكتومه

[فارس 123]

المشكلة واضحة من ضخ الزيت لاجزاء المكينة
طبعا الطرمبة ماهي خربانه ونادرا تخرب ولاكن لقلة المهندسين نقول طرمبة زيت
الي يخرب صوفة الطرمبة يصير فيها تنسيم او من ماصورة الزيت الي موصلة بالكرتية وذكرها الاخ ابوعقل
ورايي لاتشد على السيارة ولاتتعدى سرعة 80
وخراب الصوفه يضعف سحب الزيت لاعلى
الان تروح لورشة معروفة يغير الصوفة ويشيك على ماصورة سحب الزيت من الكرتية
المهندس الي ركبها ماركب الصوفه او ماركبها صح

المشكلة اذا طلع صوت التكايات بتكره السيارة ولاراح يروح الا بتغيير التكايات

ملاحظة اخيرة خل السيارة واقفه واسمع صوت المكينة اذا فعلا المشكلة بالطرمبة او مما ذكرت راح تلاحظ ان صوت التكايات فيه خشونه شوي واذا دعست بنزين خفيف يوضح خشونه بحركة المكينة وكانها مكتومه

الأخ قمة أفرست ..

كلامك صح 100%100 ولكن وين الشخص اللي ممكن يكون عنده ضمير وأمانه ويقول نفس كلامك ، إلا شخص واحد ( فلبيني ) قال لا الطرمبة ما تخرب بس تضعف يمكن الصوفه يمكن شي ثاني آخر شي يمكن يخرب الطرمبة بس لازم اللمبة تولع على طول الطرمبة خربانه وقلت له اللمبة ما ولعت بس يعطيني تحذير أن ضغط الزيت منخفض .

كل الورش اللي أنا مريتهم وهو جالس على الكرسي بمدخل الورشة على طووول الطرمبة خربانه طيب ممكن نبدأ خطوه خطوه ونبدأ من الصوفه أو من الشفاط يمكن مسدود أو أو ... يقولون لا هذه خرابها من الطرمبة . طيب بكم تصلحها عاد شف الأرقام واحد يقول 1000 وثاني 1300 وثالث 900 ورابع أكثر من كذا من غير قطع الغيار .

[فارس 123]

ملاحظة اخيرة خل السيارة واقفه واسمع صوت المكينة اذا فعلا المشكلة بالطرمبة او مما ذكرت راح تلاحظ ان صوت التكايات فيه خشونه شوي واذا دعست بنزين خفيف يوضح خشونه بحركة المكينة وكانها مكتومه

هذه الملاحظة عندي بس إذا كانت السيارة باردة ، وأما إذا حميت السيارة يروح الصوت أو إذا دعست بنزين يروح نهائياً .

[ATFICOOL]

السلام عليكم ورحمة الله وبركاتة


كلامكم صحيح ياجماعة الخير هل منكم واحد يعرف ورشة صاحية في الرياض
أنا عندي اليوكن موديل 94 نفس المشكلة مره على النصف ومره على الربع
وكذلك فية صوت بس ماني عارف مره يجي ومره يروح !!!
أبي أعرف ورشة صاحية في الرياض ؟؟
ولكم أجمل التحايا العطرهـ

[You Like Me]

السلام عليكم

يالغالي انا معاي يوكون 2009
اول ما مشى الموتر 1000 كم رحت للوكيل وغيرت الزيت
عطوني السياره وضغط الزيت على الربع واذا دعست يرتفع لأقل من الثلث تقريباً
يعني نفس مشكلتك بالضبط .. والآن السياره معاي بتكمل 30 الف
سافرت عليها 3 مرات ما شاء الله تبارك الله ولا فيها الا العافيه ولله الحمد
عموماً الاخ قمه افرست عطاك الكلام المفيد .. واذا ما حصلت من الملاحظات اللي ذكر
لا تحرص ترا كل شفروليت يوكون تاهو من مديلات 2000 وهي إمبيراتها مضروبة
انا كان معاي 2004 اصلح حساس الامبير حق الحراره
بعد فتره يخرب حساس امبير الزيت اصلح حساس امبير الزيت
برضو بعد فتره يخرب حساس امبير البطارية
4 سنوات جلست معاي السياره وانا شغلتي بس تغيير حساسات في حساسات

[essa2088]

تحية للاخوان حبيت اشارك ولو بمقطع فيديو يوضحون فية كيف تعرف ان هناك مشكلة فى طرمبة الزيتhttp://www.ehow.com/video_5225928_check-oil-pump-bad.html

[الحرالاشقر]

السلام عليكم
انا مثلكم يا اخوان
مؤشر الزيت يوصل للاخير ومرات اطفي واشغل يرجع طبيعي للنص ومع الدعسه قبل الثلاث ارباع

ترا هالانبيرات مضروبه
مدامك ماتسمع صوت ولا فرق العزم فامورك طيبه باذن الله