اااالفزعـــــــــــه يالــــربــــــــع عندي بكره ......

[فارس اجا]

السلام عليكم ورحمه الله وبركاته

عندي بكره عمره 3 سنين تسوى الدنيا ومابه جت الدراسه وخليته مع الابل ويوم جيته الا وهي مع الفحل وله اكثر من اسبوع وهو يضربه ويعني خلاص لقحه لقحه <<<< المهم

ابي هل ياثر عليه القاح مثل يقصر جسمه او تبقى على طوله <<< اهم شي عندي انه ما يقصر جسمه

ابي يعني وش الاضرار عليه وهل يمديه تلقح من اسبوع واحد <<<< وكم اعمارالصحيح اذا بغيت القحه

وانا هقوتي ماتخيب برجال مكشات اشوف همتكم

[قزيزالنعام]

مرحبا اخوي مايضره 3سنين نسميه لقيه تلقا الجمل وان شالله ميضره ولا يقصر عظمها والافضل تخليه الى 4سنين ومهو شرط تلقح من اول ضراب وناقه تبين على 12 او 13 او 14 ويبن تظمر شوي والله يكتب الى فيه بركه

[بازار شريف]

مادام هي اللي راحت للفحل ماهو انت اللي عسرتها عليه فتاكد انها وافيه
واللقاح مايضرها اذا هي بصحه جيده تلقح حقايق ماسمعت المثل اللي يقول
لقحت والا ماضرها الجمل الله يبارك لك بحلالك ويرزقك بذيك البكره المزيونه ولا تنسانا من الدراهم
تقبل مروري ودعواتي لك بالتوفيق

[Hch]

اذا بكرتك طيبه وخيار رح للبيطري تلقاء ابرة تفييييخ اوبرة تنضيف للرحم الناقه وخله ينضفه للأنه كارثه اذا عشرة ولقحة وهي 3 سنين تقصر ولدها مايحياء وتنفره على طول طعني واسمع كلامي واذا عايديه خلهاا ..

[محمد الظاهري]

والله انا ما ازيد على كلام اخواني
ولكن وش تبي تسوي
خل ولدها يقصر
ولا تذبحها في الابر
ومن نا حيه الطول
خلاص اذا برك الجمل العضام توقف سبحان الله

والله يرزقك في مالك وحلالك

[كليب1]

انشاء الله مايجيها شي
وهي اللي تبي الضراب والا ماجاته بالشبك

[VIP-503]

اذا يسرت البكره وهي الحين سنها لقيه فماعليك والله يعطيك من بركتها


فماعليك ولك احترامي

[النبع الصافي]

مادام هي اللي راحت للفحل ماهو انت اللي عسرتها عليه فتاكد انها وافيه

[فارس اجا]

قزيز انعام بازا شريف hch محمد الضاهري كليب 1 vip النبع الصافي

يعطيكــــــــــــــــــــــــــــــــــــم العافيه وماقصرتوا وعساكم على القوه

مادام هي اللي راحت للفحل ماهو انت اللي عسرتها عليه فتاكد انها وافيه

لا والله معسوره يقول الراعي انه يوم دخلوه عند الجمل ماقدر يبركه وعقلوه بسيم بيدينه الثنين وخلوه اسبوع وهي معقوله عنده

والسبب الي خلهم يحطونه عند الجمل لان شكله تقول جذعه له اخت جذعه والله انه طوله وانظر شكل

والمشكله ان الجمل بعد مامن طيب ردي بالحيل
يعني الحوار انشاء الله السنه الجايه يجي قصير والله احترت لكن ابي الكيد الله يسلمكم

[الحزوبر]

فارس اول شي انحش من الابره لاتضربها ان لقحت ماضرها ون ما لقحت الله يكتب اللي فيه الخير

ثانيا انا والله ياخوك شرهان عليك ونا ماعرفك وشلون تقول الراعي معقلها بسيام لمدة اسبوع عند البعير تدري وش معناة الكلام هذا عند هل البل معناه يربط الراعي اللي ربطها اسبوع في نفس الشبك هذا ياخوك دليل ان راعيك هذا ماهو راعي ابل راعي بقر وللا حمير الله يعزك

اطرد الراعي ودور لك راعي يعرف البل ويقدرها

تقبل تحياتي.

[فارس اجا]

والله ما خلاني ابيع الابل الاهم الرعيان تخيل انا مربعين بالحفر وانا عنهم 600 كيلو الا وراعي الغنم يتصل على الفجر يقول رعيانك السودانيه هربوا الحق على نياقك والمشكله ليته قليله اكثر من 40 ناقه مع الفحوله وغير القعدان والحيران وانا ابلش لكن النشمى جزاهم الله خير فزعوا معي يامى وصلوهن لشبكهن وقلت خلاص مافيه طلعه من هنا وبلشت بهن وابيعهن ولا اخلى الا3 خلفات 6 بكرات وقعود

والله يابعــدحي الرعيان عوفونا بالحلال وخلوه علينا هـــــــم وكدر وحنا نبيه وناسه وفله وعساى الله يسلمــــــك الحزوبــــــر

[بازار شريف]

اسمع يافارس الله يوفقك
الناقه ماتلقح الا ميسر ومادام البكره معسوره ماراح تلقح وهذا بامر الله ولا تخاف عليها
واللي الله كاتبه لك اكيد بترضى فيه جعل خاطرك ياغالي مايتكدر قل اااامين