المساعد الشخصي الرقمي

مشاهدة النسخة كاملة : وش افضل كشاف شحن على السيارة


عاشق المزون
29/08/2005, 10:06 PM
السلام عليكم ورحمة الله وبركاته

اخواني مع كثرة بضاعة الصين الواردة الينا ورخص الاسعار وكثرت الخربات انقطعت الصناعات ذات الجودة العالية .
حبيت اسال عن نوع من الكشافات مميزاته على النحو التالي:
1) قوة في الانارة حتى اذا شغلة راعية في الليل ندعي علية بعض الاحيان من قوة الاجهار.
2) اشتر وانس الصيانة.
3)شاحن سيارة.
4)صغير الحجم مقارنة بقوة الانارة (الكبير منه لاينفع من قوة الانارة ولا انصح فية)

عيوبة:
سعره في قرابة 460 ريال بس يستاهل مع خوي من عرفتة الى الحين (ثلاث سنوات ومازال عايش مثل الجديد)

الصتاعة: امريكي
الماركة:استنقر نفس ماركة رصاص الخرازة
المكان:جاري البحث عنة في المملكة كان عند الرماية بس انقطع وجدت مثلة عند محل ذئب الصحراء نفس الماركة بس يختلف التصميم نهائيا عن المطلوب وابي احط صورة له قريبا انشاء الله

ارجو ممن يعرف شيئا عن هذي النوعية اني يخبر الشباب عن مكان البيع

وشكرا (اسف لاطالة بس الكشاف يستاهل)
عاشق المزون
30/08/2005, 12:38 PM
السلام عليكم

وين الشباب نبي الكشاف والى يرحم والديكم او اي كشاف ممتاز ونفس موصفات الى فوق
المموه
30/08/2005, 12:55 PM
بسم الله الرحمن الرحيم
اخواني
السلام عليكم ورحمة الله وبركاته
يقول المثل اسأل مجرب ولا تسأل طبيب . كنا في السابق ماغير نشتري من هالكشافات وتضيع او تخرب . ومنذ اكثر من عشر سنوات اشتريت انا والزملاء كشاف ( ماقلايت ) شحن سياره وبالبيت وارتحنا . الحقيقه كشاف لايعلا عليه امريكي وكان سعره (450) وكيله العطاس وباع الوكاله الى وكيل ثاني والان قيمته (380) ريال ويستاهل هذا المبلغ وزياده . وهو المستخدم الان وسابقا مع البوليس الامريكي . له قطع غيار ولا شفنا بقوته وجودته حتى الان . فيه محل يبيعه بالملز بشارع الظهران بعد دهانات جوتن على اليمين والوجهه جنوب . محل كبير لوحاته صفراء . اشتريت منه واحد جديد قبل شهر بمبلغ ( 380 ) ريال .
البرق
30/08/2005, 01:32 PM
http://www.pelican-cases-flashlights.com/

اخي الكريم ادخل على هاذا الرابط وانشاء الله فيه اللي تبيه .

تحياتي لك,,
شاص
30/08/2005, 01:35 PM
كشافات بليكان ممتازة وعملية
ابو نجود
30/08/2005, 04:18 PM
اخوي...انا اشتريت كشاف اسمه stardust ياباني الصنع وهو من 3 احجام اشتريت الحجم الاوسط بمبلغ 150 ريال..
وهو نوعان نوع سوبر وكرتونه رصاصي وهو اللي اشتريته..والاخر عادي وكرتونه برتقالي وسعره حوالي 130 ريال..
البطارية نيكل كاديوم ويشحن من الكهرباء ويستمر شحنه 10 ساعات ويستمر في العمل 160 دقيقة...
كما انه يعمل على البطاريات العادية..
ابو نجود..
صورة..
http://www.mekshat.com/pix/upload/images10/mk190_20050830.jpg
عاشق المزون
30/08/2005, 08:08 PM
مشكورين اخواني على الردود والله يوسع صدوركم

والله الظاهر ان مافيه غير ماقلايت الموجود حاليا بس اخوي المموه مو كن سعرة غالي محصلة 300 ريال في محل ادوات رحلات

والرجو من الجميع المشاركة في الخبرة
متهبد الوجم
03/09/2005, 08:54 AM
انا اذا طلبت رايي ما فيه احسن من التريكات اللي بالمحطات وبعشر ريال ويكد مدة وبعدين فيه ميزة .....ما يصرف بطاريات ...على قولتهم يتمضمض بالبطاريات تمضمض ....وبدال ما تشتري واحد اشتر 30
ابو فص فص
03/09/2005, 01:02 PM
شوف اخوي

ميقلايت وبس ترى افضل كشاف له كم سنة وهو ما سك شهرته والدعاية

وترى سعره فيه
الجارمن
03/09/2005, 01:28 PM
الاخ عاشق المزون
الكشاف اللي تبحث عنه ( Stinger) موجود في محل الهدف
علما بان له فروع في الرياض وبريدة
وانا عندي واحد من هذه النوع وسوف احاول ان انزل صورة له في المنتدى
المموه
03/09/2005, 02:05 PM
اخوي عاشق المزون
السلام عليكم ورحمة الله وبركاته
لم اسمع ابدا ان كشاف (ماقلايت ) وصل سعره (300) ريال الا اذا تقليد او حجم اصغر .
وانا عندي مبدأ ماشي عليه .
كل ما يخص البران اشتري افضل شي بالسوق ولو هو غالي وخاصة اللي له وكاله . وماقلايت صدقني ماهوب حسافه فيها هالمبلغ .
عاشق الأشهب
05/09/2005, 11:22 AM
الكشاف اللي تبحث عنه ( Stinger) موجود عند الرمايه
قايد السرب
06/09/2005, 02:47 AM
اخي العزيز
ستنقر شركة امريكية قوية وكشافاتها ذات جودة عالية مثل ماقالو الاخوان
وهي موجودة لدى الهدف في الرياض انا جايهم قبل شهر
مع التحية
الكشاح
07/09/2005, 10:38 PM
الاخ عاشق المزون طرحك جيد جد...وفي الحقيقه قريت كل المشاركات....واشكر الاخوه المشاركين...بس يا ريت تحطون صور...للكشافات..وكم قوة الاضاءة...خاصة (ماقليت) و(ستنقر ) لو تكرمتوا

ولكم جزيل الشكر
خيال الغلبا
07/09/2005, 11:38 PM
المموه شكرا لك
عاشق المزون
10/09/2005, 07:26 PM
الشكر لجميع الشباب الى شاركو

تصدقون عاد دورت عند كل المحلات الى الهدف مارحت ابي اروح انشاء الله لهم

بس ترى عيوب الكشفات جميع الماركات تقريبا الامريكيه مالها قطع غيار يعني اذا خرب وسعرة فوق 400 ريال الله يعين مالك الى ترهيم او اشتر بدالة
ابو فص فص
11/09/2005, 10:03 PM
اخوي خذا الميقلايت له وكيل واصلي معروف

وحصلت واحد سعره حلو جدا بـ 380 ريال بالمكاسر

وهو اللي يشحن على السيارة ويستخدمه العسكر
خيال الغلبا
13/09/2005, 10:24 PM
ابوفص وين حصلته
ممكن اسم المحل
خيال الغلبا
14/09/2005, 10:18 PM
انا رحت للمحل اللي في الرياض في شارع الظهران في الملز
واعتقد اسمه ودي ديت ...بجوار معرض جوتن للبويات
وقال لي باربعمائة ريال ورفض ينزل ولا ريال واحد
قلت ياولد لاتستعجل
ابو فص فص
15/09/2005, 10:15 PM
انا خارج الرياض وهو عندي في المحل واخر حبه كيف اوصله لك اخوي خيال الغلبا مدري

المهم لنا تواصل
خيال الغلبا
16/09/2005, 10:01 PM
يسعدني معرفتك