الفزعــــــــــــــــــــــــــــــــــــه

[رياح الشرق1]

كيف حالكم يا الربع انا معي لاند2006gxrالمهم وانا مسافر انقطعن السيور معي وانا امشي 150 تقريبا المهم ما دريت عنهن الا يوم ولعت لمبة البطاريه وقفت عل طول ا اني ركبنا السيور بعد فزعة واحد من اخويانا جابهن لي وصارة الامور تمام وبعد يومين صارت السياره يا الله تشتغل فما ادري هو من البطاريه او من الدينمو رغم ان البطاريه الكترونيه ولون العدسه اخضر يعني جيد فما ادري من وش ابطاريه او لدينمو وش السبب الي خربه ارجو الرد الله يجزاكم خير

[يكفيني نظرة]

يمكن من البطاريه..
كانت بطارية سيارتي لون عدستها سودا يعني اشحن والسياره مضبوطه من كل النواحي تشغيل وانوار وكل شي ..
فأتوقع مهوب دليل لون العدسه لكن لو تجرب تبدل بطاريتك مع حدى ربعك وتشوف عشان ماتخسر..

[ياوجودي]

أخوي ميزانية السير اما مشدود جداً او مرتخي فما يشحن البطاريه بشكل كويس.

[نآصر]

أفصل أصبع البطاريه والسيارهـ تشتغل ...


إذا طفت المشكلة من الدينمو ...


إذا ماطفت الدينمو سليمـ ...

[بدوي جنوبي]

قبل كم يوم واحد من اخوياي
يقول سيارتى ما تدق سلف
لما كشفنا على البطاريه لقينا عدستها خضراء
لكن ما تدق سلف تطق طق
قلت له شغل النور ودق سلف
وطلع النور قوي مع دقة السلف

توقعت ان المشكله من السلف ،، لكن دقة السلف توحى بأنه سليم

المهم كان وقت العشاء
وقلت عطنى كشاف وانا اكشف على السيور
لقيت بكرة الكمبروسر مجيمه والسير بدأ يتقطع
واثاريه هو اللى كان ماسك المحرك بالكامل ما يدور عند التشغيل

المهم قطعنا سير المكيف لانه مستقل لحاله
وبعدها اشتغلت السياره على طول


زبدة الكلام فك السير وشيك على الديمنو وعلى الشدادات
وعلى كل البكرات
اذا طلعت سليمه ممكن من الدينمو ما يعبئ
قد يحتاج الى تغيير فحمات داخليه او يكون معطوب الكامل



بالتوفيق

[الشرافي555000]

غبر بطارية على طول



انتبه اذا جيت تغير البطارية حاول تغيرها والسيارة تشغل بدون ما تطفيها

علشان ما يصير عندك تفتفه لانها صارت معي

[الشامخ الشمالي]

اخي من المفترض معرفة ليه انقطعت السيور معاك قبل كل شي ..

تأكدت من البكرات سبق وان حصلت معي نفس المشكله وطلعت من البكرات مجيمه وغيرتها والوضع تمام