اكسبلورر

[مخاوي الذكرى]

السلام عليكم ورحمة الله وبركاته

تحيه طيبه لكل من في المنتدى عامه

يشرفني ان اكون عضو معكم في هذا المنتدى المميز واتمنى ان افيد واستفيد وشكرا

لا اطيل عليكم في اول مشاركتي بس الله يعينكم علي في الايام القادمه باذن الله والله

يسعدكم دنيا واخره

سؤالي لكم عن اكسبلورر2006 فل كامل 4*4 عندي 3 مشاكل وارجو افادتي

باسرع وقت

1-التكيف ممتاز وبارد بس لما امسك خط يقل دفع الهواء وتنخفض البروده؟

2-لما اكون اطعس اسمع صوت في الدبل مثل الطقه علما بان الدبل محطوط على التوماتك اما خارج الرمل القير والدبل عادي مافيه اي صوت؟

3- لما اللف السكان وانا واقف جهة اليسار ومشي شوي يعني دوران ببط اسمع صوت طقه عند الكفر مدري هل هي الركبه او شي ثاني؟

افيدوني جزاكم الله خير ولا تبخلو علي قبل التصرف في شي وتحسف عليه تقبلوا تحياتي مخاوي الذكرى

ابوليان

[الصيادالمليح]

1-التكيف ممتاز وبارد بس لما امسك خط يقل دفع الهواء وتنخفض البروده؟
إذا كنت تحط معيار المكيف 16 أو أقل فهذا ينتج عنه تجمد في الكمبريسور ويعطيك هواء حار فخليه دائما أعلى من 17
2-لما اكون اطعس اسمع صوت في الدبل مثل الطقه علما بان الدبل محطوط على التوماتك اما خارج الرمل القير والدبل عادي مافيه اي صوت؟
لأنك حاطط الدبل على الاوتوماتيك فهذا صوت الدبل يفصل ويركب على حسب سرعة السيارة ونوع الطريق فجرب تختار دبل يدوي وشوف اذا فيه صوت طقة و الأفضل إنك ما تحطه على الاوتوماتيك دائما
3- لما اللف السكان وانا واقف جهة اليسار ومشي شوي يعني دوران ببط اسمع صوت طقه عند الكفر مدري هل هي الركبه او شي ثاني؟
هذا صوت طبيعي للعكس لأن اتجاه قوة الحركة يضغط عليه ويصدر هذا الصوت و الافضل عدم لف السكان لآخر درجة عند بداية الدوران

و اتمنى اكون افدتك

[مخاوي الذكرى]

بيض الله وجهك ويعطيك العافيه والله لايهينك الصياد المليح

يعني الوضع عادي اريح عمري من الوسوسه انت مجرب ولا سامع من قبل

بس مافهمت عليك من ناحية التكيف وشلون احطه على درجة 17

وانا في موتري مو موجوده ارقام للتكييف والله لا يهينك شاكر لك وانتظر منك الرد