ماهو .... نـــوع هذه السمكة

[سبروتو]

الاخوة الكرام تحية طيبة وبعد...... سؤال للخبراء عن نوع هذه السمكة

http://hh7.net/oct/hh7net_12873050611.jpg

[A B D U L L A H]

هذا طال عمرك ( سـلـمـانـي )

بس وشلون صدته ( شوارات ) ؟؟

احجام طيبه ماشاء الله

[greeb697]

ذا يسمونه عندنا في البنقلة في الدمام بوني
ويسموه سليماني

بس وين صدته
وكيف صدته

[O M A A R]

مً ششآء آلله أحجآم طيبة

والأخوآن أفآدوك

ننتظر تقآريرك

[DIVE STAR]

سلماني


انصحك هذا طعم مجنووووون


قطعه شرايح من الجنبين


وشيل العظم والراس والذيل ولا تشيل الجلد تراه مهم في تماسك الطعوم


وجففه بملح شوي ابو 3 ساعات


وقطعه مكعبات صغير 2 سم في 2 سم


وارمي وادعي لي


الله يبارك لكم فيه


تحياتي لك

[حياتي البحر]

كما ذكر الشبابسلماني وابو فهد اعطاك العلم لغفة ممتازة

[big game]

هذا اسمه الزمرور مدري النغاقه مدري الوحرة مدري ابو شنب او النفيخة انا داري اختارلك وحده منهن ترا انا نعسان بدي اروح انام سلام:o

[الجامح البحري]

هذا سلماني في المشوي على كيف كيفك


وايضاً يستخدم كطعم للاسماك

[فارس الغزير]

السلماني نوع من انواع العربي الرديئة جدا ,,,

[صياد متهور]

السلام عليكم
هدا مثل مافادوك لااخوان اسمو بالشرقية سلماني
عليكم بالف عافية

[دارة القمر]

إسمها في الخليج عيفوه وهي من أسماك الدرجة الثالثة.

[هاوي بوقميص]

إسمــــــــــــــــــها الأكـــــــــــــــــــــــــيد
بيـــاح
وتوجد في اماكن تكاثر الربيان والاراضي الطينية وغالبا تسير على شكل مجموعات
وغالبا صيدها بالغزول وطعمها جيد

[الغريب2020]

هذه الله يعطيك العافيه السلماني نصيده بالشوارات

بس عيبه شوكه كثير

[شعور]

هذا اسمه في الغربيه سلماني وهو جيد للاكل وطعم .. وهو غير البوني او البنك اللي يشبهه


واسمه الاجنبي milk fish سمكة الحليب

[accentkool]

الشرقية يسموها عيفوة او بني وجربها داخل فرن خيالية

[عوام 5]

مثل ما قال الاخ دارة القمر عيفوه

[سبروتو]

وصلت المعلومة أشكركم جميعآ على التفاعل الطيب
وعذرآ على الانقطاع عن الرد لوقت طويل وذلك بسبب ظغط العمل


وبالنسبة للموقع العقير - الاحساء مكان صيد السماني :D
ياشباب لاتدققون بالأسئلة تراي مبتدىء جدآ ولاكن ابشركم الوضع يسير للأحسن
مايصعب شيء على القصمان ههههههههههههه والله لقيت هوايه صيد السمك ( الفيشنق ) هوايه ممتعه جدآ واستفيد من وقتي ( ذبحتنا العزوبية ) :type: ماعاد يوفي معنا الان بديت استغني عن النت لفترات طويلة
يالله انا طالع اليوم بعد وراجع يوم السبت انشالله
تحياتي للجميع

[وليد الغربة]

ماقصروا الشباب
افادوك
بارك الله فيهم
اخوك وليدالغربة

[بحار جازان]

ماشاء الله احجام طيبه
وهادا ياطويل العمر يسمى عندنا في جازان عنقز وعنقد
والطعم لايفوتك بس عيبوه شوكه كثير وبلعافيه عليك

[حداق الخبر]

والله اني فكرتها ميــده كبيره ههه

[حداق الخبر]

شلون صدته يالغالي ؟

في الليل والا النهار وشنهو الطعم ؟