اللي يبي يضبط شاهي طعمه يسحر يدخل!!

[أسير المساري]

السلام عليكم وصباحكم ورد اعزائي المكشاتيين والمكشاتيات الكرام


في البداية ابي اقولكم اني اعشق المعاميل وتضبيط القهوه والشاهي على الجمر


طبعا هالهواية قديمه ترى يعني اخوكم محترف قديم فيها (لاتحسبوني اهايط انتبهو) :D


مابي اطول لكن موضوعي اليوم عن طريقة تضبيط الشاهي




1) تقوم بملئ الابريق بماء صحه


2) تحطه على جمر مصرم (مستوي) لين يفوح زين يعني لاتستعجل


3) تحط سكر ولازم توزنه على الوزنه اللي تبي


4) ترجعه ثاني مره على الجمر لين يقلب ويفوح زين


5) تشيله من الجمر وتخليه يركد ثم تاخذ اربع حبات شاهي ربيع اكسبرس ( أكياس ) وتحطها بالابريق وخلها لاتحركها ابد(طبعا الابريق يكون حجمه وسط يعني اللي اكبر من الصغير وكل مازاد حجمه كثر الشاهي)


6) تحط نعناع مجفف أو حبق حايل مجفف وتراها توجد بالمحامص الكبيره تحط قدر فنجال وسط مو صغير واذا ماعندك الا صغير حط اثنين ممسوحات


7)غط البريق وحط على سبيله بياله وخله عشر دقايق


8) صب في بياله وردها في البريق 3 مرات


9) غطس الشاهي لين يذوب ويتحرك زين في الما وكييييييييييف ياراعي الكيف



http://www.mekshat.com/pix/upload01/prof010/mk72300_0948.jpg



وان شاء لله بسوي لكم تقرير كامل بالصور عن افضل


طريقه لتضبيط القهوه والشاهي على الجمر


ودمتم سالمين

[عيون2009]

يعطيك العافيه أخوي أسير بس أتوقع أن نوع الشاي له دور مو بكيفية التحضير ولك التحيه

[البرنس 1]

بيض الله وجهك .....

[قاضي علاجه]

الله يعافيك اخوي اسير

شاي ربيع جنني يبوووووووي

الله يهديك الصوره جايبها في سطحه :)
عموما صغرت لك الصوره
وتسلم يديك على هالخدره اللي في النخاع

http://img710.imageshack.us/img710/8594/dsc00146um.jpg

[aooa]

عشر دقائق يمديه يبرررررد

يعطيك الف عافيــــه

[أبو هطل]

اذا جاك ولد سمه أبو جبل شاي تلقيمه هو الكيف

ماهو الأكياس ألاكياس حق ترامس وشغل بيوت

وجهة نظر أخوك / أبوهطل

[اباسمري]

تسلم وبالعافية

[سند123]

ماشاءالله شاهي وحبق المدينة وعلى جمر يسلام ... ومشكور وبارك الله فيك

[الكدن1]

الشاي هو شاي البطتين السيلاني وارد عبدالرحيم في الكويت واذا تبي خفيف القوة شاي احمد

[أبوباسم455]

مـــاشــاء الله تـبــارك الله وتـسـلـم أخـوي بـس من وجـهـة نـظـري إن راعـي الـكـيـف يـشرب شاي ربـيـع ورق مـو ربـيع إكسبريـس !!




http://dc03.arabsh.com/i/00113/5cvbd8pn7ipm.gif





http://dc03.arabsh.com/i/00099/fz6vdqqe8do9.gif

[نورس2]

يعطيك العافيه

[محآآآآآآآآآآر]

من وجـهـة نـظـري إن راعـي الـكـيـف يـشرب شاي ربـيـع ورق مـو ربـيع إكسبريـس !!







والله إنك قلت اللي في خاطري
أخوك،،،،،،،،،،،،،،
محآآآآآآآآآآآآآآآآآآآر

[خيال الغلبا]

تسلم يدك

اهم شي في الشاهي الماء الماء الماء

[رمز العطاء]

والله الصراحة شغل بس لو صورت الخطوات وأنت تسويه والله التقييم عالي من دهران ورعد الصحراء

[متيم البر]

أنا من وجهة نظري أنه التلقيمة هو الشاي، عندك مثلا تويننجز، او أبو جبل (بس وزنيته صعبة شوب) والشاهي المفضل عندي تلقيمة هاي تي (شاهي هندي) بس الطعم بالدماغ، والشاهي المحكوراللي على أصوله ما يحتاج أي اضافات لا نعناع ولا حبق ، بس شاهي وسكر وبس، وعلى قولة اهل باب الحارة يكون شاي "أكرك عجم" بس مادري وش معناها؟؟
وعموما الناس أذواق، ولولا اختلاف الأذواق لبارت السلع
وتقبل مروري وتحياتي

[سبران2009]

أشكر مجهودك اخي الكريم لكن .!!

الشاي إللي عليه الكلام هو الربيع تلقيمة والبقية تأتي من بعده حسب وجهة نظري

[خالد الزومان]

بيض الله وجهك

[دل البحار]

شاهي ربيع لمخمخة الشاي
ليبتون لروعه وجو الشاي
ابو جبل شاي حق شغل شيولات وعماله
اكسبرس شاهي تخديري موضعي للشاي
شاهي معطر بهللة الشاي
الشاي الاخضر -كيفته بعد المغربيه بين العشاء والمغرب كلالالالالالالالالالالالام

[دهران]

الأخ الغالي / أسير المساري


:good: :good: :good: :good: :good:


http://www.mekshat.com/pix/upload02/images79/mk17809_1000shoker.gif



نس الطريقة اللي نسويها بس بالشاهي التلقيمة ( ربيع )


ننتظر المزيد من هذه التقارير الجميلة .


وتقبل أعذب وأرق تحية .

[الكنق 511]

مشكور اخوي بس عندي طريقه بالنسبه للسكر اذا حطيت السكر لاتغطي البريق لان ريحه السكر مع الغلي ماتطلع مع المويه

[هاوي الحطب]

مشكور بس اهم شئ لا تنسى طريقة القهوة ولك خالص شكري

[قاضي علاجه]

ياناس وراكم كلتوا الرجال بقشوره
من قال ان الشاهي تلقيمه وبس غلطان

الاكياس مافيه شي ينقصها بالعكس اللي بيضبطها ويضبط خدرتها خلاص يضرب بالمخ وانا مجربها مع ابو كبوس اكياس طالعه من احسن من يكون

وبعدين التلقيمه تراها اول بياله او بيالتين بعدين خلاص يصير الشاهي مر وكنه زيت محروق ويتغير طعمه

اللهم اللي بيزله في ترمس او عنده فلتر وهذا قليل خاصه بطلعات البر


(( برايفت لاخوي دهران اشكرك كل الشكر على برنامج الصور الفوتو سكيب روعه وشرحك اروع لا هنت ))

[شقران نجد]

ماشاء الله شغل مرتب يعطيك العافيه اخوي .....

[1من الناس]

متيم البر كلالالالام كبير ..(اكرك عجم) شاي عاقد

[خالد البدائع]

شف أخوي
أنا مجرب جميع الطرق بتحضير الشاي
على النار , على الجمر , على البوتقاز , بالغلايه
بس مالقيت أحلى من اللي على البخار

[سمي الريم]

يعــطيــك العــافيــــه

[أسير المساري]

يالربع كل ردودكم ووجهات نظركم على راسي وبالعكس يمكن فيكم الكثير شغله احسن من شغلي بس انا سويت طرق كثير وهذي الطريقه بالذات هي اللي راقت لي وفيه كثير من الشباب والشيبان اللي اثنو عليها وسألوني عن طريقتي وهذي تجربتي وحبيت اني اطرحها واللي بيجرب بيشوف شلون تطلع

اما الاخ قاضي علاجه فتسلم على التعقيب الطيب وعز الله ان كلامك صحيح وقلت شي كان بخاطري فعلا التلقيمه مع البيالات الاخيره يعقد ويصير مر

اما اذا تبي تشرب شاهي لاخر قطره جرب طريقتي وبتشوف

شاكر لكم جميعا

[فزاع .]

ابو جبل ورق هو الشاي


والناس ذوّاقه

[العميد ابواروى]

الشاي شاي التلقيمه والماء سيل وغيره لا يهمك

[عزالصديق]

كنت زمان نفس طريقتك ومن خالفني قلت غشيم وجاء يوم وجاي من حفر الباطن ومعي ربعلي وزبطنا الغداء ومن العجله حطيت الشاي والسكر والماء بارد وتغدينا بعدها حطيته على النا لين قلب والله يطلع شاي خيالي خلاني انفشل من نفسي يوم اتذكر لازم يفوح الماء ثم حط السكر ثم حط الشاي جرب بس مع شاي ربيع الي انا جربته وشاهي المظل عندي سفاري الافريقي لا يعلا عليه

[عجاج السناف]

ماشاءالله تبارك الرحمن
موضوع جدا شيق ومليان
الشاهي مزاج ويسمونه الشيبان مفرح

وانت ابدعت في تجهيزه فشكرا لك

[صاحب الكشتات]

الشاهي جميل لان اكسبرس المفضل لدي لكن اولا الشاهي طول على الشباب الثاني بيبرد بسبب العشر دقائق

[رعد الصحراء]

الأخ الغالي / أسير المساري


الله يعطيك العافيه


وعز الله انك كايف وشغلك كايف


وكل شاهي له عشاقه وطريقتك 100 %


تقبل تحيتي

[الأصيله]

يعطيك العافيه

[عود رمثه]

وش خلت شاهي وحبق يالله من فضلك عز الله انك راعي كيف

انا اذكر جبت شاهي من سيرلنكا من المصنع الازرق يوم خلص عجزة اقبل شاهي بعده مدري هو خيال والا انا ادمنت ههههه

ووصيت واحد من مصر جابلي شاهي العروسة والله زين بس يبغاله وزنه مره تصيد ومره الله يخلف

وشاهي ابو جبل على الراس ويقولون فيه شاهي ابو شيبة الشاهي القديم الاصلي بس مدري وين يباع
مالكم بالطوالة قل وش عقبه كثير هرج مو بكيفي ههههههههههههههه

[رعب الصحراء]

تسلم صديقي
وش رايك مو شاي الوزة اروع و بالذات اذا كان تلقيمه و مثله شاي ابو جبل

اعطنا رايك

[الغزال الشارد]

ماشاء الله شغل مرتب يعطيك العافيه

استاذي أسير المساري وبيض الله وجهك

ورحم الله والديك على المعلومات وجاري تطبيق

والى الامام وبنتظار جديدك...تحياتي لك

[الكايف 1]

وعليكم السلام ورحمة الله وبركاته
بارك الله فيك على شغلك الطيب
الشاهي اذا مسكت خدرته صح تبي تكيف تكييف مايعده كيف :good2:
ننتظر منك المزيد
الكايف1

[أحمد4156]

يعطيك العافيه وما قصرت............ لكن انا اشوف دائما الكييف يشرب شاي تلقيمه ........

[العرندس909]

الوزة بس لاغير

بعده ربيع

بعده ابوجبل

[أحمدالخيل]

يعطيك الف الف عافية
والله يوفقك