فززززززززززززززززززززززززززعتكم ياربع

[رااعي الوكري]

سلام عليكم


مساكم الله بلخير

مبرووووك دخوووول موسم الحباري وفالكم الصيد


انا عندي شيهانه جبليه مطلعه من القرناس 10 .11

والحين لي اسووووبوع وانا ادعيها وهي توها صنيعه

اليوم بشنذرها وش رايكم اشنذ رها واقنص بها الاربعاء ولا ما اشنذرها واقنص الاربعاء انا بطلع مع الربع الاربعاء وش رايكم اشنذرها ولا لا



واذا شنذرتها اقدر اقنص بها

[قناص ابن غنام]

شنذرهاا وماعليك واقنص الربوع
كبسوله عادي مو قويه
من اليوم لربوع ثلاث ايام
يمديهاا تناشطت اقنص لا يهمك

[صقار محترف]

اذا طيرك صنيع .. انصحك تشنذرها الليله بالشناذر الطبي والمهم بعد تعطيها الحبه حاول تشغلها عشان لاتحذف الحبه
بعد 10 دقايق اسقها ماء واجد عشان تذوب الحبه مضبوط
وبعد ثواني بتحذف الشبيكا واسقها ماء لين تمرش وبعد ساعه بالضبط اذبح حمامه وعطها لحم صاااااااافي بدون ريش ولا عظم
والصبح نفس الطريقه عطها لحم صافي بدون ريش وعظم وخلها ترتاح ولا تهدها بكره
بعد يوم كامل تقدر تهدها او تدعيها بدون ماتجهدها بالحيل
ويوم الاربعاء تقدر تقنص وماعندك اي مشكله
اصلن بعد 24 ساعه تقدر تهدها لو على كراوين او حمام حتى .. خلاص مافي اي مشكله
اذا ناوي تقنص انصحك تشنذرها .. عشان نفسها تطيب وطيرك يستهد
بالتوفيق ان شاءالله

[رااعي الوكري]

الله لا يهينكم بيض الله وجيهكم