مشكله جلد البلوف

[عبدالله0990]

السلام عليكم ورحمة الله وبركاته
انا عندي جيب لاندكروزر موديل 2001 وعندي مشكله يطلع دخان اذا قعد
الموتر واقف فتره بصيطه واجي ادعسله بنزين يطلع دخان من الشكمان وما
ادري باضبط هل هيا جلد بلوف اوشنبر مع العلم ان السياره تنقص زيت شي بصيط لاكن العزم ممتاز وما ادري هل اذا كانت المشكله من جلد البلوف تغيرها يضر المكينه او لا ووين احسن محل بالدمام وكم التكلفه تكفون يارجال الي عنده معرفه ويقدر يفيدنا اكون ممتن له وشكرا

[بدوي جنوبي]

عليكم السلام
المشكله من جلد البلوف .

لكن اذا تبغي تطمن اكثر افحص ضغط المحرك كمبيوتر
ويبين معاك ضغط البساتم بالنسبه المئويه


بالتوفيق

[الريصي]

هلا عبدالله أخي هذي جلد البلوف سبق حصل معي بجيب لاند 99وسهل أمرهن شفلك ورشه ممتازه وينزلك الكبوت ويفتح غطا المكينة بدون مايفك الراس ويغيرهن بالجديد وترا ماتأحذ ساعة فقط ونصيحتي لك غير الوجه حق الغطا علشان يضبط مايبخر الزيت التكلفه 500 ريال واذا كنت بحايل علمن اوديك للورشه الي أشتغلولي ودمت

[مقرع الحق]

واخوي الريصي صادق جلد بلوف 100%
واهم شي لاتخليهم يفكوك راس المكينه لان اللحين قوة الشنبر عندك فرضا 60% واذا فك الرأس ضروري يسوي صنفره للبلوف بعدين ترجع قوة البلوف 100% ويصير الضغط على الشنبر اللذي يعتبر اقل قوة مما يسرع في خرابه
هذا والله العالم اتمنى اني افدتك اخي الفاضل

[عبدالله0990]

الله لا يهينكم جميعا ماقصرتو والله لاكن نقص الزيت هل هوعادي
مع ان العزم ممتاز وشكرا

[502]

السلام عليكم الاخوان كفوا وفوا لاكن نقص الزيت اذا الموتر 6سلندر وكان النقص ربع علبة أون نص علبة
وخاصة مع الخط والمكيف شغال والسرعة فوق140 طبيعي لأن الراس المنيوم ولازم يبخر وتلقاه بين وواضح في الوجه من عند غطا المكينة لاكن 8سلندر ماعندي عنه فكرة وتقبل مروري وشكراً

[المنيعي1]

أذا كان الدخان بسيط خله على حاله هذي مشكلة الجلد في الند كوزر كله أمش ولا عليك خله حتى يزيد وبعدين سو توظيب كامل.

[عبدالله0990]

الله يعطيكم العافيه

[نآصر]

وش لون الكربون ...؟

[الساهر222]

حاول تغير جلد البلوف بدون فك راس المكينه لانه يضعف ضغط الشنبر وتوجد ورش عندهم مكابس بلوف يغيرونها دون فك راس المكينه

[عبدالله0990]

يعطيك الف عافيه يالغالي
يااخوان الي يعرف ورشه في الدمام بدون فك راس المكينه يفيدنا الله لا يهينكم

[جيب الربع]

فية ورشة بالزلفي يركب جلد بالفوف بدون فك راس وهذا رقم صاحب الورشة 0555122765\التلفون الثابت
064324595

[جبر111]

انا عندي جيب vxr موديل 99 اذا مشيت على السياره ووصلت السرعة 60 اسمع صوت ونه وكذلك اذا وصلت 120 اسمع صوت الونة مدري هي في دفرنس قدام مع العلم اني غيرت الدفرنس الجرم مع الكارونة
احترت والله ياشباب مدري ويش اسوي تكفون ياشباب مكشات ساعدوني لحل المشكلة

[جبر111]

ياشباب الشوف شجر معليش الله يعافيكم ارجواالحذف

[مسفر الاحمدي]

الموتر يحتاج الى توضيب مدام ينقص الزيت ويوجد عند التشغيل دخان وضبه ولاعاد ينقص زيت ولا دخان والحق قبل ماتخسره والسلام

[sarab88]

جدي الدخنه هذيجلد بلووووف بس اما شنبر لا لأن تغيير الجلد والشنبر يكوون في الهايلوكس اما الجيوب تغيير جلد بلوف وتقبل مرووري

[عبدالله0990]

الله لايهينكم جميع

[بن بريك]

اخوي عبدالله لا تستعجل

مايضره لو جلد البلوف وتصليحها بسيط

دايم تروح في اللاندكروز وبالذات موديل 2001 بكثره وان كان الدخان واجد حاول تسويها بدري وان كان قليل اصبر عليه وعادة تكون في المواتر اللي ماشيه قليل لان الزيت تحت والموتر ياخذفتره مشتغل تنشف جلد البلوف وتطلع دخان بس اهم شي الدخان وش لونه وهل الصدام فوق الشكمان تشوف رشح زيت عليه حتى تتأكد مضبوط

[أبوفتاك]

أخوي صاحب الموضوع أنا عندي نفس مشكلتك بالضبط
وإذا لقيت ورشة في الشرقية تغير جلد البلوف بدون فك المكينه لاتنسانا طال عمرك

[T U R K I 0 9 0]

السلام عليكم ورحمه الله وبركاته
يمدحون ورشه صبياء في الدمام

[عبدالله المطيري]

للرفع

نبي ورشة بالرياض


جزاكم الله خير

[ابوسليمان99]

نعم نبي ورشة بالرياض عليهم العلم

يعني شغل صح يا من يدلنا الله يجزاه خير

[w.s]

لسلام عليكم ورحمة الله وبركاته صباح الخير للجمع
خوانى انا عندى نفس المشكله التى تكلموا فيها الاخوان وهي مشكلة جلد البلوف كثير من الورش قالو لازم تفك الراس حتى يتم تغييرها واناء متردد تكفون ياخوانى الى يعرف ورشه في جده يغيرجلد البلوف بدون فك الراس يدلني ولكم جزيل الشكر والدا ل على الخير كفاعله وجزاكم الخير

[w.s]

لسلام عليكم ورحمة الله وبركاته صباح الخير للجمع
خوانى انا عندى نفس المشكله التى تكلموا فيها الاخوان وهي مشكلة جلد البلوف كثير من الورش قالو لازم تفك الراس حتى يتم تغييرها واناء متردد تكفون ياخوانى الى يعرف ورشه في جده يغيرجلد البلوف بدون فك الراس يدلني ولكم جزيل الشكر والدا ل على الخير كفاعله وجزاكم الخير

[salih100]

اذا الدخان مايزعجك فعادي ترى موب لازم تغير الجلد خله شوي لمى تعج وما يضر

والنقص طبيعي انا الوالد معه 2001 وكاله ولا يتعدى 140 ولاهو راعي مطاعس وينقص نقص طبيعي معقول فلا توسوس من ناحيه النقص

[w.s]

الله لايهينكم جميع ابي ورشه في جده الي يعرف لايخل علينا

[السااهر]

اناعندي لاندكروز 96 نفس المشكله قبل بس فيه صوت اول مااشغل

طبعا الكلام له سنه غيرت جلد بلوف منغيرفك الراس ضبط له وقت

ثم بدا يدخن بدون الصوت غيرت الكابليتر ضبط ولان بدا يدخن لاكن مايطول بعدماغيرة البنزين للاحمر
95 ناوي اغير الفلتر وازنالكربون بس مابعد كتب الله اتوقع منه

[العنابي 616]

مثل ما قالوا الشباب جلد بلوف
و عندك ورشة صبيا بالدمام تخصص لانكروزر

[sameer_1798]

لسلام عليكم ورحمة الله وبركاته صباح الخير للجمع
خوانى انا عندى نفس المشكله التى تكلموا فيها الاخوان وهي مشكلة جلد البلوف كثير من الورش قالو لازم تفك الراس حتى يتم تغييرها واناء متردد تكفون ياخوانى الى يعرف ورشه في جده يغيرجلد البلوف بدون فك الراس يدلني ولكم جزيل الشكر والدا ل على الخير كفاعله وجزاكم الخير
ما اعرف احد بجدة لكن انا غيرته بدون فك راس بالقصيم بالزلفي الناس دايم تغير عنده يعني مشهور وثقة

[sameer_1798]

اذا الدخان مايزعجك فعادي ترى موب لازم تغير الجلد خله شوي لمى تعج وما يضر

والنقص طبيعي انا الوالد معه 2001 وكاله ولا يتعدى 140 ولاهو راعي مطاعس وينقص نقص طبيعي معقول فلا توسوس من ناحيه النقص
أنا صبرت عليه سنة لكن بعدين انجبرت اصلحة بسبب الفحص الدوري رسبها .