مشكله في باترول 2006

[باترول عنيزه]

بسم الله الرحمن الرحيم


السلام عليكم ورحمه الله وبركاته


اخبار الرجال عساك بخير


انا معي باترول 2006


يجيه حالات اشغله ومن يترتر ويطفى ومن ابدل الكتاوتات ويشتغل


ويجيه حالات مايشتغل


المهم غيرت كتوتين حقات البنزين الي يجن باول شي تحت


والموتر غدى مزبوط اول يوم وثاني يوم رجعت الترتره بس على خفيف


يمكن تجي كل ثلاث ايام


وش الحل يالربع وين المشكله

الحست الصرااااحه


ياليت تشوفون لي حل

[طحنون]

افصل البطاريه وفك الحساس حق الهواء اللي يسمونه الثروستر او الثرولر والله ماادري وش سامه بالظبط لاكن هو نفسه حساس الهواء فكه بطريقه فنيه لانه حساس وفيه سلك صغير مثل الابره انتبه لا ينقطع واشترله بخاخ خاص لتنظيف الالكترونيات
رشه بسيطه وراح يظبط معك

[مفتون صيد]

والله انا رأيي ابدا بالبسيط

افصل اسلاك البطارية
شيك على طرمبة البنزين اسلاكها زينة والا لا

وكذالك الهواء لكن نصيحة لا تفكه الا عند مختص لانه حساس جدا ويبغالة برمجة من جديد اذا لعبت فيه او فصلته هذا على حسب كلام واحد مختص .... وشيك على خرطوش الهواء لا يصير فيه تنسيم

شيك على علبة الكتاوت

انا والله لست خبير بس اجتهدت معك ودائما ابدا في الاسهل والبسيط ثم الصعب وعسى الله يزين امورك

[احمد4.4]

جاني مثل ماجاك
على ربع 2009

اول شي مكان كتاوت الطرمبه فوق يمين غيره من عند قطع الغيار بالمطور

[باترول عنيزه]

الله يعطيكم العافيه نجرب الحلول ولاهنتم جميعا

[gmc 1991]

السلام عليكم انا عندي بعد فتك 2006
وقد جاتني الترتره اول ما تشغله ثم يزبط من نفسه لكن هاليومين طلعت عندي لمبه التشيك انجن وصار الموتر عزمه ثقيل تقل تريله ومابقى شيء مابدلته الثروتل وقيمته غالي فوق 2500 ريال وحساس الهواء وكل الحساسات وبدلت اماكن الكتاوتات ولا فيه فايده اخر شيء قال لي افحص كمبيوتر وقال الكمبيوتر في عندك مشكله بكتاوت المكينه وفيه مشكله ثانيه ب الدائره الكهربائيه عندك يعني الظفيره ولازم تبدلها طبعا انا ماصدقت الكلام هذا لانه مبالغ فيه ولكن المشكله باقيه ومالقيت لها حل ف اي احد يعرف اي شيء عن هالمشكله يسعفنا ياجماعه الخير مع العلم اني بالدمام واذا كان احد يعرف يصلح هالمشكله بالرياض او بالقصيم او بجده ماعندي مشكله اشحن السياره له واطير له بس يحلها
ما ودي اخوفك يا خوي باترول عنيزه بس لا تصدق كل مايقوله الكمبيوتر او الميكانيكيه والله ماهمهم الا فلوسك ولا المشكله مافكروا فيها لكن زي ماقالك الاخ اللي قبلي ابدا بالشك في الخرابات البسيطه ولا تصدق اذا قال لك ثروتل ولا ظفيره 0000 والله اعلم
الله يفك ضيقتك وضيقتي يعلم الله ان الفتك هبل فيني وهذا هو محذوف عند البيت من اسبوعين مو محصل له عله ورجعت استخدم الربع م 90 ياحبني له بس

[محنك]

ممكن كتاوت طرنبة البنزين ... خلف المسجل ,, داخل الطبلون

[خشم الحيد]

السلام عليكم
سيارتي شاص باترول موديل 2006 قبل يومين الموتر مايشتغل وبدون اي سبب مدري وشفيه واليوم الصباح اشتغل على طول وبعدين طفيته وشغلنه وتفتف وطفيته وشغلته والحين مضبوط انا خايف تتكرر نفس المشكله وانا في البرارجوا من له خبره يفيدني بأسرع وقت

[ابوعابد1]

نفس المشكلة بسيارة اخوي الكبير باترول فتك 2004صار لادعست للموتر يالله بشيل روحة راح وخسر علية وباخر شي فحص كمبيوتر ومير يشري حاس الهوا الي قبل الفلتر وشكلة مربع والحمد للة زبط لة الان اسبوع سعرة بالوكالة(1600)

[فتى حائل123]

السلام عليكم الاخgmc1991انا صراحتن مخالفك الرائي فحص الكمبيوتر حلو وفعال بس الضاهر انك جاي عند واحد ماعنده سالفه حنى الجمس حقنى يقطع فحصناه كمبيوتر قال من الطرمبه البانزين غيرناه وزبط ولا انا اقول انه يجرب فحص كمبيوتر احسلك والله يعينك

[ياسر10]

اخوي انا كان عندي مشكلة قريبه وهي تولع لمبة في الطبلون مرسوم فيها المكينة وتدوس يالله يالله يمشي والحل لقيته بعد سوال وبحث كبير وهو

فيه فيوز في الكبوت على اليمين داخل علبة افتحها وشف فيها ثلاث فيوز زرق الاول للمكينه والثاني للقير والثالث للمبه الريوس غير الاولى , الفيوز قيمته في الوكالة 60 ريال وعلى الطريق غير الثاني حق القير .

واذا كنت تبي تختبر كلامي فك فيوز لمبة الريوس وحطها بدل حق القير وجرب .