ايش اشتري.. محتار ابي مشورتكم

[كشات8080]

السلام عليكم ورحمة الله وبركاتة
ككيف حالكم ان شاءالله بخير


انا ابي اشتري جهاز قارمن او قارمن نوفي لكن ما ادري اشتري اي مديل لاني ما اعرف اي شي فيهم ابداً ابداً:( وبصراحة انا بحثت في النت كثير وصدع راسي فيه انواع كثيره راسي ما صار يجمع وبصراحة انا ابي قارمن نوفي << اسمع فيه
وابي احد يفيدني فيها ويحدد ايش اشتري اذا كانت عنده خبره كافيه لاني مررره ماعرف فيهم شي, انا كنت استعمل قارمن جوال وخرب علي في النفود وجلست ساعات عشان ارجع للديره وانا ابي شاشته تكون كبيرة لان الشوف الله بالخير


الله يخليكم ساعدوني اخاف اروح لـ احد المحلات ويلعبون علي وان قدرتم تحددون السعر والمديل


وشكراً للجميع:)

[علم162]

شوف اخوي اورغيون550 ممتاز بالحيل بس شاشته صغيييييييره ولايصلح الا للبر

[sameer_1798]

أخوي ياليت تشوف هذه المشاركه وأي استفسار آخر نسعد بذلك
http://mekshat.com/vb/showpost.php?p=4602597&postcount=2

[كشات8080]

مشكور اخوي علم 126 على الرد لكن النوع اللي تقوله اول مرة اسمع فيه ومن ناحية الخرايط ابيها صحاري ومدن وانت تقول شاشته صغيره وانا ابيها كبيرة عشان الشوف الله بالخير والله يعافيك ماتقصر على الرد مشكور



اخوي سمير1798 انا شفت الموضوع وكان مرة حلوو لكن ما قدرت احدد الى الحين , ومشكور على المساعده ياجعل عيالك يبرون فيك
لكن النوفي بشكل عام في البر حلو او موب ذاك الزود وايش اسرع في التقاط الاقمار الصناعية


وانا ابي رايكم في جهاز نوفي 1350 هل هو كويس او احد جربه او شي مع العلم انه 4,2 انش ,


وانا بصراحة ابي واحد 5,2 انش ويكون حلو في البر والديره


وما تقصرون يا جماعة الخير


شاكر لكم حبايبي

[Tameem65]

عندي نفس مشكلتك - الشوف الله بالخير - و كان احسن حل اني استخدمت اللابتوب 10 بوصة و عليه برنامج قارمن و لاقط جي بي اس و محول كهرباء و توليف قاعدة في السيارة و بتكلفة في حدود 1400 ريال و استخدمته في المدن و البر و كان استخدامه سهل و مريح و عملي و حصل فيه بعض السلبيات لكن ايجابياته اكثر بكثير. اذا كان يناسبك توسعت في الموضوع.

[كشات8080]

والله يا تميم65 فكرتك حلوة لكن احس انها ما تناسبني لكن انا ابي جهاز متخصص لكن محتار يعني انا شاري شاري ان شاءالله لكن مدري ايش اشتري

ومشكور على طرحك للفكرة والله يجزاك خير يارب يا جعلك ما تفقد غالي

[sameer_1798]

إن شاء الله وجزاك الله خير بس خلني أجيب أمهم الاول
النوفي طيب بالبر وأحسن مافيه الشاشة الكبيره والخريطة الواضحه لكن ليست فيه بعض المميزات اللي يحتاجونها بعض اهل البر مثل :
البوصله أو المؤشر/ حفظ التراكات أو الأثر وتسميتة
الموجود رسم التراكات ..... إذا كنت تشوف ان هذه المزايا غير مهمه لديك فأشتري النوفي وتراه يمشي معك .
إذا تبي نوفي شاشة كبيره خذ موديلات 1400 وأسعارها طيبه .
ألتقاط الاشارة تقريباً واحده

[كشات8080]

اخوي سمير يعني اذا لقيت مكان حلو واعجبني ما اقد احفظ مكانه مثلاً وتصير احداثية الموقع معاي
وش رايك في مديلا 1350 ؟
لاني انا بمشي الرياض بعد نص ساعه لدار موجه بشوف
اتمنى ترد علي بأسرع وقت الله يعافيك

[كشات8080]

معليش ايش الفرق بن حفظ التراكات ورسم التراكات لاني ما فهمتها
اللي اعرفه في القارمن حط احداثية وامش على السهم في البر او على الطريق في المدن اللي هو في الجوال هذا اللي اعرفه بس

[sameer_1798]

كلها تحفظ احداثيات .
اما بالنسبة لاستفسارك الثاني عن التراكات بالنوفي والفروقات مع الاجهزة الاخرى
شوف هذه المشاركة تستفيد منها إن شاء الله :
http://mekshat.com/vb/showpost.php?p=4640040&postcount=5

[كشات8080]

مشكور اخوي سمير على اهتمامك ويعطيك العافية وما قصرت

والله الواحد يدور شي بالنت ويسال ويشوف شي محدد واذا راح يشتريه تلقاة يشتري شي ثاني:eek:
وابشركم يا جماعة الخير شريت قارمن نوفي 3790 وانا جربت في نفس المحل قارومن نوفي 1410 لقيت فرق كبييييير جداً في التصفح الخريطة وسرع الاستجابة في اللمس, لكن الى الحين نشوف وش فيه وش عيوبة الى الحين ما لقيت الا عيب واحد ولا ادري بعد حل هو عيب او انا ما عرفت له اللي هو تبي تبحث عن مثلاً (روضة نورة ) ما تقدر تبحث عنه الا في الخريطة يعني ما يطلعها لك بالاسم
وشكراً,,.

[دحيــ سديرـــم]

اخووووووووووووووي بكم شريته؟؟؟؟؟؟؟؟؟
بسرررررررررررررررررعه

[كشات8080]

شريتة يا طويل العمر بـ1700 ريال من محل بجنب دار موجه في المرسلات اسمة الهواة الظاهر ولقيته في دار موجه بـ1950 واذكر امس قال لي بقى 50 حبة ويخلص اذا كانك تبيه رح الحق عليه تراه حلو تصفح الخريطة رهيب يستجيب بسرعه مثل الاي فون و التكبير والتصغير مثل طريقة الاي فون بالاصبع وتقدر عن طريق الاسهم والى الحين ما بعد عرفت اللي فيه كله .

والله اعلم

[دحيــ سديرـــم]

يعطيك ألف عافيه

[لهذام]

205 w سعره زين ومناسب جدا جدا شاشه وسهوله تعامل
والله يوفقك للخير