المساعد الشخصي الرقمي

مشاهدة النسخة كاملة : مدري هامور ولا حصى


غواص الفجر
31/08/2005, 11:37 AM
:confused: السلام عليكم ورحمة الله يا جماعه وين احصل على نظارات بحر تكون طبًَيه بعيد عنكم النظر ضعيف ومشكورين
AhMaD
31/08/2005, 03:24 PM
السلام عليكم ورحمة الله وبركاته
الله يكون في عونك يا غواص الفجر
ما اعتقد انك بتلاقي نظارات غوص طبية لكن عندي لك طريقة سويلك عدسات طبيه بمقاس نظرك والبس النظارة عليها
MARINE
01/09/2005, 04:28 PM
السلام عليكم ورحمة الله وبركاته

اخوي غواص الفجر الله يعينك على العدسات اللاصقه بشرط ان الماء ما يجيها

وهذي صعبه شوي

تحياتي لك

MARINE
النوخذة
01/09/2005, 07:15 PM
السلام عليكم ورحمة الله وبركاته
اخوي غواص الفجر امهلني بعض الوقت وانا اجيب لك العلم
انا اذكر مرة اني لقيت نظارة غوص طبية وكانت مرمية على السيف وهي الى الآن موجدة عندي
زي ماقلت لك امهلني الوقت وانا ارد عليك
( برى بحرى)
02/09/2005, 02:51 AM
الاخ غواص الفجر بعد التحيه

دير بالك دير بالك دير بالك تلبش شىء على وجههك غير الماسك مال الغوص يعنى نظاره الغوص

انته تدرى شنوا ضغط الماى تحت البحر ؟؟؟؟؟

اسمع حبيبى اشتر نظاره الغوص ام عدستين يعنى مفصوله من النص جهه الخشم

وروح محل نظارات يكون كبير او راقى قول له فك هذه العدسات وركب عدسات على ارقام عيونى

لان جميع نظارات الغوص تبدل عدساتها اللهم محل النظارات يقصلها على شكل الاطار مال الغوص فقط ويركبها لك

ونصيحه أخذ اقل بنص درجه او درجه كامله لان ماء البحر يكبر شويه

مع احترامى لاخوانى اللى ردوا عليك لان انا اخوى وولدعمتى يغوصون بنظارات طبيه مفصلينها عند محل النظارات

اعتقد وصلت المعلومه طال عمرك
هاوي بحر
04/09/2005, 06:06 AM
السلام عليكم ورحمة الله وبركاته
اخ غواص الفجر بعد التحية ونشاءالله على القوة
انا اعرف محل نظارات طبية عنده نظارات خاصة للرياضيين
لان ولد عمي نظره ضعيف و يلعب كرة قدم بعدين حصل محل يجيب نظارات للراضيين و عمل له وحده و وقت يعملها كنت وياه وشفت عند المحل نظارات للسباحة و من طرحنا للاسئلة عليه قال انه يعملها
طبعا المحل في الدمام
في شارع الملك عبد العزيز بين دوار التميمي و الاسواق الدولية محل راقي مو متاكد من اسمه(ضياء او بن ضياء)
على العموم اهو في ذاك الشارع
واتمنا لك التوفيق
ولا تنسانا وقت الصيد السنع
غواص الفجر
06/09/2005, 12:12 PM
يعطيكم العافيه ماقصرتو حصلت النظارات الحين اوريكم في الهوامير ويعطيكم العافيه