على منهو يلاحقني تباعي(جديد)......... حله ( ابو رافع ) ............ الحل (نجمة الصبح)

[هيل]

السلام عليكم ورحمة الله وبركاته
قصه حدثة لزميل وهو في طريق الرياض السريع
وهناك شي اخافه طول الطريق حتىدخل الرياض
وبالنهايه عرف ماهو وانا صغته على شكل لغزالذي اخافه

الا يـــا عــــيــــن قــــز ا لـــــدرب راعــي


خـصـوصي فوقِ الدرب السريعِ
عـلى منهـو يلاحـقني تباعـي
وعـن عـيـني ولا فتـرٍ يريـعِ ِ
من امراعاه اتعبـني نخـاعـي
ماكن بالكون غــيـري الوسيع ِ
لمحته عـقب إعـنـيزه بساعـي
وخـفاهِ صاربالرياض الفظيع ِ
حـسـبته عالمن اخـر صناعـي
واثاري عـذرا يعشقه الجميع ِ


[/POEM]




مع فائق التقدير والاحترام للجميع



الهيل

[ناصر العلي]

وعليكم السلام ورحمة الله وبركاته
وصح لسانك ياأباعبدالله
ماتكون هاللى أرعبت خويك
الكورة الحمرا اللي لى أسلاك الظغط العالي

[أحمدالخيل]

؟؟؟؟؟؟؟؟؟؟؟؟؟؟؟؟؟؟
لغز محير

[راع الركايب]

السحاب صحيح

[هيل]

وعليكم السلام ورحمة الله وبركاته

وصح لسانك ياأباعبدالله
ماتكون هاللى أرعبت خويك

الكورة الحمرا اللي لى أسلاك الظغط العالي
والسانك صاحي يابوعلي مالك لوي يابوعلي والرحله باليل

تحياتي

[هيل]

؟؟؟؟؟؟؟؟؟؟؟؟؟؟؟؟؟؟


لغز محير
مافيه شي صعب يالغالي
تحياتي

[هيل]

السحاب صحيح
ماك لوي يالغالي
تحياتي

[ابوعبدالعزيز6]

عليكم السلام ورحمة الله وبركاته

صح لسانك

اتوقع شريط لامع ملتصق في بدي السيارة ومع السرعة وانعكاس النور صار يشكل

[عصام 861]

يامرحبا أخى العزيز الهيل صح لسانك
محاولة
ممكن دخان مصنع أوكسارة محجر
بالليل ينزل الدخان

[ناصر العلي]

محاولة أخرى يالغالي
ماتكون هاللي أخافت خويك
زمزمية الشاهي أو القهوة كل شوي تطلع صوت
أو
معه حاجة تولع كل خمس دقايق مثلاً وهو مايدري عنه

[افهموني]

يمكن يكون منطاد اللعبه اللي بوسطه شمعه ويطير لمسافات بعيده
مثل

http://dc06.arabsh.com/i/01041/f7p9hcj15kq5.jpg

[هيل]

عليكم السلام ورحمة الله وبركاته



صح لسانك



اتوقع شريط ومع السلامع ملتصق في بدي السيارة رعة وانعكاس النور صار يشكل
والسانك صاحي يابوعبدالعزيز والرمعه مالك لوي لودققة بالبيت الاخير

تحياتي

[هيل]

يامرحبا أخى العزيز الهيل صح لسانك
محاولة
ممكن دخان مصنع أوكسارة محجر
بالليل ينزل الدخان
مرحبابك ملايين هلاوغلايابومحمد
بالله دقق بالبيت الاخير
تحياتي

[هيل]

محاولة أخرى يالغالي

ماتكون هاللي أخافت خويك
زمزمية الشاهي أو القهوة كل شوي تطلع صوت
أو

معه حاجة تولع كل خمس دقايق مثلاً وهو مايدري عنه
والله يابوعلي كنت متوقع انك تجيبه على طول
لاكن دقق بالبيت الاخر

تحياتي

[هيل]

=افهموني;5443708]يمكن يكون منطاد اللعبه اللي بوسطه شمعه ويطير لمسافات بعيده
مثل
تسلم يالغالي والرمعهخيره بغيره
تحياتي
http://dc06.arabsh.com/i/01041/f7p9hcj15kq5.jpg[/QUOTE]

[راع الحزم]

صح لسانك يالغالي
صباحك عسل
لغز طيب من طيب

اتوقع انه سمع مواء قطة كانت راكبة بالكبوت
ابعد من الضلع
لي عودة للرمع

[binamerah]

يمكن شعرة :eek:جايه قدام عينه او قطعة قماش :eek:ملتفة على اريل السيارة ويشوفها بالمراية نوب تبين ونوب تختفي والا :Dعروسة لعبة ناسيها واحد من العويلة ورا كل ما طل بالمراية يشوفها

[هيل]

صح لسانك يالغالي
صباحك عسل
لغز طيب من طيب

اتوقع انه سمع مواء قطة كانت راكبة بالكبوت
ابعد من الضلع
لي عودة للرمع
والسانك صاحي يالعسل (واثاري عذرا يعشقه الجميعِ )
طابة ايامك يالغالي
تحياتي

[هيل]

يمكن شعرة :eek:جايه قدام عينه او قطعة قماش :eek:ملتفة على اريل السيارة ويشوفها بالمراية نوب تبين ونوب تختفي والا :Dعروسة لعبة ناسيها واحد من العويلة ورا كل ما طل بالمراية يشوفها

واثاري عذرا يعشقه الجميع
والرمعات خيره بغيره
تحياتي

[برق القصيم]

صح لسانك يابوعبدالله
ولغز جزل من جزل


نرمع مع الربع
نقول نجمة سهيل !!! معلومه اخذته من عودنا الشيخ ابومحمد ولاحظته فعلا
ليا دققت بسهيل تشوفه يتلامع بشكل لافت وكأنه كوكب مشتعل (سبحان الله)
او يمكن لمبات عمارة المملكه!!

[صاحب الذئب]

صح لسانك يالغالي
اقول
القمراء
واكيد عاكسه على شي او بالسحاب
وهو اللي مثله صناعي
والكل يعشقه

[هيل]

صح لسانك يابوعبدالله

ولغز جزل من جزل


نرمع مع الربع
نقول نجمة سهيل !!! معلومه اخذته من عودنا الشيخ ابومحمد ولاحظته فعلا
ليا دققت بسهيل تشوفه يتلامع بشكل لافت وكأنه كوكب مشتعل (سبحان الله)


او يمكن لمبات عمارة المملكه!!
هلا والله وغلا يابرق مبينك وبين الحل الا القليل من السنه الضوئيه الجايه قاضيه باذن الله

تحياتي

[_دربيل_999]

صح لساانك..
لغز رائع..
الرمعة..(منطاد الأحوال الجوية)

اجمل تحية..

الروقي

[هيل]

صح لسانك يالغالي
اقول
القمراء
واكيد عاكسه على شي او بالسحاب
وهو اللي مثله صناعي
والكل يعشقه
هلا بالغلا كله يامرحبا ملايين
ورمعة برق جيده بس اختلاف المسمى
تحياتي

[هيل]

صح لساانك..

لغز رائع..
امعةلر..(منطاد الأحوال الجوية)
اجمل تحية..


الروقي
والسانك صاحي والاروع تواجدك معنا يالغالي
وارجع لردي على صاحب الذئب

تحياتي

[_دربيل_999]

هيل..
انكسرت رقبتي ادور في السماء..


نقول
نجم الثريا..http://www.mekshat.com/vb/images/icons/icon10.gif


اجمل تحية..


الروقي

[-ظل الجزيرة-]

وش رايك اخوي بـــــــــــ نظام ساهر

[هيل]

هيل..

انكسرت رقبتي ادور في السماء..


نقول
نجم الثريا..http://www.mekshat.com/vb/images/icons/icon10.gif


اجمل تحية..



الروقي
بسم الله على الرقبك انت دخلت بالعيله بس دورغير الثريا

تحياتي

[أبو رافع الظاعن]

صح لسانك أبا عبدالله ...


كوكب الزهرة ....

أو عطارد ؟؟


لأنه ألمع نجم في السماء وهو يرى بعد الغروب ثم يغيب و كذلك في الصباح من جهة الشمس كوكب الزهرة أقرب إلى الشمس من الأرض فإنه يكون بنفس الناحية التي تكون بهاالشمس ] عادة، ولذلك فان رؤيته من على سطح الأرض ممكن فقط قبل الشروق أو بعد المغيب بوقت قصير، ولذلك يطلق عليه أحيانا تسمية نجم الصبح أو نجم المساء، وعند ظهوره في تلك الفترة، يكون أسطع جسم مضيء في السماء. ولموقعه هذا ميزة تجعل منه أحد كوكبين ثانيهما عطارد، تنطبق عليهما ظاهرة العبور، وذلك حين يتوسطان الشمس والأرض، وتم آخر عبور للزهرة عام 2004 والعبور القادم سيكون في العام 2012.





http://upload.wikimedia.org/wikipedia/commons/thumb/5/51/Venus-real.jpg/240px-Venus-real.jpg (http://www.mekshat.com/w/index.php?title=%D9%85%D9%84%D9%81:Venus-real.jpg&filetimestamp=20070107010454)

[عصام 861]

http://t0.gstatic.com/images?q=tbn:wWXowkSzgQ3tGM:https://academics.skidmore.edu/weblogs/students/mvonderh/stars.jpg (https://academics.skidmore.edu/weblogs/students/mvonderh/stars.jpg)
يامرحبا يالهيل صح لسانك
مجرة درب التبانة

[torrjom]

صح السانك يالهيل


ومساء النور


رمعه


الوسم


وفي أوله يظهر نجم العواء، وكانت العرب تقول: (إذا طلعت العواء: طاب الهواء، وضرب الخباء، وكره العراء، وشنن السقاء).‏
و نجم السماك، وهو يتكون من أربع نجوم، وكانت العرب تقول: (إذا طلع السماك: ذهبت العكاك، واستقامت الأضاك، وقل على الماء اللكاك).‏
ويقال: (لا يطلع السماك إلا وهو غارز ذنبه في برد).‏



كل الووووووووود

[ناصر العلي]

سلمت ياأبوعبدالله
الرجال طالع من عنيزة ورايح للرياض يعني وجهه للجنوب الشرقي وصراحة ماحوله من نجوم بالجهة ذي حسب علمي إلا زي ماقال أخونا برق القصيم نجمة سهيل أو هي القمر الصناعي اللي كنه نجم مولع بالجهة ذيك
أو
ماتكون اللمبات اللي تشر فوق أبراج الجوال على طول الخط
أو
طيارة

[بواردي سدير]

الجوزاء...

[هيل]

وش رايك اخوي بـــــــــــ نظام ساهر
نظام ساهر مالك لوي
تحياتي

[هيل]

السلام عليكم ورحمة الله وبركاته
الشكرالجزيل لكل من رمع ومرعلى الغز
والمقصودنجمة الصبح والتي حسب معلوماتي وارجو التصحيح ان اخطأت تظهرقبل الفجر بساعه تقريباً
وتكون شديدة المعان حتى ان البعض يتوهم باأنه
طائره اوطبق طائرمثل زميلنا واتمنى التصحيح
ان اخطأت حيث ان المعلومه تخص الجميع
ولكي تعم الفائده ارجومن المتمكن بمعرفة النجوم ان
يشرحه لنا
تحياتي

[أبو رافع الظاعن]

أبا عبدالله هل اطلعت على مشاركتي فقد ذكرتُ أنها نجمة الصبح وهي كوكب الزهرة !! وشرحتُ السبب في لمعانها وقوته !!

[أبو رافع الظاعن]

وهذا الرابط يفيدك في معرفة هذا الكوكب ...

http://www.mekshat.com/vb/showthread.php?t=236906

[أبو رافع الظاعن]

صح لسانك أبا عبدالله ...


كوكب الزهرة ....

أو عطارد ؟؟


لأنه ألمع نجم في السماء وهو يرى بعد الغروب ثم يغيب و كذلك في الصباح من جهة الشمس كوكب الزهرة أقرب إلى الشمس من الأرض فإنه يكون بنفس الناحية التي تكون بهاالشمس ] عادة، ولذلك فان رؤيته من على سطح الأرض ممكن فقط قبل الشروق أو بعد المغيب بوقت قصير، ولذلك يطلق عليه أحيانا تسمية نجم الصبح أو نجم المساء، وعند ظهوره في تلك الفترة، يكون أسطع جسم مضيء في السماء. ولموقعه هذا ميزة تجعل منه أحد كوكبين ثانيهما عطارد، تنطبق عليهما ظاهرة العبور، وذلك حين يتوسطان الشمس والأرض، وتم آخر عبور للزهرة عام 2004 والعبور القادم سيكون في العام 2012.





http://upload.wikimedia.org/wikipedia/commons/thumb/5/51/Venus-real.jpg/240px-Venus-real.jpg (http://www.mekshat.com/w/index.php?title=%D9%85%D9%84%D9%81:Venus-real.jpg&filetimestamp=20070107010454)


هذه مشاركتي السابقة ويظهر أنك لم تطلع عليها يا أبا عبدالله

[_دربيل_999]

على منهو يلاحقني تباعي


ابو عبدالله لاتلوم اللي قال مركب فضائي وغيره,,
كلنا نعرف الملاحقة والمتابعة تكون من الخلف بينما نجمة الصبح تكون في الواجههة وانت مسافر من عنيزة للرياض..فكيف تتبعك..http://www.mekshat.com/vb/images/icons/icon10.gif

ووقت طلوع نجمة الصبح محدود وقته لايمكن ان تستمر في رؤية النجمة طول المسافة بين الرياض والقصيم..http://www.mekshat.com/vb/images/icons/icon10.gif

ولاتوجع الرقبة عند مراقبة نجمة الصبح لانها تشرق منخفضة وما ان ترتفع قليلا حتى تختفي بضوء الشمس..http://www.mekshat.com/vb/images/icons/icon10.gif

اللغز ممتاز ولكن يشتت الذهن بقوة..

أجمل تحية..

الروقي

[هيل]

السلام عليكم ورحمة الله وبركاته
ابو رافع صباح الخير واسف والعتب على النظروالنسيان بالكثير من الحالات وهذي حبة خشم بس لايدرون الشيبان
ابوماجد والشيخ مسكين وانت مافيك شك من السباقين بالحلول ومستعد بالحق الي تامرفيه
واما اخي دربيل المعلومه تقول انه تطلع قبل الفجربساعه
وحتى انبثاق الصبح واشكرك يالغالي وان كان خطاء ارجو
التوجيه لتوصيل المعلومه الصحيحه للجميع
والتحاياللجميع