وش المشكلة ...؟

[shabrsh]

السلام عليكم ورحمة الله وبركاته

كيفك حالكم يالربع روواد هذا الصرح مكشات ....ما اطول عليكم

عندي سفاري سلق بعد110 تحس برجه بالموتر كله

مع ان الدركسووون ما يرج ولا فيه حذفه ما شاء الله

علما ان الجنووط اصليه ....

رحت للورشه قالي فك عاموود الدبل واذا راحت الرجه

سو ترصيص للعموود (( اول مررره اسمع بها ))

فا وش رايكم يالربع هل فيه حل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

علما ان موقعي الخرج ... (( اسف على الاطالة ))

[قوقل ارث]

اتوقع الرجه اللي كذا تكون من الصليب

[shabrsh]

اخوي قوقل ارث اذا كان الصليب وش الازم الاصلاحه ؟؟؟

[سلطان ولدتميم]

رح لورشة الحبيشي او البياهي او الهذيلي

[shabrsh]

ابو صقر وينك عندك حل ؟؟

[YUKON_GMC]

عادة يكون السبب من العامود ...

تقدر تنزل العامود وتجرب الموتر بدونه ... فكه سهل ورخيص 30 او 50 ريال

اعطلال العامود ( اما ضربه او اعوجاج بالعامود او فضاوه في الترس بين الوصلتين لنه يجي قطعتين على شان الحركه

لو المشكله فضاوه مالك الا تغير سواءً جديد او مستعمل

[نآصر]

ما أزيد عـ كلامـ الأخوان ...

وعشان ترتاح ركب فصالات (لوكات) وتفتكـ من ثقل عمود الدبل ورجته ...

بس لازمـ تشيكـ عليه أول ...

وصحيح عمومـ الدبل يترصص فـ المخارط ...

[مفتون صيد]

اخوي انتبه لا تزين شيء قوي في البداية اول شيء ابداء في الخفيف البسيط

رح للعضيب حق الميزان وقل له يشد على الرمانات ........ دائما تجي مرتخيه شد بلد
وانا كنت زيك والان من ابدع ما يكون

واحد من الربع غير الصلبان والى الان موتره فيه رجه وعرررررره

ننتظر منك الجواب بعد ميزان العضيب

[قرم العيال]

كل الي ذكروا الشباب صح احدى الاسباب

وتصير من جلد كراسي البدي تصير تعبانه ,,

[sfari]

اقترح تنزيل عمود الدبل وتشوف لان الرجة التي تحدث للموتر ودركسون مايرج تكون من احد العمودين ( الدبل او الخلفي )
حسب خبرتي البسيطة والله اعلم

[shabrsh]

الله لا يهينكم بالربع وتم التشييييييك والمشكلة في عاموددد الدبل

ونصحوني الشباب بتركيب فرارات (( لوكات))

وشكرا لخووي ولد تميم ............................... ومشكورررين وجزاكم الله الجنة اميين

[مخاوووي الليل]

لايكون من مساعد الدركسون والله اعلم وبالتوفيق

[YUKON_GMC]

^^
مخاوي صح النوم ... شف الرد اللي قبلك .. الظاهر فيك نوم آخر الليل هههه