مشكلة قير التاهو 99 " مشكله فنيه تحتاج خبير

[YUKON_GMC]

السلام عليكم ورحمة الله وبركاته

عندي تاهو موديل 99 خليجي دبل قيره "700 كهربائي "


له عندي سنتين تقريباً وقبل اسبوع صابته حاله غريبه فجأ وبدون مقدمات

اللي حصل ان الموتر يعشق في النمره الثانيه والثالثه فقط يعني يقوم بالثاني ويعشق نمره وحده بس

إذا كان الموتر طافي له اكثر من 6 ساعات يعشق كل النمر بسهوله ولاتحس ان فيه شيء

لكن بعد ربع ساعه و من اوقف عند اشاره ترجع المشكله واذا كنت امشي بسرعة حول ال 70 كلم وطفيته وشغلته ثانيه وهو يمشي يعشق بقية النمر الرابع والخامس لكن مجرد اوقف يرجع ثاني

طبعاً مستوى الزيت مضبوط ولافيه ريحة حرق بالزيت

فحصت الموتر كمبيوتر في ثلاث ورش متخصصه في القير

الاول قال فيه حساسات في القير عطلانه رقمها 2-3 وتركيبها في 1000 ريال والموتر يقعد اسبوع بالورشه

رحت لمحل قيرات صغير وقال اشتر الحساسات مع الفلتر والزيت وانا اركبها لك ب 80 ريال خلال ربع ساعه لكن ماني مسؤل ان صلح وان ماصلح ماهو شغلي لأن ماعندي كمبيوتر وانا مجرد اركب لك القطع اللتي تقول عليها
رحت واشتريت الحساسات وعددهم 3 واحد منهم ب 120 والباقين 2 كل واحد ب 60 ريال
لكن بعد التركيب لم يتغير شيء

فحصت مره ثانيه بورشة قيرات اخرى واعطاني نفس العطل وقال شغلي 800 ريال افحص لك الحساسات والاسلاك واحدد لك العطل وذا كان العطل من الكمبيوتر ابرمج لك الكمبيوتر ب 300 ريال زياده يعني ب 1100 ريال

قلت معصي ...

والثالث نفس الكلام لكنه قال القير مخبط ويحتاج توضيب كامل ...
وماصدقته لأن الزيت مافيه اي ريحة حرق كلتشات حتى اقول في تخبيط ..

ولأني شاك من البدايه ان المساله بسيطه واتوقع حساس او منظم خارجي و لو في الاسلاك شيء كان مايعشق طبيعي في الصباح او إذا ابطا طافي

والله يستر من الكمبيوتر بس


احد مرة هذه المشكله من قبل ... علماً اني لم اغسل الموتر قبل المشكله ولم اعبث بشي

وفحص الفيورزات وفصلت البطاريه والسوتش مفتوح وركبتها عدة مرررااات ونفس الحاله

[مشاغب شوي]

صارت لي مشكلة بالسوبربان ان القير ينتع لما يغير .. طبعا كان يغير للنمر كلهن

فحصتة بالوكالة قالو توضيب ورحت لورشة متخصص بالقيرات قال حساسات وغيرتهن بدون نتيجة

وبعد سنتين وضيت القير ولا تغير شي !!!!

وديتة لم عبدالرحمن الجميح على مااضن بالصناعية القديمة وحطيتة اسبوع ..

وبعدها اتصل وقال لازم تغير الكمبيوتر .. قلت الوكالة قالوا سليم ..

قال جب كمبيوتر من التشليح واذا ماصلح لاتدفع شي واخذة بـ 800 ويوم ركبة ويرجع الموتر طبيعي

طبعا الكشف وتركيب وبرمجة الكمبيوتر بـ 400

[الحرالاشقر]

ياغالي انتبه توضب مادام مافيه ريحه

رح لرجال يغير لك الحساسات ويضمنه لك ولا يرجع لك الدراهم
ترا احتمال يكون العله من مخ القير لان فيه مسارات للزيت ومع الوقت والوقفه تنسد
ابدأ بالاسهل والارخص
طبعا اهم شي فحص كمبيوتر بجهاز امريكي مخصص ل جي ام

1. غير زيت القير وفلتر منتب خسران شي. وجرب كمن يوم اذا ماضبط
2. شيك على منظم التغييرات حق القير تحصله تحت مشبوك بين عصا القير وجرم القير ترا دايم منه المشاكل

بالتوفيق

[بدوي جنوبي]

ياغالي انتبه توضب مادام مافيه ريحه

رح لرجال يغير لك الحساسات ويضمنه لك ولا يرجع لك الدراهم
ترا احتمال يكون العله من مخ القير لان فيه مسارات للزيت ومع الوقت والوقفه تنسد
ابدأ بالاسهل والارخص
طبعا اهم شي فحص كمبيوتر بجهاز امريكي مخصص ل جي ام

1. غير زيت القير وفلتر منتب خسران شي. وجرب كمن يوم اذا ماضبط
2. شيك على منظم التغييرات حق القير تحصله تحت مشبوك بين عصا القير وجرم القير ترا دايم منه المشاكل

بالتوفيق

والله الافضل ما يغير الحساسات مره ثانيه
مثل ما ذكرت يكشف على البدي بلف (مخ القير)

[YUKON_GMC]

الله يعطيكم العافيه يا اخوان على النصائح

وبالنسبه للحساسات غيرت ثلاث حساسات اللي يقول الكمبيوتر انها عطلانه ولكن بعد فحصه كمبيوتر مره ثانيه لازال يقول ان الحساسات نفسها عطلانه وخارج الخدمه

لو فيه سدد كان ما اكتشفه الكمبيوتر لأن الكمبيوتر يفحص الكهرباء والحساسات فقط

وبرضه لو من منظم التعاشيق اتوقu مايكشفه كمبيوتر الفحص وحتى لو القير مخبط برضه اكيد مايكشفه الكمبيوتر

اذن التوقع المشكله محصوره بين كمبيوتر السياره والمنظمات او الحساسات بين الكمبيوتر والقير

المشكله يا اخوان ان اغلبهم شغل يده مضاعف اجل فك الكرتيل وتغيير فلتر زيت وثلاث حساسات ب 1000 ريال والمحل اللي جنبه مركبهم لي ب 80 ريال

الدعوى يا اخوان نهابه وتشليح عيني عينك وانا صراحه ما اقدر ادفع للورش الكبيره اللي يفكون البواجي ب 700 ريال

[YUKON_GMC]

للرفع يا اخوان

وش رايكم احد عنده فكره

[YUKON_GMC]

ياجماعة الخير احد يرد لو يرفع الموضوع بس

وش رايك احط ثلج فوق كمبيوتر السياره واخليها ربع ساعه واجرب

لأنه قاهرني وش معنى في الصباح ووقت البراد يعشق طبيعي واذا احتر انحاس

[YUKON_GMC]

ابشركم تم حل المشكله بفضل الله ثم الانترنت حيث اطلعت على نوعية الحساسات مسماتها وارقامها وطريقة فحص القير

وحسب تقرير الكمبيوتر وجدت ان احدى القطع الثلاث التي اشتريتها سابقاً لم تذكر بتقرير الكمبيوتر واليوم رحت وطلبتها بالرقم والصوره وركبتها عند يماني بمساعده مني ب 50 ريال والقطعه ب 95 ريال وضبط ولله الحمد والمنه
القطعه اسمها TCC PWM 3_2 SOLENOID CONNECT والقير نوعه 4L60E

حيث اكتشفت انها هي سبب المشكله حيث سقط السلك من الحساس متدلياً اسفل القير بمجرد لمسها وكما تشاهدون بالصوره للاستفاده لمن يواجه نفس المشكله

((((كان الفيش محروق )))
http://www.m5zn.com/uploads/2010/10/23/photo/1023101110403zhnna3kag8mef8fz.jpg (http://games.m5zn.com/cooking_games.html)

2
http://www.m5zn.com/uploads/2010/10/23/photo/102310111040bcaklr2kjh.jpg (http://games.m5zn.com/cooking_games.html)

3
http://www.m5zn.com/uploads/2010/10/23/photo/102310111040u9nu4e1kk4e2vxbb9ce.jpg (http://games.m5zn.com/cooking_games.html)

[ff-19]

الحمدلله قدر ولطف
انصحك ضع الخبر في رابطة ملاك التاهو
تكسب دعوة طيبة

[مغلي]

الحمد لله على حل المشكله

.
.
ليتك صورته وهو راكب بالقير ... سواء التالف او الجديد بعد التركيب عشان الواحد يعرف مكانه 100%

:good2::good2::good2:

[YUKON_GMC]

الحمد لله على حل المشكله



.
.
ليتك صورته وهو راكب بالقير ... سواء التالف او الجديد بعد التركيب عشان الواحد يعرف مكانه 100%


:good2::good2::good2:


تفضل الصوره .... الحساس وسط الدائره
http://store2.up-00.com/Oct10/mOE35131.jpg (http://www.up-00.com/)

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله و الصـلاة و ا لـسـلام عـلى رسول الله
وأزوآجـه الـطآهـرآت الـمـُطـهـرآت أ ُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين.


أخينا العزيز /// safare2


تــــــــــــــــحـــــــــــيــــــــــــــــة وبــعـــد :


هـذا الـعــُـطـل وحلـُه موجود من قبل في هـذا الموضوع تحت من الأفضل الأطلآع عليه :


http://www.mekshat.com/vb/showthread.php?p=5465947 (http://www.mekshat.com/vb/showthread.php?p=5465947)


أذا تحب تطلع عليه .


موفـق
وتلقى خير بأذن الله



""" و الله ُ أعــــــــلـم وأكـــــمـــل """


تـــآ بــع د ر و ســـي لـلـفـآ ئـد ة:
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏( 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))



هـذا تحــت رآبــط جـمعـُه الـمـهندس
ســــــُبـر فتك VTC جزآه الله خير
أ ُهـــديــــه لـكـــُـم جـمـيـعــآ خآصة :
دروس ألأصيل الحجآ زي (http://www.mekshat.com/vb/search.php?do=finduser&u=127328&starteronly=1)




أن تـرى أني قـد أفـدتــُـك بــشيء ذا مـعـنى ... ;)
وأستحق مـــــــنــــــــــــك دعوة صالحة
فـــلا تــنــــــــــــــســآ ني :no2:
مـــــن صــــــآ لـح د ُعـآك.




http://www.allfordmustangs.com/forums/avatars/mplumlee6.gif?dateline=1060436965http://www.allfordmustangs.com/forums/avatars/mplumlee6.gif?dateline=1060436965http://www.allfordmustangs.com/forums/avatars/mplumlee6.gif?dateline=1060436965
http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html) :burnout2: http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)
http://www.allfordmustangs.com/forums/avatars/mplumlee6.gif?dateline=1060436965 http://www.allfordmustangs.com/forums/avatars/mplumlee6.gif?dateline=1060436965




تـحـيــــــــــــــــآ تي


<<< أ بـو عـبـد ا لـرحـمـن >>
""" ا لأ صـيـل ا لـحـجـآ زي """

[YUKON_GMC]

^^^

بس ماشفت من هو العضو اللي حط الحل هناك ...!! ركز مره ثانيه الله يحفظك وبلاش تصيد اخطا ...!!! هذا بدل ماتقول الحمدلله انتهاء المشكله

مع انه المفروض انت واحد يرد ويبحث لي عن حل بحكم انك مشرف خيمة اعطال السيارات !!

[راعي الهدد 7]

^^^

بس ماشفت من هو العضو اللي حط الحل هناك ...!! ركز مره ثانيه الله يحفظك وبلاش تصيد اخطا ...!!! هذا بدل ماتقول الحمدلله انتهاء المشكله

مع انه المفروض انت واحد يرد ويبحث لي عن حل بحكم انك مشرف خيمة اعطال السيارات !!
ههههههههههههههههههههههههههههه مو مشكله عديها هالمره ياباشا
على العموم والله اني فرحت لك يوم لقيت المشكله واشالله يعطيك الموتر خيره ويكفيك شره

[طاير34]

مشكله ووجد الحل نعمه من الله