ابي رأيكم معروض علي باترول 2010

[القعقاع]

السلام عليكم ورحمة الله

يا إخوان أبي مشورتكم وخبرتكم
معروض علي جيب باترول 2010 ماشي 20 الف ك.م فل كامل اللون ذهبي وراعيه طالب فيه
218000 ريال
أيش رأيكم بالسعر وكيف السيارة من حيث الصيانة وقطع الغيار وتماسك السيارة
علما بأنو لاقي سيارة لاند كروزر 2010 فكسار ماشي 18 الف ومطلوب فيه
210000 ريال
برأيكم أيهم أفضل ؟ لاتبخلون علي بشوركم ومشكورين مقدما

[سعد الشتيلي]

اخوي ابعطيك تصرفي لو كنت مكانك

راح اخذ اللاندكروزر

بدون ما اتكلم عن الامور التقنية والمواصفات

اللاند كروزر شيك وممتاز وعملي

الباترول الجديد افضل مافيه جماله الداخلي

[أبو جهاد ////]

بصراحه رايي أنك تتوكل على الله وتاخذ الvxr

[ل ب ك فتك262]

اخوي خذ الى بنفسك وارتح حتى لو كان ددسن77 ان كان الاند كروزر جايزلك خذه واذا كان الباترول جايزلك بعد خذه وترا كل كوتر اطيب من الثاني والله يكتبلك الى فيه خير وموفق يالغالي

[أأبوهلا]

بصراحه رايي أنك تتوكل على الله وتاخذ الvxr

صح لسانك :good2::good2::good2:

[أبو أسامة]

أخوي سعد أجل البترول أجمل ما فيه داخليته طيب نسيت قلة صرفيته للبنزين ولا نسيت عزل الصوت اللي يبطي الاند يصير مثله والا نسيت الـ400 حصان والا نسيت الرساوة وقمة الراحة ...... على العموم بالتوفيق لصاحب الموضوع مع الباترول أو الفي أكس آر والله يكتب لك الخيره في أمرك ..... نصيحة خذ اللي ترتاح له ولو كان ددسن 77 مثل ماقال الأخ اللي قبلي لأنك إذا شريت اللي على هوى غيرك راح تتعذب بأتفه شيء يعني لو طاح عليك مسمار أو خرب عليك شيء قلت لو أني آخذت الموتر الفلاني ماصار كذا بينما إذا أخذت اللي على هواك لو حتى طاحت المكينه بكبرها بالشارع قلت بسيطه هههههههههه:D........

[صلفان.نجد]

السلام عليكم ورحمة الله



يا إخوان أبي مشورتكم وخبرتكم
معروض علي جيب باترول 2010 ماشي 20 الف ك.م فل كامل اللون ذهبي وراعيه طالب فيه
218000 ريال
أيش رأيكم بالسعر وكيف السيارة من حيث الصيانة وقطع الغيار وتماسك السيارة
علما بأنو لاقي سيارة لاند كروزر 2010 فكسار ماشي 18 الف ومطلوب فيه
210000 ريال

برأيكم أيهم أفضل ؟ لاتبخلون علي بشوركم ومشكورين مقدما

ماهو كل يوم تلقى باترول2010للبيع وبهالسعر , ولكن التويوتا مليان سوق المعارض منه وباسعار مناسبه .

[S3llo]

النصيحة استخر ربك
وان شاء لله يبين الصواب

[مفتون صيد]

باترول وبس

[سفاري نجد]

الباترول مواصفاته بالخليج وحده !

اللاند كروزر يختلف واللي عندنا قص ولزق وكيله يلعب في اكسسواراته


إذا انت راعي بر وطعوس الباترول ارفع من اللاندكروزر

بعدين اطرب عمرك موديل جديد للباترول !


واذا تبغى ترتاح جرب الأثنين وبتشوف الفرق ولصالح الباترول !؟

[وعيد]

اخوي وش يجيب 400 حصان ونعومه فائقه وعزم يطربك تحس انك تبي تقلع ب271 حصان

[الربذي]

تبي العزم الي يطربك وتروح على حتى الفي اكس ار2011 ابو381 حصان فعليك بالصقر نيسان 400 حصان
الناس ماتبي في كس ار عقب ماطلع 2011 ابو381 حصان
طبعا اعادة البيع من صالح تويوتا بعد عمر طويل
لكن اشوف كل المواصفات تروح لصالح بطل الدروب رساوه هداوه عزم جبار
والخيار لك ولا سقهن جربهن كلهن وراح تاخذ نيسان بلا تردد

[الربذي]

طبعا الحد لازم ينزل راعيه منه اكيد يبي يجدع الف الفين بالراحة

[ذيب الداهية]

السلام عليكم ورحمة الله

يا إخوان أبي مشورتكم وخبرتكم
معروض علي جيب باترول 2010 ماشي 20 الف ك.م فل كامل اللون ذهبي وراعيه طالب فيه
218000 ريال
أيش رأيكم بالسعر وكيف السيارة من حيث الصيانة وقطع الغيار وتماسك السيارة
علما بأنو لاقي سيارة لاند كروزر 2010 فكسار ماشي 18 الف ومطلوب فيه
210000 ريال
برأيكم أيهم أفضل ؟ لاتبخلون علي بشوركم ومشكورين مقدما



وعليكم السلام ورحمة لله
اخوي القعقاع الله يزيدك من فضلة ويغمك بخيرة ترليونات
أستخير الله بصلاة وأسأله التوفيق
والله لن يخيب من رجاه

ومع احترامي لك ولكل إنسان اشترى سيارة فوق 200000 إلف
وهو رأي المتواضع عنده عدم نضج بتفكير
الرأي المتزن والسليم إن من يتجواز قيمة سيارته 100 إلف عنده خلل بتفكير
والله ياخي لو املك الملايين ما حط 220000 الف في حديد لو وش صاااار .
ليش نخلي الوكالاء يجبرونا على الي هم يشتهون خل سيارتهم تخيس عندهم ..
لابوهم ولا ابو جشعهم


الله يوفقك با لمشترى إلي يوسع خاطرك
أتمنى اني ما ضيقت صدرك
لكن تبقى نصيحة اخو

سلام عليكم

[أطلال نجد]

ولا يهون اللي قبلي

كلها زينات

والناس أذواق , توكل على الله وخذ اللي نفسك فيه

[مشذاب]

اخوي القعقاع والله اني مثلك محتار بين الاثنين وانا وخوي القعقاع نبي شور


واحد يكون مجرب الاندكروزر والباترول الجديد اعتقد هو الي راح يعطينا

السلبيات والايجابيات والله يكتب الي فيه الخير

[على رمشي تمشي]

اركب الجديد وجربه اقصد الباترول وحتى لو تفكر تبيعه مرغوب بالسوق وكلن يبيه وان شاء الله مايطيح من قيمته -شف الى يناسبك ويلبى غرضك وتوكل على الله

[الدبيخي]

من ناحيتي أتوقع الباترول الجديد الله يوفقك

[القعقاع]

اخواني الكرام أشكركم جميعا على ردودكم وآراءكم وإن شاء الله الله يكتب لي ولكم اللي فيه الخير وان شاء الله أوافيكم بالاخبار إن كان شريت الباترول او الفيكسار

[Abu Saad]

أخوي سعد أجل البترول أجمل ما فيه داخليته طيب نسيت قلة صرفيته للبنزين ولا نسيت عزل الصوت اللي يبطي الاند يصير مثله والا نسيت الـ400 حصان والا نسيت الرساوة وقمة الراحة ...... على العموم بالتوفيق لصاحب الموضوع مع الباترول أو الفي أكس آر والله يكتب لك الخيره في أمرك ..... نصيحة خذ اللي ترتاح له ولو كان ددسن 77 مثل ماقال الأخ اللي قبلي لأنك إذا شريت اللي على هوى غيرك راح تتعذب بأتفه شيء يعني لو طاح عليك مسمار أو خرب عليك شيء قلت لو أني آخذت الموتر الفلاني ماصار كذا بينما إذا أخذت اللي على هواك لو حتى طاحت المكينه بكبرها بالشارع قلت بسيطه هههههههههه:D........

اتفق مع ابو اسامة 100%

[القعقاع]

للرفع ومزيد من الآراء وشكرا لكم

[Abu Sary]

ياوجه الله دية رجالين أحطها بسيارة ..

والله مدري انا الغلطان علشان القلة ، ولا أنتم الغلطانين يوم تحطون هالاسعـار بسيارة

لكن الله يوفقك باللي فيـه الخير لك ولدينك ..


والاستخـارة خيـر من الاستشـارة




بالتوفيق للجميع ..












_( اللهم حسن الخاتمة )_

[بلاك ايجل]

لوي منك أخوي القعقاع أخليهن كلهن ..!!



لأن الباترول هذا أول موديل له على شكله الجديد ولابد يكون فيه عيوب ومشاكل واذا ما ظهرت الان يمكن تظهر بعدين مع طول الاستخدام .


وخذها قاعدة وانا اخوك .. اول موديل غالبا يكون فيه مشاكل يتم تلافيها بالموديل الجديد 2011 او حتى 2012 ..!!


فماله داعي تكون انت ضحية الموديل التجريبي الي هو 2010 ..!!



وبالنسبة للفي إكس ار راح ينزل في 2011 المكينة الجديدة الظاهر 5700 و 381 حصان وهو جديد عندنا بس والا نازل من مدة بأمريكا يعني عيوبه اذا فيه عيوب راح تكون معروفه ..!!



لذلك اصبر الى حين نزول 2011 من كل السيارتين هذا اضمن واوفق لك .. هذا رأيي وانا اخوك والله يدبرك على الي فيه خير وصالح .. ولا تنسى الاستخاره والله يطعمك من خيرهن ويكفيك شرهن .

[أطلال نجد]

بلاك ايجل ونعم الرأي

أتفق معك :good:

[مخاوي 2004]

والله انا سمعت من احد الربع يعرف واحد>> ماصارت ذي ماخليت احد>>خخخخخ

المهم

يقول انوه البارول الجديد ابو400 حصان افضل من اللكزس مواصفات وراحة ورساوة وعزم اطرب نفسك يقول لكن انا شخصياً ماركبته ولا ادري وش به لكن من ناحية العزم شفت له كذا مقطع متقاوم مع جيب لكزس وراح عليه بمسافة مب سهلة شايفة بمنتدى تطعيس

والله يكتب الي فية الخير

حفظكم الله من مكروة

مخاوي 2004

[majeds]

كانك تدور بران وطعوس خذلك مثل المزيون الي بالصوره والباقي اشتري به مرسيدس او لكزس

سلام

[ل ب ك فتك262]

اخوي انصحك بالباترول يعني من ناحيه المواصفات والاداء وقلة استهلاك الوقود ومواصفاته افضل من الفكسأر واخوي نصيحه لاتستعجل فكر بالى يصلحلك وجربهن مع خط وديره وشف الفرق بينهن والله يوفقك

[سيف الظفير]

عليك با الباترول

[القعقاع]

السلام عليكم
كل الشكر لكم إخواني الاعزاء على أرائكم النيرة وماقصرتوا وبيض الله وجيهكم
وأبشركم الحمدلله إشتريت نيسان باترول اللون ذهبي 2010 ماشي 18 ألف كم بـــــ218 ألف
والشكر لكم مجددا

[جيب ربع]

الف مبروك والله يطعمك من خيره ويكفيك شره
ننتظر رايك في المزيون..بعد التجربة..

[كهلان]

مبروووووووووك يالقعقاع
الله يطعمك من خيره ويكفيك شره
تستاهل كل خير

[راعي النياسين]

اخوي نصيحه نصيحه نصيحه

جرب الباترول والفكسار وبعدها اجزم

والله لو تجرب الباترول الجديد ماعاد تفك طارته من المتعه والراحه والرساوه والعزل الصوتي موتر جبار من جد

لا يفوتك الجيب لقطه بهالسعر ان كانه LE3 والله مايوقف في وجهك لالكزس ولارنج من جميع النواحي

انا استغرب كلام بعض الاخوان ياناس الرجال بيدفع ربع مليون يبي له موتر يستاهل هالقيمه

والفكسار والله مايستاهل 150 الف على ايش على مكينته ولا شكله برادو مكبر ولا على شاشته الي مركبه في مستودعات

جده ولا جنوطه 17 الناس وصلت عشرين وهذا موتر بـ200 الف وجنوطه 17 وشاشه تحوم التسبد

اخوي جرب الباترول الجديد وجرب الاند واحكم بنفسك ولا يهمك الي يقول لك الفكسار يمسك سعره شف الفكسارات موديل 2008 و 2009 طايح من قيمتها الاصليه اكثر من 60 الف ريال

اخوي استخر ربك وخذ الي ترتاح له بس حبيت اوضح بعض الاشياء لاني مجرب فكسار 2009 ومجرب بطل الدروب ابو 320 حصان جبااااار ابو 320 فما بالك بـابو 400 حصان

الله يرزقك ويوفقك واسفين على الاطاله

[راعي النياسين]

الف الف مبروك تتهنا فيه

الله يعطيك خيره ويكفيك شره

واشهد انك اخذت لون خيالي ماشاء الله

عطنا انطباعك عن البطل والف مبروك مره ثانيه

[Abu Saad]

الله يطعمك خيره ويكفيك شره

[المنيعي1]

السلام عليكم

كل الشكر لكم إخواني الاعزاء على أرائكم النيرة وماقصرتوا وبيض الله وجيهكم
وأبشركم الحمدلله إشتريت نيسان باترول اللون ذهبي 2010 ماشي 18 ألف كم بـــــ218 ألف

والشكر لكم مجددا



ألف ألف ألف مبروك يالقعقاع والصراحة أحسن لون بس اي فئة منه وياليت تعطينا أنطباعك عنه بعد التجربة

[زحلول]

الله يوفقك انشاءالله ,,,,,,,,,,,,, ارشح الباترول لأن مواصفاته تفوق جيب اللكزس وبعدين اتووقع اللي حصلته LE يجي 400 حصان وخمس كميرات ,,,, وابي اقنعك بشغله

ناظر بطن الباترول من تحت ,,,,,, والله تحس فيه خرسانات وبعدين تجي فيه صفايح على شكل مثلث بس على اكبر حديد عند الكفرات نفس نظام المرسيدس وانا جربت SE الباترول 320 حصان والله عزمه خيال كيف عاد 400 ,,,,,, وحتى القطع ارخص من اللاندكروزر
الشكل اللاندكروزر شكل عائلي
الباترول رياضي على شبابي وانسيابي اكثر

[زحلول]

الف مبروووووك اهنيك على الاختيار ,,, الله يوفقك ويعطيك خيره ويكفيك شره

[عبسي4800]

النيسان وتوكل على الله

[عبسي4800]

الله يطعمك خيره ويكفيك شره

لازم تاخذ بنا دوره هههههههههههههه

[هلالي مقاتل]

خذ الباترول وطع شوري و الله الاندكروزر ماينفع ابد

[صقر نجد99]

1000 مبروك الله يعطيك من خيرة ويكفيك شرة

بس اخوي القعقاع وين ساكن ودي بدورة هههههههههههههههههه

[زقم]

الله يعطيك من خيره ويكفيك شره وبالبركه ان شاء الله

[القعقاع]

السلام عليكم كل الشكر لكم على أرائكم النيرة
وبالنسبة للسيارة ماشاءالله تبارك الله جبارة من كل ناحية من حيث الشكل والانسيابية والقوة والرساوة على الطريق وكذلك في الطعوس أللهم صلي على النبي من جد قوة وراحة في طريق أوفي بر
وبالنسبة للداخل قمة الفخامة تحس بالفخر وإنت تمتلكها لأنهافخمة بكل ماتعنيه الكلمة من حيث التكنولوجيا الداخلية والشكل الإنسيابي الخارجي بصراحة إللي معه فلوس ويبي دفع رباعي لايفرط في بطل الدروب مع إني في بداية الأمركنت أرغب في اللاندكروزر لكن الحمدلله بأني إمتلكت نيسان باترول وللمعلومية الفئة إللي معة هي الفل كامل (( يعني أقل من الــvip مباشرة )) لأن أعلى فئة بــ290ألف ولاتزيد إلا بالكاميرات الاربع ونظام الرادار الأمامي والشاشات الداخلية الموجودة في المقاعد
ومن حيث صرفية الوقود أنا أستعمل بنزين 95 وقطعت مسافة 550كم مع وجود رياح معاكسة متوسطة إستهلك مني 60 ريال والعداد مثبته على الــــ 170
وأي سؤال أنا جاهز

[أطلال نجد]

ألف مبروك ..

وإن شاء الله أنك ما تحتاج للحمراني أبد

معي زميل عمل معه 2010 SE

يشتكي من سوء الخدمة ومعاملتهم للعميل !!

[بساط احمدي]

يا حبي له الباترول الجديد وبس ولو هنا دراهم طقيته والله هههههههههههههه لكن العين بصيره والايد قصيره ولكن يا ربي لك الحمد

فنعمه والله كثيييييييييييييييره ما نحس فيها الا لما نفقدها الحمدلله الحمدلله

[الوعد البراري]

الاستخارة
...............

[صقر نجد99]

اخوي القعقاع هل المراتب جلد وكم تعشيق القير خمس او سبع وهل فية تشغيل من بعد

والله يعطيك من خيرة ويكفيك شرة

[القعقاع]

أخوي صقر نجد99 يمسيك بالخير والسرور
المراتب جلد والقير سبع تعاشيق ولكن للأسف لايوجدتشغيل عن بعد
والفئة إللي معي هي LE بمعنى فل كامل
أعلى فئة هي الــ vip بــ290ألف أنا إللي معي تحتها مباشرة والفرق بينهم الــvip أربع كاميرات وإثنين دي في دي ونظام رادار في مقدمة السيارة وظيفته المحافظة على السيارة في مسارها إذاخرجت عن الطريق وكذلك التهدئة المباشرة إذا إقتربت من السيارة التي أمامك

[anas]

ما شاء الله تبارك الله
لكن ما قلت لنا كم حصان ؟

[H 2]

اخوي انا ركبت السيارتين
من ناحية المركب والراحة والفخامة vxr
بدون نقاااااااااااااااااااااااش

من ناحية البر صح ان النيسان الجديد خفيف ومكينته قوية ولكن الفكس ار بعد قوي بالبر

لو انا عرض علي النيسان 180 والفكس ار 210 خذيت الفكسار
شرط النظافة بدي وقير وماكينة
والا ترا 20 الف ممشي ما مشي الجيب اذا ماطق 150 الف والا تراه جديد

ومشكلتك انت جيت هنا بقسم النيسان اكيد الكل بيمدح النيسان
وانا والله اني من محبي نيسان وكارهي اسم تايوتا ولكن والله تايوتا موتر يفرض نفسه
وانت قارن الموترين اركب هذا وسقه وهذاك وسقه
تايوتا يكفى اذا مر جمبك فكس ار تحس مر جمبك ذيب
له هيبة والله يوم يمر جمب vxr اني العن ابو اليوكن الى معي بس الملعون غالي من يطوله
والا النيسان والله والله والله اني اضحك اذا شفت واحد شارية الجديد اقول الحمد لله 200 الف في نيسان
والله لو 150 حرام اقطها في نيسان


نيسان لو تمسكه بس اسبوع خطوط صحراوية يتهرقل
تايوتا لو تبي تمسكه سنه ماراح تسمع صوت هرقلة موتر متماسك وبالاخير نصيحة اخ
ابعد عن نيسان
واشتر vxr مركب الشيوخ
مركب ورزه وشيك وفخم ولا يتقارن بالنيسان
النيسان لو سعره 140 الف اشتره بس 200 حراااام والله حرام
شفت ردود يقولون مايطلع عليك رنج ولا فكس ار
والله منتب شاري موتر 210 الف عشان تسابق المهبل

الفكس ار قوي بالبر ومركب

[القعقاع]

أخوي أنس الموتر 400حصان والمكينة 5600
والحمدلله الموتر من أحسن مايكون والله الحمدلله أحس إني توفقت جدا في إختياري للسيارة
ومن حيث القوة ماشاءالله جربتها في طريق الطائف الهدا في الطلوع ماشاءالله قوة جبارة
والله يعطيكم العافية وصحيح ماخاب من إستشار
أخوي H2 الله يعطيك العافية على نصائحك وشكرا لك ولكن الحمدلله أنا شريت الموتر والحمدلله مرتاح فيه منكل النواحي
وأي إستفسار أنا حاضر

[القعقاع]

السلام عليكم
أرجو الإفاده إخواني عن تحويل التعشيق من الأوتو إلى العادي في أقصى سرعه على كم يعني لوكنت ماشي على الأوتوماتيك وأبي أنقل التعشيق على العادي هل يمكن تحويله وأنا ماشي والمسموح به على سرعة كم اكثر شئ

[xx1414xx]

اخوي ابعطيك تصرفي لو كنت مكانك

راح اخذ اللاندكروزر

بدون ما اتكلم عن الامور التقنية والمواصفات

اللاند كروزر شيك وممتاز وعملي

الباترول الجديد افضل مافيه جماله الداخلي
أخوي وشلون اللاندر كروزر شيك وهو معروض عليه بقيمة 210000 و ماشي اقل من الباترول 218000 مع العلم بأن الباترول جديد 240000 و اللاندكروزر 260000

[Abu Saad]

السلام عليكم
أرجو الإفاده إخواني عن تحويل التعشيق من الأوتو إلى العادي في أقصى سرعه على كم يعني لوكنت ماشي على الأوتوماتيك وأبي أنقل التعشيق على العادي هل يمكن تحويله وأنا ماشي والمسموح به على سرعة كم اكثر شئ


بالنسبة للفتك الوضع طبيعي حتى ولو على سرعات عالية اذا نقلته من الاوتو للعادي وانت مسرع او مهدي يحولك مباشرة على النمرة رقم 4
اتوقع بطل الدروب نفس الشي .. لكن عندك الكاتلوج اكيد بتحصل فيه التعليمات.
بالتوفيق

[القعقاع]

الله يعطيك العافية أخوي أبو سعد وشكرا لمداخلتك الطيبة

[ابوحمد 2009]

استخر ربك..!!

[الربذي]

العن ابو اليوكن الى معي بس الملعون غالي من يطوله
اونا راعي البطل الف مبارك لك فعلا من ساقه اعجب به بل اعلى شي مثل الي معك مطابه انعم من الكزس واقوى فزه من الكزس وش تبي ماشاء الله
اخوي h2 اخي الكريم لاتجعل اللعن سهل هل تعلم ان في عهد النبي صلى الله عليه واله وسلم صاحب ناقه لعنها سمعه الرسول عليه السلام وقال خذ منها متاعك واطلقها بالصحراء هذي ملعونه نعوذ بالله الرحيم
فلا تلعن دابتك اخي بل ابتعد عن اللعن
بارك الله لك ورزقك متتمنى

[شقرآآآوي]

شف وانا خوك ..
مع اني من المتعصبين للنيسان , لكن الموديل الجديد 2010 صراحه ما ارتحت له ..
هو صحيح انه مواصفات مجنونه ولا تحصلها بـ vxr , لكن المشكله الكبيرة الي اشوفها فيه
أن قطع غياره تبي تصير مشكله كبيرة فيه . يعني لو يخرب فـ ماقدامك غالباً الا الوكاله ولا ورش غالية جداً
لأن الموتر الأمور التقنية فيه كثيرة وأنا اعتبرها عيب في الموتر .
والأمور التقنية مب اي واحد يضبطها.

فـ نصيحتي يا خذ سوبر سفاري 2009 وتحت ..
ولا توكل على الله وخذ الـ vxr .

[اصيل]

وعليكم السلام ورحمة لله




اخوي القعقاع الله يزيدك من فضلة ويغمك بخيرة ترليونات
أستخير الله بصلاة وأسأله التوفيق
والله لن يخيب من رجاه


ومع احترامي لك ولكل إنسان اشترى سيارة فوق 200000 إلف
وهو رأي المتواضع عنده عدم نضج بتفكير
الرأي المتزن والسليم إن من يتجواز قيمة سيارته 100 إلف عنده خلل بتفكير
والله ياخي لو املك الملايين ما حط 220000 الف في حديد لو وش صاااار .
ليش نخلي الوكالاء يجبرونا على الي هم يشتهون خل سيارتهم تخيس عندهم ..
لابوهم ولا ابو جشعهم



الله يوفقك با لمشترى إلي يوسع خاطرك
أتمنى اني ما ضيقت صدرك
لكن تبقى نصيحة اخو


سلام عليكم





مع احترامي الشديد لك

لو انك تملك الملايين صدقني راح تشتري ب 220000 ريال

وكانها عندك 22000 ريال

لا تحلف أخوي

مالها دخل بنضج التفكير ولا شيء .. لها دخل بالريال اللي عندك



احترمي لك أخوي

[abu_ryan_500]

http://www10.0zz0.com/2010/11/11/11/377191006.jpg

كلام :good2::good2::good2:

[قناص الأشهب]

ياشباب لا أحد يتكلم عن موتر ماجربة بس يقولون ولا من الشكل يحكم عليه اللي يمدح الجيب اللاند كروزر نقول كلامك صحيح بس ما يوصل حد البترول الجديد مع أحترامي لآرائك لكن البترول سيارة جبارة بكل المقاييس وجرب ولاتقول اناسمعت


ومبروك عليك أخوي القعقاع الموتر عزالله انه موتر وأختيار موفق ولايهمك سالفت يقولون انت ملكت الموتر وبتشوف مواصفاته وقوته وصدقني لو شريت الآند كروزر راح تندم سيارة من مواصفاتها تحس انها ما تستاهل 150 الف بس الناس ملعوب عليها بالتويوتا

[القعقاع]

السلام عليكم
شكرا لمن تفضل برده ورأيه وكل الشكر لتفاعلاتكم الطيبة
وشكرا لك أخي قناص الأشهب على المداخلة الطيبة والحمدلله بأنني إشتريت الباترول لأني ولله الحمد والمنة مرتاح به من جميع النواحي ولا أبخس اللاندكروزر حقه لأن كل سيارة لها مواصفاتها والله يبارك للجميع

[ابن عكاش]

مبروك الموتر الله يعطيك خيره ويكفيك شره
بصراحه وان اقرا الردود احس اني قاعد بين مندوبي شركة نيسان

[شلاقي]

السلام عليكم ..
الف الف الف مبروك اخوي القعقاع ...
ودي أستفسر عن قطع الغيار من ناحية توفرها واسعار القطع الاستهلاكية (الفحمات والبواجي .....)
وهل كثرة دخول البر لن يؤثر على تقنياته ..

[shabah]

انا اقول خذ الفي اكس ار وريح دماغك الباترول جديد ولا تدري عن عيوبه الا بعد سنه اوسنتين

[زقم]

انا اقول خذ الفي اكس ار وريح دماغك الباترول جديد ولا تدري عن عيوبه الا بعد سنه اوسنتين

الرجال شرى الله يبارك له والموتر شيخ عسى الله يعطيه من خيره ويكفيه شره

[بدون رقم سري]

السلام عليكم
كل الشكر لكم إخواني الاعزاء على أرائكم النيرة وماقصرتوا وبيض الله وجيهكم
وأبشركم الحمدلله إشتريت نيسان باترول اللون ذهبي 2010 ماشي 18 ألف كم بـــــ218 ألف
والشكر لكم مجددا

مااااااااااااااشاء الله تستاهل والله

الله يطعمك من خيره و يكفيك شره


وعز الله انك عرفت تشري والله العظيم اني اشريه ولا اشري لكزس يكفي انه فليور و 400 حصان غير المواصفات

[المسافر بعيد]

مبرووووووووووووووووووووووك الله يعطيك من خيره ويكفيك شره

[المسافر بعيد]

congragulation

[التعـ King ـديل]

يدلك على السلعه ثمنها

الباترول جديد الفل ب 240 الف ومستعمل ب 218 الف

الفكسار جديد الفل ب 275 الف ومستعمل ب 210 الف

الباترول ماتلاقيه بالسوق مستعمل الا نادر والفكسار كنه ببسي مرتز بكل معرض بدل الواحد عشره

وكل الرحمن وخذ الباترول وبتدعيلي

[ArMaDa1398]

اخي القعقاع الله يبارك لك في موترك ويعطيك من خيره ويكفيك شره

بالنسبه اللي يقول VXR افضل من الباترول ياليت يوضح افضل بأيش
في الاكسسوارات الصينيه ولا الشاشه اللي مدري كيف مركبه
ولا الجنوط 17 التايلنديه
ولا الدعاسات المركبه بالقوه ومعفطه النسافات
اذا يتقول VXR بقول لك ايه لكن مو في الموديلات الجديده في موديلات من 1993 الى 1997 هذا هو عز الاندكروز اللي عليه الكلام في جودة التصينع
يكفيني في النسيان انه كل ما فيه جاي شد بلاده يوم الواحد يدفع 200 الف يدفعها في شي ما انسرق فيه
مع احترامي لابو جميل

[طحنون]

مايبيلها اختيار ولا نشده شيخ
الباترول وبس ولا راح تتحسف

[yasser1389]

باتررررررررررررررررررررررررررررول وبس

[دواك عندي]

الف مبروك
الله يطعمك خيره ويكفيك شره

[كلاسيكو]

مبروك والله يعطيك خيره ويرد عنك شره