فزعتكم الله يرحم والديكم رحت الحوش ولقيت ..بالصور

[راعي الحلال..]

السلام عليكم ..

مالي الا انتم بعد الله رحت الحوش ولقيت الراوية تهرب من فووق ومشقوقة
وعليها اثار كلب الله يكرمكم
المشكلة انها اول تعبئه لها ..
لا وشاريها من محل موصى عليه من الغرابي وخذت افضل نوووع اللي هو البرازيلي
بس للاسف كل من جاني وشافها قال وراها كذا قماشها خفيف مهب قوي مثل اللي عندنا ..:(

مع انها مكتوب عليها صناعة برازيلي ..!!

وانا ابو التحطيم ..
اللي ابيه منكم الله لايهينكم كيف ارقعها والشي الثاني هل اروح للمحل اللي شريتها منه واقوله رجعها ..(معني مااتوقع لانه قالي اول ماشريتها عبها واذا فيها مشكلة رجعها والحين لها عندي شهر) ..



الصور


http://store1.up-00.com/Oct10/Ryz02574.png





http://store1.up-00.com/Oct10/NoL02574.png



http://store1.up-00.com/Oct10/uOf02574.png

[سامي232]

للرفع

ما افيدك صراحهـ

[صقر البحيرات]

بسيط جدا ..
ولا تضايق

تستطيق التلحيم ( ترقيعه ) ..



(( هناك لحيم .. لونين يجي بكرتون .. ( اسود وأحمر ) وسعره 10 ريالات خذ الاصلي لونه غامق شوي( عصار )
رح لمحل الزينه أو اي محل..... لا و تلقاه حتى عند البقاله

خذ رقعه من المكان اللي تحط فيه اللي ( الهوز ) من الراس اقطع اكبر من الشق .. شوي

واخلط اللونين الابيض والاسود وخله يثقل شوي بحيث يكون اللونين مستاويين ( ولاسود ظاهر شوي)
على نفس القطعه وثم خذ جزء من الخليط وحطه على اطراف الشق

والصق الطقعه على الشق ويطلع معك زود خليط وحطه على الاطراف وخله يوم بالشمس بالكثير ثم صب الماء


والدعوة سهله وانا اخوك ما تستاهل كل الانشغال

.. وانا استخدمها كثير ..

[طفران بس بطران]

الرواية وش عشان افيدك

[راعي الحلال..]

بسيط جدا ..

ولا تضايق


تستطيق التلحيم ( ترقيعه ) ..




(( هناك لحيم .. لونين يجي بكرتون .. ( اسود وأحمر ) وسعره 10 ريالات خذ الاصلي لونه غامق شوي( عصار )
رح لمحل الزينه أو اي محل..... لا و تلقاه حتى عند البقاله


خذ رقعه من المكان اللي تحط فيه اللي ( الهوز ) من الراس اقطع اكبر من الشق .. شوي


واخلط اللونين الابيض والاسود وخله يثقل شوي بحيث يكون اللونين مستاويين ( ولاسود ظاهر شوي)
على نفس القطعه وثم خذ جزء من الخليط وحطه على اطراف الشق


والصق الطقعه على الشق ويطلع معك زود خليط وحطه على الاطراف وخله يوم بالشمس بالكثير ثم صب الماء



والدعوة سهله وانا اخوك ما تستاهل كل الانشغال



.. وانا استخدمها كثير ..


الله يجزاك خير ..بس فيه نقطه مافهمتها ..اللي هي :

خذ رقعه من المكان اللي تحط فيه اللي ( الهوز ) من الراس اقطع اكبر من الشق .. شوي

بالظبط من وين اجيب الرقعة

[راعي الحلال..]

الرواية وش عشان افيدك


شف الصور الله يحفظك ..
الراوية = المطارة

[صقر البحيرات]

.... لا ترجعها ولا شيء لها شهر عندك .. !!

والضمان يكون على الخياط الجانبي والامامي ويبدو لي إنها على مايرام طول هذه الفترة


أما بالنسبة الراوية : انا أشرحلك على اساس إنها شراع ماء ( كيف تعبي الراوية ...؟؟ المكان اللي تعبي منه الراوية اقطع جزء منه .. واتبع الشرح )

وإن شاء الله عن قريب اطرح الصور لتوضيح

[ألمرقاب]

سهلة ياخوي كانت عندي نفس المشكلة ولها سنة والى الحين والحمدالله ماشية معي
ورحت الى رامز قسم العدد تحصل رقعة مع غراء ومبرد بكيس واحد (مثل رقعت الكفرالسيارة). نظفة مكان الشق وارقع اوخذ غراء من ساكو افضل

[حسين2006]

الامر سهل جداً
.
الاخوان ماقصروا لكن بقول لك طريقتي
.
المطاره يوم اشتريتها كانت في كيس من نفس لونها اذا كان عندك اقطع منه وصله اكبر بقليل من الخرم الموجود ومن ثم اشتر (غراء السباكه ) علبه يستخدمونها في تركيب المواسير لون الغراء اصفر ومعروفه عند جميع محلات السباكه .. ثم نظف مكان الخرم الموجود حتى لو كان نظفته بطرف سكين ومن ثم ضع الغراء على القطعه اللي اخذتها من الكيس وضع ايضاً غراء على الخرم وكذلك المنطقة المحية به والصقها عليه وبعدها لو كان ساعه واحده امل المطارة ولاراح ان شالله تهرب ابد
.
.

[كليب1]

اخوي ان طعت شوري خذلك جديد وتأكد أنها أصليه وتأكد ان الترقيع ماينفع

تحياتي

[الشوكيss]

الله يعوضك خير

[ABU SALEM]

عندي وحده مثل الي عندك بالزبط فيها الحين رقعتين وزي الحلاوه انا الي مسويها جايب لي غراء بلاستك حق مواصير البلاستك بس الاصلي وشاق لي رقعه من استك كفرات سياره بس مدبلها ولها تقريبا سنه ولا خالفت وعلى فكره الشقوق الي عندي في الراويه اكبر من الي عندك الشغله ما تاخذ عشر دقايق بس تاكد انها فاضيه من المويه قبل تحط الرقعه

[ابوساعد]

الامر سهل جداً

.
الاخوان ماقصروا لكن بقول لك طريقتي
.
المطاره يوم اشتريتها كانت في كيس من نفس لونها اذا كان عندك اقطع منه وصله اكبر بقليل من الخرم الموجود ومن ثم اشتر (غراء السباكه ) علبه يستخدمونها في تركيب المواسير لون الغراء اصفر ومعروفه عند جميع محلات السباكه .. ثم نظف مكان الخرم الموجود حتى لو كان نظفته بطرف سكين ومن ثم ضع الغراء على القطعه اللي اخذتها من الكيس وضع ايضاً غراء على الخرم وكذلك المنطقة المحية به والصقها عليه وبعدها لو كان ساعه واحده امل المطارة ولاراح ان شالله تهرب ابد
.

.

هذا هو العلم ولاتدور غيره ، كلامي هذا من خلال تجارب وليس تجربة وحده فقط

أما إذا ماكان عندك الكيس أقطع وصله من خرطوش المطاره إللي يخرج معه الماء للحوض وأما الغرا فهو غرى السباكه الألماني الأصلى بعشرة أو ثلاثة عشر ريال ولا تدور غير هذه الطريقة وإذا أحكمت العملية ستبقى الرقعة إلى أن ترمي المطاره وهي ماهربت الماء.

[راعي الحلال..]

الله يجزاكم خير جميعا كلن باسمه ..والله ماقصرتوا ..

[راعي الشاهي]

الله يعطيك العافيه

[قنااااص]

ماقصروا الأخوان الله يجزاهم خير

مع مكشات مش حتقدر تغمض عينك

[نجم الخليج]

أنا اشتريت شراع برازيلي لغرض رش قواعد وصبات
ولقيتها مفرية بالسكين بطول ذراع (الله لايوفق اللي سوى كذا)
وكمان ثلاث فريات ......

هل يفيد ترقيعها ....؟؟؟ عندي حوش وحطيت فيه شوية غنم وافكر ارقع الشراع لسقي الغنم ... ولا فيه طريقة افضل ؟؟؟ الله يجزاكم خير

[راجي الفرج]

جزاكم الله خير.