الطير والملواح

[bo jara7]

السلام عليكم

يالربع انا عندي طير كل ما ادعيه والاعبه بالملواح يقعد يراوغ كنه يبي يدعمني 0
واليوم وانا الوح دعمني وانا تعورت واهوا تعور

ابي طريقه للتلويح وحل مع مراوغه الطير للملواح 0 صراحه صرت اخاف الوح للطير

وشكرا

[صقرالعوسي]

يفيدونك اهل الخبرة ما مارة علي طير يدعم راعيه الا اذا كان ضعيف النظر او ما مكمل بريشه وما يكون في توازن
تقبل مروري اخوي الغالي

[صقار مبتدئ]

اربط الملواح بعصا طويله و خله بعيد عنك

[الحمش1]

اخـوي طيـرك قرناس صـح ولالا
والقرانـيس كـذا طبـوعهن يضـربنك ويـاخذن المملـواح

[بندر خلف]

يفيدونك الربع

[قرناس شماالي]

اخـوي طيـرك قرناس صـح ولالا
والقرانـيس كـذا طبـوعهن يضـربنك ويـاخذن المملـواح

:good::good::good:

[شطب]

خل السبب طويل وذب الشلو بعيد عنك

[المغتر2]

اخـوي طيـرك قرناس صـح ولالا
والقرانـيس كـذا طبـوعهن يضـربنك ويـاخذن المملـواح
صح كلمك لاكان معي قرناس الي بتوقيعي
ونفس حالة طيرك صعب اتلوحلة و دعمني
بس في طريقة ماتخليه يدعمك ماقدر اشرحها لازم عملي

[الصقار111]

(أصبر على ماأصبرت عليه خيل يام )

فيه واحد من الربع عنده قرناس شاهين كل يوم داعمه تدري ويش سوا ؟؟؟؟؟

لبس خوذه وفروة وكل يوم يدعي ويشقلب بدون خوف :D لين تعود الطير وما قام يدعم راعية

[أحمد البصمان]

قالك الحل الصقاار 111
أنا عندي نفس بلواك ولبست فروة بس بدون خوذة لبست 3 شمغ ولفيتهن على وجهي ودعمني لين مل من الكدمات اللي تجية والحين تماااام

[الجارح741]

اربط الملواح بحبل طويل شوي يعني ثلاث امتار وصح لطيرك والملواح بالارض يعني لا ترفعه بالهواء واذا صار قريب منه اسحبه بسرعه لا تخليه يمسكه وبالمره الثانيه الطير يبي يسوي عليك فاهم ويبي يزحمك انت يعني يجي بينك وبين الملواح اذا شفته عمل كذا لا تسحب الملواح وراح الطير يتعداه بس انتبه لطيرك من الحبل لا يكون مرتفع والثالثه على باله انك راح تخليه اذا صار قريب منه اسحبه وعلى هذا الموال حتى يقول وش هالبلوا اللي يدعيني ويعقل .

ان اصبت فمن الرحمن وان اخطأت فمني والشيطان



تقبل تحياتي

[نايف بن فلاح]

اول شي لاعب الطير هوا اسبوع يعني خل الملواح فوق ويطقه الطير طيار ابعد مايكون وانت ماسكه بعد اسبوع طول السبب وانطل الملواح واذا جاك الطير اسحبه ولا تكثر له واذا شفت الطير اتغير واصل معه واذا هو يعني نص ونص ارجع ولاعبه هوا اسبوع وارجع لاعبه في الارض وان شاء الله يتعدل
والقرانيس مهو صحيح انها طبعهااكذا كلها تطق بلعكس القرناس اذا كان متعود على الملاعب ولا احسن من ملاعبه للشلو والمخرب سوا قرناس او فرخ لأن بعض الصقاقير اذا طقه الطير او راوغ معه واخذ الملواح عطاه وعشاه ويتعود ويتعلم على كذا فا المفروض يرجع ويئدب الطير من جديد حتى ينسى وللجميع الاحترام والتقدير,,
وسو الطريقه ويضبط طيرك ان شاء الله

[أبوفرحان]

افااااااااااااااااااااااااادوك

[صقرالخطارة]

افادوك الاخوة وإنشاء الله يرجع عن ماهوعلية
ويكون دائما فى احسن حال ومعزرة دايما أجعل الطير على يدك واطعمة
وخلية يحس دائما بالامان وحياك الله وحيا جميع الاحبة وتقبل مرورى

[علي الصقار]

افادوك الاخوان .اذا ما فادة الطرق الي ذكروها الاخوان ادعى الطير من مسافه بعيده يعني كيلو كيلو ونص حتى تتفادا اذية نفسك واذية طيرك

[wwmfs]

افادووووك الاخوان

[مخاوي الذيب 305]

هههههههههههههههههههههههههو
اول مره اسمع بهل حال بس على العموم افادوك الاخوان انشاء الله ما اتعور من الطير والطير ما يتعور منك والسلام

[falconer]

هلا خوي صح كلامك في وايد طيور تحفظ حركت الملواح بس نصيحه تتأكد اذا اطير ماعنده ضعف نظر من عين واحدة واذا ماعنده ضعف نظهر استخدم سنارة صيد السمك واربط الملواح بقوه في رأس السناره ولاعبه ع كيفك

[قنااااص]

اول شي لاعب الطير هوا اسبوع يعني خل الملواح فوق ويطقه الطير طيار ابعد مايكون وانت ماسكه بعد اسبوع طول السبب وانطل الملواح واذا جاك الطير اسحبه ولا تكثر له واذا شفت الطير اتغير واصل معه واذا هو يعني نص ونص ارجع ولاعبه هوا اسبوع وارجع لاعبه في الارض وان شاء الله يتعدل

والقرانيس مهو صحيح انها طبعهااكذا كلها تطق بلعكس القرناس اذا كان متعود على الملاعب ولا احسن من ملاعبه للشلو والمخرب سوا قرناس او فرخ لأن بعض الصقاقير اذا طقه الطير او راوغ معه واخذ الملواح عطاه وعشاه ويتعود ويتعلم على كذا فا المفروض يرجع ويئدب الطير من جديد حتى ينسى وللجميع الاحترام والتقدير,,

وسو الطريقه ويضبط طيرك ان شاء الله




مضبوووووووووووووط :good2::good2: