المساعد الشخصي الرقمي

مشاهدة النسخة كاملة : عندي مكسيما 2003 ...بهذلتني خرابات ابغى فني متخصص مكسيما


ارض الحجون
19/10/2010, 10:34 PM
السلام عليم ورحمة الله و بركاته

اخش في الموضوع

عندي مكسيما 2003 على يدي وكاله

ومن حول السنه وهي انواع الخرابات

غيرت القير والحساسات و البواجي و الكويلات

والحين ...فيها تسخين اذا مشيت فوق 50 كيلو

الزبده يالربع ابغى واحد متخصص مكسيما يعرف العله بدون خساير لاني الى الحين خسرت عليها فوق 7000 ريال .

اللي عنده حل للمشكله لايتردد باخباري عنها ...

جزيتم خيرا
THE KILLER
19/10/2010, 11:08 PM
حبيبي المكسيما سيارات صح سريييعة لكن مافيها قوة + تحمل انصحك تبيعها وتشتري الجديدة الي زي الوحشششش ولو بالتقسيط تراها 120 الف وتعجبك مرررة احسن من القديمة ^_$
عاشق الماركيز
19/10/2010, 11:15 PM
والله وانا اخوك ماعندي علم بالمكسيما لكن الجديده سمعت ان القير مايتحمل وانا والله مدري سمعت
سرطوقا
19/10/2010, 11:28 PM
الله يعينك لكن ان شاء الله انها مشكله بسيطه

الحراره شيك على الخارطيش وانتبه اذا هي تنقص مويه
ارض الحجون
20/10/2010, 12:04 AM
مشكورين يا اخوان لاكن انا ابغى حل ؟
Xtrema-2
20/10/2010, 01:13 AM
عزيزي ..

اول شي انتبه ترتفع الحراره على السياره كثيرا .. اذا ارتفعت شوي لا تقول ما علي منها ..

محرك المكسيما ما يتحمل الحراره .. ومن اول مره يسخن تبدا من بعده الخرابات..

الحراره شيك على المراوح .. يمكن يكون فيها ضعف . وايضا شيك على الاديتر.. وايضا بلف الحراره اذا كان ما غيرته من بلادها ..

انا كان عندي نفس امشكله وزياده اذا وقفت لو دقيقه ارفتعت الحراره .. بس اذا مشيت تخف .. غيرت المراوح والاديتر والبلف وضبطت .. وبعتها وهي ما تشتكي من شي ..

ارجو اني افدتك ..
aoh200
20/10/2010, 01:37 AM
زي ماقال اخوي اكستريم

وعادة ماتكون خرابات ارتفاع الحراره متتاليه

يعني تحتر السياره

تحتاج تنظف الرديتر, ثم يجيك الطرمبه, وبعدها لا قدر الله الروس حق المكينه

فـ انت تحتاج تشيك على الرديتر, الاهواز, الطرمبه...

وعادة السياره اذا بدت تخترب ماتوقف..

وبعد وقت تحسبها وتطلع خسران لان قيمة التصليحات اغلى من قيمتها بالسوق..

واذا موقعك بالدمام ممكن ندلك على ورشه ممتازه بالنيسان

موفق..
ارض الحجون
20/10/2010, 07:34 AM
اخوي اكستريم .....سويت اللي انت ذكرته بس ماش لازالت مشكلة الحراره ...
ارض الحجون
20/10/2010, 07:36 AM
اخوي ...aoh200 (http://www.mekshat.com/vb/member.php?u=99796) ...لا والله ونا خوك موقعي الرياض ..ان تخبر ورشة بالرياض الله يجزاك خير
ارض الحجون
20/10/2010, 03:31 PM
للرفع
للرفع
رفيع المقآم
20/10/2010, 06:53 PM
يالغالي الحرارة من
1- الرديتر متسدد يحتاج تسييخ
2- المراوح شيك عليها زين وشف اذا احترت افتح كبوتها وشف المراوح تدور زين ولالا
3- شيك على الطرنبه زين وليتك تفكها وتشوف هي زينه ولالا
4- شيك على البلف وليتك تغيره
5- شف اذا احترت تفجر الاهواز عندك ولالا اذا تفجر فاعرف انها راس المكينه
6- شف فيه نقطه ماحد ينتبه لها اللي هي بين رديتر المكيف ورديتر السيارة الاصلي يكون فيه كيس او وسخ يمنع دخول الهواء
7- لايكون السالفه كلها من حساس الحرارة غيره تراه رخيص
8- انتبه للعداد لايكون يخربط عليك
بالاخير اتمنى ان الحرارة تفارقك مفارقة على قولتهم روحة بلا رجعة
سحاب1
20/10/2010, 07:34 PM
الله يعينك على المكسيما ..
نصيحه بعها واشتر لك تويوتا اي نوع من سياراتها..
كان عندي مكسيما مديل 97 ممتازه جدا لاكن عيبها الوحيد معقده ميكانيكيا والله اذا رحت لبعض الورش لاصلاح عطل يقول لي مكسيما ما نصلحها واذا سألته ليش يقول معقده ..
لاحظ طرمبة المويه كم تكلف..
بالتوفيق اخوي
سرطوقا
20/10/2010, 10:03 PM
اعانك الله وانا اخوك
ارض الحجون
21/10/2010, 09:33 PM
اخوي ..منوتي الشاص ...شكل المشكله في راس المكينه ...لان كل الكلام اللي قلته سويته ماعدا راس المكينه شكله الحل النهائي .....لاكن السؤال وين الورشه اللي تعرف للمكسيما ...لاني مريت بدون مبالغه فوق 40 ورشه كلهم يقولون مكسيما ما نصلح ...شفها عندي موقفها في البايكه لها حول الشهر ولا ورشه تستقبل ....الشكوى لله ...
ارض الحجون
21/10/2010, 09:35 PM
اخوي سحاب .......انا ودي ابيعها بس كيف وهي خربانه كذا بغش الشراي ..خلني اصلحها و ابيعها ....
ارض الحجون
26/10/2010, 02:58 PM
للرفع جوزيتم خيرا
زمزم 100
26/10/2010, 06:58 PM
رح اي محل شكمانات و خله يشيل دبة التلوث و ,يركب ماصورة, يمكن تكون مسدودة وترفع حرارة السيارة

طبعا المفروض تغيرها علشان البيئة !!

عموما يكلف قصها 20 ريال و لا تزيده ( شامل الماصورة) لأن العامل يستفيد منها و يبيعها لأن فيها معدن (الراديوم)

__ مجرد رأي __ يمكن ما تنزل الحرارة .
ارض الحجون
26/10/2010, 08:29 PM
اخوي زمزم ...بسويها ان شاء الله ....والله يعطيك العافيه