من يخبر لي محل يفصل فروات (فرا)؟

[غالي]

السلام عليكم ورحمة الله وبركاته



اخواني من يخبر لي محل في الرياض اقدر افصل عنده فروه على مزاجي


ابي التطريز انا اختار طريقته ولونه ولون القماش وكذلك البطانه



انا بإنتظار من يفيدني وشكرا لكم :good:

[كرار]

فيه مصنع في بريدة يقوم بتفصيل الفراء على حسب أختيارك وذوقك وماتريد أن يكون حتى لو أردت وضع عوازل داخل الفروه ماعندهم مانع

ذهبت قبل كم سنة للمصنع وطلبت فروه معينه واخترت الخامات وأحضرتها لهم وقامو بتصنيعها بشكل ممتاز

أعذرني نسيت أسم المصنع حاليا .. يفيدونك أكثر الشباب

[غالي]

فيه مصنع في بريدة يقوم بتفصيل الفراء على حسب أختيارك وذوقك وماتريد أن يكون حتى لو أردت وضع عوازل داخل الفروه ماعندهم مانع

ذهبت قبل كم سنة للمصنع وطلبت فروه معينه واخترت الخامات وأحضرتها لهم وقامو بتصنيعها بشكل ممتاز

أعذرني نسيت أسم المصنع حاليا .. يفيدونك أكثر الشباب



شاكر لك اخوي والله يبارك لك فيها امين

لكن ابي في الرياض الي يعرف يقولي

[Hagaanaf]

آخبر فيه محل بالحارة التي خلف الآحوال المدنيه من جهة الشمال
ولكن الأكيد الي مايختلف عليه أثنين هو في المحلات الواقعه بجنب سوق الزل وتحديداً عند محلات بيع الغاز هؤلاء يفصلون لك ماتريد من فروه وعقال ومشحل
أرخ مخباتك وتدلل على اي ابضاي سوري

[falcon1]

مرحبا اخوي ،،، رح سوق الزل وتلقي محلات كثيرة تفصل لك علي طلبك

[nashy]

سوق الزل وانت مرتاح

[غالي]

الله لايحرمكم من الجنه ووالديكم على الافاده

اجل يبيلي اروح لسوق الزل هالايام وببلغكم وش صار ووش لقيت بعون الله


تسلمون

[سلفاريو]

هلا بك اخوي غالي ويسعد صباحك بكل خير ...فيه محل طال عمرك في الروضه رقم 2 يبيع واكيد يفصل وشغله ممتاز ...الوصف خريص المدارس الهنديه تدخل مع الاشاره بتجاه الشمال ...تجيك اول اشاره هو موجود على اليسار ...واضح المحل ...واي خدمه تامر أمر...وتقبل مروري

[حامض_حلو]

هلا بك اخوي غالي ويسعد صباحك بكل خير ...فيه محل طال عمرك في الروضه رقم 2 يبيع واكيد يفصل وشغله ممتاز ...الوصف خريص المدارس الهنديه تدخل مع الاشاره بتجاه الشمال ...تجيك اول اشاره هو موجود على اليسار ...واضح المحل ...واي خدمه تامر أمر...وتقبل مروري


أخوي سلفاريو

السلام عليكم
اذا رحت شمال بعد المدارس الهندية أول إشارة تقابلني يميني العثيم ويساري البنك الأمريكي .. هل اتجه يسار؟ أو قبل البنك الأمريكي على اليسار يعني ارجع يو تيرن

ولا عليك أمر وش اسم المحل

شاكر لطفك

[نهار الوقت]

شف سوق الزل بتحصل مطلوبك وبتوفيق

[ملقاط بن جمر]

يا اخوان لو تكرمتوا

وصف سوق الزل اللي في الرياض ؟؟

[مشعل العيسى]

وصف سوق الزل بالرياض

امسك طريق الملك فهد وانت متجه جنوب تجيك الجوازات على يدك اليسار امشي لين يجيك مخرج طارق بن زياد امسك المخرج وإذا جتك اول اشارة لف معها يسار كأنك متجه للأمارة بعد ما تتجه يسار اول اشاره اتركها وبعدها بيجيك شارع على يدك اليسار دخول فقط خذ هالشارع وسوق الزل يجي على يسارك .
أتمنى أن يكون الوصف واضح ..

[غالي]

واضح وماقصرتوا بيض الله وجهكم


والي بيروح قبلي يعلمني وش صار معه (بالعربي استناكم تكفون هههههههه)

<------ عجاز ومواصل خرب نومه :D

والله مدري متى ابروح الله يعين بس