هل هذا الحل عملي للحراره ؟

[دورانقو]

السلام عليكم ورحمة الله وبركاته

يارجال مكشات موتري امريكي 8 سرندل وكما تعرفون يوجد عشق ابدي بين الامريكي

والحراره وبالذات الدوج والشفر لدرجة في الصيف عندما اتتنا موجة الحر لااعادها الله

وصلت الحراره الي الثلث عندما اكون واقف في الاشاره ومع الزحمه والموتر سليم نضام التبريد 100% ولكن ليطمئن قلبي افكراركب مروحه ثالثه لان المكان بين الشبك والرديتر فاضي وابركبها فيه وابغا لها زر داخل الموتر اشغلها في حاله الوقوف والسياره شغاله

السؤوال هو هل تستهلك كهرب اكثر من اللازم ومين افضل واحد يضبطها في الرياض او القصيم ؟

واسف علي كثر القرق طولتها وهي قصيره

[YUKON_GMC]

المروحه مامنها اي ضرر اذا تبي تركب لها زر تشغيل وايقاف من داخل السياره

ويركبها لك اي كهربائي ماتبي عرف يطلع من المروحه سلكين
واحد يركبه في اقرب مسمار والسلك الثاني الكهرب يمده لين داخل الطبلون ويوصله في اقوي سلك كهرب موجود او بالفيوز ... كذا صارت المروحه شغاله على طول الآن يقطع من السلك قبل الفيوز ويركب نقطه "قاطع كهرب بزرار " ويثبه بالطبلون من تحت

المراوح فيه انواع كثيره لكن انصحك بنوعين من واقع تجربه ...

مروحه البنز " المرسيدس " كبيره وقويه اللي دائم تسمع لها خنين لاوقف بجنبك بنز او مروحة فورد من 94 الى 97 اللي تشتغل مع المكيف بعد كبيره وقويه جداً لكن عاد حسب المساحه الفاضيه في وجهية السياره عندك لازم تشتري مروحه على نفس المقاس

لكن كل ماكبرت المروحه زادت كفائتها خصوصاً وقت الوقوف

وانتبه لايقلبها وتصير تدفع لازم تكون مقابله للمروحه الاصليه وبينهم الاديتر وتحسب سحب

كذلك انتبه للكاور لازم يكون محكم الاغلاق من الجواب ولافيه كسور او تشققات

[mzmz]

انصحك ياخوي بمراوح المكسيما ثنتين تجي مع القاعدة حقتها تقريبا من 250 الى 300 ريال

السيارة جمس مصفح مكينة454

وحياك الله

[محنك]

والله ياهو قيض:f ,, لهايب تشوي:f
ركب مروحتين بعد ,,, الصلاة خير من النوم
خذ مقاس وسط ,, كانك بالرياض خذ المقاس اللي يناسبك من محل اقاصي البحار بالصناعية ,, يابانية كد ومد .....
وهذا يعتبر من الحلول ,,, والمكان فاضي
وحط لها اسلاك حرير قوويه تعطيها كهرب صح ,, والاسلاك موجوده عند محلا العقلا بالصناعية ... وكتاوتات اصلي طبعا وفصال سوتش اصلي .. حتى بالشتاء خلها تدهر وتشتغل برد على الزين ... الله يعطيك خيره ويبارك لك فيه ,,:s

[Rapture]

هل راح يكون فيه تاثير على البطارية والدينمو ؟؟ زيادة الضغط عليهم ؟؟

[غريااف]

طيب اخوي شيك على الرديتر وبلف االحرارة ,,,,
هذه من وجهة تظري ,,,

[دورانقو]

هل راح يكون فيه تاثير على البطارية والدينمو ؟؟ زيادة الضغط عليهم ؟؟

نفس السؤوال

[دورانقو]

طيب اخوي شيك على الرديتر وبلف االحرارة ,,,,
هذه من وجهة تظري ,,,

كلها 100% سليمه

[صاحب الماركيز]

يا اخوي انا عندي ماركيز كانت الحراره مطفشتني وبعدها الفت لها ثلاث مراوح مروحه تشتغل مع السياره ومروحه اذا الحراره تعدت النص ومروحه اذا السياره طفت والحراره مرتفعه شوي (اقل من النص)

[دورانقو]

يا اخوي انا عندي ماركيز كانت الحراره مطفشتني وبعدها الفت لها ثلاث مراوح مروحه تشتغل مع السياره ومروحه اذا الحراره تعدت النص ومروحه اذا السياره طفت والحراره مرتفعه شوي (اقل من النص)


طيب وراحت الحراره

[المستشار98]

إن شاء الله المراوح ما تضر ولا لها تأثير
وأشوف إن مروحة المرسيدس مزعجة شوي ، لكن خذ مروحة حرارة لكابرس 95


وأنصحك ، لا تركب لها زر داخلي
روح لكهربائي محترف وخله يركب كتاوت ألماني ويخرم كوع خرطوش ماء الرديتر ( عند مخرطة ) ويركب فيه حساس ويلحمها لحام بارد
بحيث إذا وصلت الحرارة على الثلث ( أو حسب ما توزنها أنت ) تشتغل المروحة أوتوماتيك
أفضل من إنك تشغل نظرك مع أمبير الحرارة

( والكلام عن تجربة )
والله يختار لك ما فيه الخير

[الفيلسووووووف]

حياك اخوي الغالي..


حبيت اشارك بالموضوع صادفتني المشكله بسياره امريكية ومستورده وركبت مروحة مرسدس لاكن لم تنخفض الحراره كثير.. ويمكن ان الكهربائي قالبها هذاك الوقت لم يكن لي خبره بالسيارات والمراوح ..
وتبين السبب ان اساس تصنيع السياره وان المنطقة التي استوردت منها السياره بارده بالحيل ومجاري الماء بالمكينة ضيقة طبعا التحليل هذا قالي عنه شايب ميكانيكي لكن ماضر السياره لأن الحراره فوق النص بوسط المدينة..
اذا كانت السياره فورد تأكد ان البلف موجود وسليم,وتأكد من سلك حساس الحراره ةوكذلك الحساس لان دائما يسبب مشاكل ..
اما اذا كانت كابرس او لومينا تأكد من طرمبة الماء ,او من المراوح واسلاكها والأفياش لانها غالبا تسبب مشاكل ..
اعتذر عن الاطالة..
تقبل مروري ووجهة نظري بكل صدر رحب..

[دورانقو]

إن شاء الله المراوح ما تضر ولا لها تأثير

وأشوف إن مروحة المرسيدس مزعجة شوي ، لكن خذ مروحة حرارة لكابرس 95


وأنصحك ، لا تركب لها زر داخلي
روح لكهربائي محترف وخله يركب كتاوت ألماني ويخرم كوع خرطوش ماء الرديتر ( عند مخرطة ) ويركب فيه حساس ويلحمها لحام بارد
بحيث إذا وصلت الحرارة على الثلث ( أو حسب ما توزنها أنت ) تشتغل المروحة أوتوماتيك
أفضل من إنك تشغل نظرك مع أمبير الحرارة


( والكلام عن تجربة )

والله يختار لك ما فيه الخير



حياك الله وبالنسبه للزر الداخلي اضنه يناسبني اكثر لان الحراره ترتفع بالزحمه فقط واذا تعرف كهربائي ممتاز تكفى تكفى لاتنساني

[دورانقو]

حياك اخوي الغالي..



حبيت اشارك بالموضوع صادفتني المشكله بسياره امريكية ومستورده وركبت مروحة مرسدس لاكن لم تنخفض الحراره كثير.. ويمكن ان الكهربائي قالبها هذاك الوقت لم يكن لي خبره بالسيارات والمراوح ..
وتبين السبب ان اساس تصنيع السياره وان المنطقة التي استوردت منها السياره بارده بالحيل ومجاري الماء بالمكينة ضيقة طبعا التحليل هذا قالي عنه شايب ميكانيكي لكن ماضر السياره لأن الحراره فوق النص بوسط المدينة..
اذا كانت السياره فورد تأكد ان البلف موجود وسليم,وتأكد من سلك حساس الحراره ةوكذلك الحساس لان دائما يسبب مشاكل ..
اما اذا كانت كابرس او لومينا تأكد من طرمبة الماء ,او من المراوح واسلاكها والأفياش لانها غالبا تسبب مشاكل ..
اعتذر عن الاطالة..

تقبل مروري ووجهة نظري بكل صدر رحب..


الحراره عند الزحمه فقط وشاكرين ومقدرين مشاركتك الثمينه

[ملك الفكتوريا]

الامريكي الحرارة دايم نص وطبيعي وما ترتفع إلا وفيه مشكله وليس قلة كفائه


ومشكلتنا يخرب شئ على طول ورشه واللي يقوله نسويه وهذا غلط




أنا شخصيا ارتفعت علي الحرارة أول مره واخذت سطحة ولا تمشي عليها وهي واصله ثلاث ارباع عشان الروس



أنا اقولك اسباب الخراب بالنسبه للفورد وعن خبره


1- الرديتر وسخ والحل تغيير ماء وتنظيف وكشف هل فيه تهريب أو لا والسعر 80 ريال.

2- بلف الحرارة والحل تغييره وينصح بتغييره مع تغيير الماء35 ريال وكالة فورد

3- حساس الحرارة والحل حساس جديد مع البلف والماء140 ريال وكالة والتقوى 50 ريال للفورد

4- تغيير مراوح أو كلتش مروحه أو فيوز والحل يختلف وطريقة معرفه خراب المروحه في حال السرعه الحرارة ممتازه وبالوقوف ترتفع والحل المبدئي حتى التصليح او التغيير فصل حساس المروحه عشان يشتغل طول الوقت ويكون ارتفاع طفيف ويوصلك للورشه وسعر المراوح وكالة 900 ريال والتقوى 590 ريال بالنسبة للفورد

5- تهريب بالخراطيش الحل تغيير الخراطيش

6- ضعف بطرمبة الماء تغيرها وسعرها حسب علمي 600 ريال وكالة

7- غطاء الرديتر يحتاج تغيير وقيمتها 60 ريال وكالة بالفورد ولازم تهتم بالارقام وانتبه من باقي المحلات والتجاري ابو 30 ريال لانه يسبب تقص بالماء بالتبخير

8- تهريب ثلاجة المكينه والحل تغييرها وسعرها 890 ريال وكالة

9- تهريب ثلاجة المكيف والحل تغيرها المنيوم والحل الاسهل والارخص تسد هوز المكيف الحار بـ 20 ريال الا اذا كنت محتاج للمكيف الحار

10 - تغيير رديتر كامل وسعر الوكالة 900 ريال والمكسيكي 700 ريال والامريكي 500 ريال والكندي 450 ريال




والامريكي ما يطلع الحرارة عن هذي الامور واذا ضبطت انسى الحرارة


والافضل الاصلي



وطبعا اي شئ كهربائي لازم فصل للبطاريه

[دورانقو]

الامريكي الحرارة دايم نص وطبيعي وما ترتفع إلا وفيه مشكله وليس قلة كفائه


ومشكلتنا يخرب شئ على طول ورشه واللي يقوله نسويه وهذا غلط




أنا شخصيا ارتفعت علي الحرارة أول مره واخذت سطحة ولا تمشي عليها وهي واصله ثلاث ارباع عشان الروس



أنا اقولك اسباب الخراب بالنسبه للفورد وعن خبره


1- الرديتر وسخ والحل تغيير ماء وتنظيف وكشف هل فيه تهريب أو لا والسعر 80 ريال.

2- بلف الحرارة والحل تغييره وينصح بتغييره مع تغيير الماء35 ريال وكالة فورد

3- حساس الحرارة والحل حساس جديد مع البلف والماء140 ريال وكالة والتقوى 50 ريال للفورد

4- تغيير مراوح أو كلتش مروحه أو فيوز والحل يختلف وطريقة معرفه خراب المروحه في حال السرعه الحرارة ممتازه وبالوقوف ترتفع والحل المبدئي حتى التصليح او التغيير فصل حساس المروحه عشان يشتغل طول الوقت ويكون ارتفاع طفيف ويوصلك للورشه وسعر المراوح وكالة 900 ريال والتقوى 590 ريال بالنسبة للفورد

5- تهريب بالخراطيش الحل تغيير الخراطيش

6- ضعف بطرمبة الماء تغيرها وسعرها حسب علمي 600 ريال وكالة

7- غطاء الرديتر يحتاج تغيير وقيمتها 60 ريال وكالة بالفورد ولازم تهتم بالارقام وانتبه من باقي المحلات والتجاري ابو 30 ريال لانه يسبب تقص بالماء بالتبخير

8- تهريب ثلاجة المكينه والحل تغييرها وسعرها 890 ريال وكالة

9- تهريب ثلاجة المكيف والحل تغيرها المنيوم والحل الاسهل والارخص تسد هوز المكيف الحار بـ 20 ريال الا اذا كنت محتاج للمكيف الحار

10 - تغيير رديتر كامل وسعر الوكالة 900 ريال والمكسيكي 700 ريال والامريكي 500 ريال والكندي 450 ريال




والامريكي ما يطلع الحرارة عن هذي الامور واذا ضبطت انسى الحرارة


والافضل الاصلي



وطبعا اي شئ كهربائي لازم فصل للبطاريه

يعطيك العافيه كفيت ووفيت وكل الامور اللي ذكرتها سليمه مره والموتر دوج مو فورد ولكن الامركي مكينته كبييييييييره ويصلح للمناطق البارده اكثر من عندنا الامريكي دايم مشاكل حراره

[YUKON_GMC]

اول واحد رد عليك انا ومع ذلك تطنشني ...؟؟؟ الله يسامحك ..!!!

[دورانقو]

المروحه مامنها اي ضرر اذا تبي تركب لها زر تشغيل وايقاف من داخل السياره

ويركبها لك اي كهربائي ماتبي عرف يطلع من المروحه سلكين
واحد يركبه في اقرب مسمار والسلك الثاني الكهرب يمده لين داخل الطبلون ويوصله في اقوي سلك كهرب موجود او بالفيوز ... كذا صارت المروحه شغاله على طول الآن يقطع من السلك قبل الفيوز ويركب نقطه "قاطع كهرب بزرار " ويثبه بالطبلون من تحت

المراوح فيه انواع كثيره لكن انصحك بنوعين من واقع تجربه ...

مروحه البنز " المرسيدس " كبيره وقويه اللي دائم تسمع لها خنين لاوقف بجنبك بنز او مروحة فورد من 94 الى 97 اللي تشتغل مع المكيف بعد كبيره وقويه جداً لكن عاد حسب المساحه الفاضيه في وجهية السياره عندك لازم تشتري مروحه على نفس المقاس

لكن كل ماكبرت المروحه زادت كفائتها خصوصاً وقت الوقوف

وانتبه لايقلبها وتصير تدفع لازم تكون مقابله للمروحه الاصليه وبينهم الاديتر وتحسب سحب

كذلك انتبه للكاور لازم يكون محكم الاغلاق من الجواب ولافيه كسور او تشققات

اسف اسف اسف تكفى تكفى سامحني ولك كل الحق تزعل علي ونا من الغشامه بديت ارد من الاخير لو تلاحظ والنت عندي يقطع من شركه الامتصاصات الله لا بارك فيهم ويفكنا منهم صرت اشوف اخر رد وارد عليه وابشر باللي يرضيك بس سامحني

[sa13]

هل راح يكون فيه تاثير على البطارية والدينمو ؟؟ زيادة الضغط عليهم ؟؟



-- اخي الكريم اللي اعرفه ان الامريكي الى النص حراره طبيعيه وانت تقول ما شاء الله انه يوصل الثلث مع الزحمه, معي جمس ايام الصيف من الثلث الي النص --

المروحه تستهلك كهرب وبالتاكيد راح تظغط على الدينمو والبطاريه

لكن الحل موجود وذكروه الاخوان واعتبره شيء اجباري وهو تركيب الكتاوت

اذا ركبت الكتاوت يصير حمل الكهرب من الكتاوت الي المروحه: يعني ما فيه مشكله على البطاريه ولا الدينمو ولا مفتاح التشغيل

خذ اسلاك زينه وحجم ممتاز, لا تنسى الفيوز وكذلك الفتاح يكون حجم زين

الهدف الاساسي من الكتاوت ليس زيادة الكهرب ولكن تخفيف الحمل على الكهرب الاساسي

والفيديو التالي يوضح لك

JkG22KgciwY


قبل تركيب الكتاوت استهلاك الكهرب من 3.5 الى 4

بعد التركيب الاستهلاك ما تغير بالنسبه للسلك اللي طالع من الكتاوت للمروحه

لكن السلك اللي من البطاريه الى الكتاوت صار استهلاكه حوالي 0.2

الفرق ملحوظ والفكره اللي بنقلها لكم:

- اذا ما فيه كتاوت بيكون حمل على الدينمو, البطاريه, ومتاح التشغيل

- اذا ركبت الكتاوت فانت في الوضع السليم باذن الله ولا فيه داعي للقلق وتحتاج اسلاك زينه فقط

تركيب الفيوز يكون بالتاكيد على السلك اللي جاي من البطاريه

اتمنى ان ما كتبت يكون مفيد للجميع والله ييسر اموركم وامورنا

[دورانقو]

-- اخي الكريم اللي اعرفه ان الامريكي الى النص حراره طبيعيه وانت تقول ما شاء الله انه يوصل الثلث مع الزحمه, معي جمس ايام الصيف من الثلث الي النص --


المروحه تستهلك كهرب وبالتاكيد راح تظغط على الدينمو والبطاريه


لكن الحل موجود وذكروه الاخوان واعتبره شيء اجباري وهو تركيب الكتاوت


اذا ركبت الكتاوت يصير حمل الكهرب من الكتاوت الي المروحه: يعني ما فيه مشكله على البطاريه ولا الدينمو ولا مفتاح التشغيل


خذ اسلاك زينه وحجم ممتاز, لا تنسى الفيوز وكذلك الفتاح يكون حجم زين


الهدف الاساسي من الكتاوت ليس زيادة الكهرب ولكن تخفيف الحمل على الكهرب الاساسي


والفيديو التالي يوضح لك







قبل تركيب الكتاوت استهلاك الكهرب من 3.5 الى 4


بعد التركيب الاستهلاك ما تغير بالنسبه للسلك اللي طالع من الكتاوت للمروحه


لكن السلك اللي من البطاريه الى الكتاوت صار استهلاكه حوالي 0.2


الفرق ملحوظ والفكره اللي بنقلها لكم:


- اذا ما فيه كتاوت بيكون حمل على الدينمو, البطاريه, ومتاح التشغيل


- اذا ركبت الكتاوت فانت في الوضع السليم باذن الله ولا فيه داعي للقلق وتحتاج اسلاك زينه فقط


تركيب الفيوز يكون بالتاكيد على السلك اللي جاي من البطاريه



اتمنى ان ما كتبت يكون مفيد للجميع والله ييسر اموركم وامورنا


يعطيك العافيه