الكشيمي
20/10/2010, 04:15 PM
بسم الله الرحمن الرحيم
السلام عليكم ورحمة الله وبركاته
مساكم الله بالخير اعضاء المنتدى وزواره الغالين
اضع بين ايديكم هذة القصيدة المتواضعه التي اتمنى ان ترقى الى ذائقتكم واتقبل اي نقد بصدر رحب
طبعا هذي القصيده كتبتها عندما لم اتمكن من مخاوات ربعي هل الصيد في مقناصهم في الموسم الاخير بعد رمضان بسبب الضروف
وكان موسم صيد طائر ( الكرك ) حول منطقة حايل وبعد رجوعي للقصيم بعد العيد كنت متحمس اقابلهم واخذ علوم المقناص ولكن تفاجأت بانهم مارجعو من مقناصهم
فتهيضت بهذه الابيات
مخـــــاوات النشـــــــامــا
جيتك من الطايف على طاري الصيد **** قصدي أدوج في الديار الوسيعه
نبغى الكرك اللي رقـابه معاميـــــد **** راع الولع لاشـــاف جـوله يريعـه
ريشه على صدره طبوقن مجاعيد **** وصوته يشابه للطبول الســريعه
مـا يذبحــــه ألا طـــوال السواعيــد **** لا مدوا البندق تحــــول صـريعــه
جتني رسالة منك مع ثاني العيد **** هيضت قلبي وصار يسمع قريعه
ولولا الظروف القاسية والمواعيـــد **** جيتك بنفس اليـــــوم وألا تبيعه
ما همني طول السفر لو هو بعيد **** أطـــــوع المشــوار ولاني بطيعه
أعشق مخاوات النشاما الأجاويد **** صبح الوجيــه وطـيبين الطـبيــعه
ماهم من الصيـــاع وألا العرابيـــد **** ذولـــيك يالله جعلــهم بالقـطيعه
ومـــواترن متعودة تقطــــع البيـــد **** ماهي بوسط الحوش دايم وديعه
مــــا همهم للخط يا نــاس تعبيـد **** ما همهم غير الفيــــــاض البديعه
اللي بهـــا للطير صــــوت وتغاريــد **** عقب المطـــر جاهــا وبين ربيعه
وقامو يشيلون القصــــايد بأناشيد **** وآذانهم للــحـق دايم سميـــعه
أهل الشرف ما دوروا للمنــــاقيـــد **** وقت الشدايد دايم في الطليعه
وأنا عتيبــــي والقبيلــة من ـخديد **** ديــــــارنا فــــوق الرجوم الرفيعه
قــوم حــلاحــيــل قــروم صنـــاديــد **** واليا اعتزيت أبهم حصون منيعه
نرقى سنـــــود ولا نهــاب السوانيد **** وقلوبنا وقت المعــــارك شجيعه
أهل الــحزم ومحلحلين المعـــاقيــد **** ارماحهم بصــــدور الاعدا وجيعه
ياصاحبي يالله عسى عيدك سعيد **** فرقا الخوي ياخوك أنا مااستطيعه
متى على الديرة تجــــونا معــــاويـد **** وبعدين ننكس يم حــايل وريعه
وختـــامــهــا بردد الـذكــــــر ترديـــد **** والــــدين نتبع ملته مـــانضيعه
يالله يامنشـي الـمـزون المراعــيــد **** تلطف بحالي في نهار الفجيعه
وصــــلاة ربي عد طلـع العنـاقيــد **** على رسول الله محمد شفيعه
عبدالله بن عوض الله الكشيمي العتيبي
13/10/1431هـ
السلام عليكم ورحمة الله وبركاته
مساكم الله بالخير اعضاء المنتدى وزواره الغالين
اضع بين ايديكم هذة القصيدة المتواضعه التي اتمنى ان ترقى الى ذائقتكم واتقبل اي نقد بصدر رحب
طبعا هذي القصيده كتبتها عندما لم اتمكن من مخاوات ربعي هل الصيد في مقناصهم في الموسم الاخير بعد رمضان بسبب الضروف
وكان موسم صيد طائر ( الكرك ) حول منطقة حايل وبعد رجوعي للقصيم بعد العيد كنت متحمس اقابلهم واخذ علوم المقناص ولكن تفاجأت بانهم مارجعو من مقناصهم
فتهيضت بهذه الابيات
مخـــــاوات النشـــــــامــا
جيتك من الطايف على طاري الصيد **** قصدي أدوج في الديار الوسيعه
نبغى الكرك اللي رقـابه معاميـــــد **** راع الولع لاشـــاف جـوله يريعـه
ريشه على صدره طبوقن مجاعيد **** وصوته يشابه للطبول الســريعه
مـا يذبحــــه ألا طـــوال السواعيــد **** لا مدوا البندق تحــــول صـريعــه
جتني رسالة منك مع ثاني العيد **** هيضت قلبي وصار يسمع قريعه
ولولا الظروف القاسية والمواعيـــد **** جيتك بنفس اليـــــوم وألا تبيعه
ما همني طول السفر لو هو بعيد **** أطـــــوع المشــوار ولاني بطيعه
أعشق مخاوات النشاما الأجاويد **** صبح الوجيــه وطـيبين الطـبيــعه
ماهم من الصيـــاع وألا العرابيـــد **** ذولـــيك يالله جعلــهم بالقـطيعه
ومـــواترن متعودة تقطــــع البيـــد **** ماهي بوسط الحوش دايم وديعه
مــــا همهم للخط يا نــاس تعبيـد **** ما همهم غير الفيــــــاض البديعه
اللي بهـــا للطير صــــوت وتغاريــد **** عقب المطـــر جاهــا وبين ربيعه
وقامو يشيلون القصــــايد بأناشيد **** وآذانهم للــحـق دايم سميـــعه
أهل الشرف ما دوروا للمنــــاقيـــد **** وقت الشدايد دايم في الطليعه
وأنا عتيبــــي والقبيلــة من ـخديد **** ديــــــارنا فــــوق الرجوم الرفيعه
قــوم حــلاحــيــل قــروم صنـــاديــد **** واليا اعتزيت أبهم حصون منيعه
نرقى سنـــــود ولا نهــاب السوانيد **** وقلوبنا وقت المعــــارك شجيعه
أهل الــحزم ومحلحلين المعـــاقيــد **** ارماحهم بصــــدور الاعدا وجيعه
ياصاحبي يالله عسى عيدك سعيد **** فرقا الخوي ياخوك أنا مااستطيعه
متى على الديرة تجــــونا معــــاويـد **** وبعدين ننكس يم حــايل وريعه
وختـــامــهــا بردد الـذكــــــر ترديـــد **** والــــدين نتبع ملته مـــانضيعه
يالله يامنشـي الـمـزون المراعــيــد **** تلطف بحالي في نهار الفجيعه
وصــــلاة ربي عد طلـع العنـاقيــد **** على رسول الله محمد شفيعه
عبدالله بن عوض الله الكشيمي العتيبي
13/10/1431هـ