اللي عنده خبرهـ بتروس القير للهلي

[برق الدمام]

السلام عليكم

كيف حالكم يالربع ان شاء الله بخير

حبيت استفسر عن ترس القير الثالث حق الهايلوكس 2006 بكم قيمته وتغييرة

لان فيه صوت عندي في نمرة ثلاثة زي الغره او الونه واذا جيت ابدل من خامس لا ثالث او من رابع لا ثالث مايلقم يكع صوت تروس وديتة للفني وقالي ترس

ثلاثه يبيله تغيير اللي قد غير تروس او له علم فيهن يعلمني الله يعافيكم
لان الصوت مسوي لي قلق :(

http://www.toyota4arab.com/forum/images/smilies/SnipeR%20(34).gif

[برق الدمام]

up up up up

[عبدالإله9933]

انا كان معي هايلوكس 99 وكانت تروسه بها كرة وصلحته ولاطول على طول خرب بعدين ركبت واحدمن التشليح ولين بعته وهو ممتاز واغلب اللي جربوا تصليح القير العادي ما يمدحون التصليح يعني انصحك ركب واحد من التشليح

[برق الدمام]

يعطيك العافية اخوي عبد الإله

بس فيه ناس قالولي غير ترس الثالث اصلي مع ترس الرابع ويضبط

تتوقع لو اغير قير بك القاه من التشاليح ؟؟؟؟

[النبع الصافي]

شيك على علبة الكلتش قبل القير وحتى لو صار القير ترى السبب غالبا منها
موفق

[أبويعقوب]

والله اخوي اذا عندك قرهـ ( اذا جيت تعطيها من ثاني الا ثالث او من رابع يالله يلقم وتحس بالتروس مع صوت )

يمكن المشكله من شي اسمه الهلال او ان ترس الثالث نفسه تعبان مالك الا توظيب القير ,,

فك القير عند واحد فاهم لان تطبيق القير مشكله وتاكد ان قيرك سليم وما فيه الا هالمشكله وحاول تنشب للي يوظب قله شف وش المشكله واذا خرب ترس ثاني غيرهـ او ودهـ للمخرطه ,,

التشليح القير غالي وحرام تغيره بس عشان هالمشكله وبعدين حتى المشكله هذي عادي ترا موب مشكله كبيره اما اذا مزعجتك والله وظب وريح نفسك ,,

بس لا اوصيك ا توديه الا عند خبير لان التطبيق موب لعب !!

[برق الدمام]

يعطيكم العافيه ماقصرتوووو


وش تنصحوني فيه اي ورشة اوديه

انا في الدمام

تخبرون ورشة مضبووطة ؟

[عبدالإله9933]

انا وظبت قيري1400 ورجع خرب ثاني مرة وركبت واحد من التشليح 2300 بس اتوقع 2006 قيرة اغلى ممكن 2500 إلى 3000 مع الرجيع وانا انصحك خل قيرك لمى يتعطل وركب مستعمل هذا رأيي الشخصي ولك حرية الإختيار

[برق الدمام]

لقيت قير 2009 سعودي وقلت بركبة قيمتة 2700 ريال

بس قالي الميكانيكي حرام تركب قير والمشكلة بسيطة كلها ترس

قالي اوضبلك القير بـ 1400 ريال واعطيك ضمان اسبوعين

[مكسر الشوك]

يالحبيب اسمع كلام الناس المجربة

القير الي عندك استخدمه لين ماينفرط ويروح في خرايطها
واستبدلة بقير من التشليح
لأن التوضيب ماينفع حتى لو تودية للوكالة
فيه بعض الورش تعطيك ضمان على التوضيب
وفي الحقيقة انهم حرامية ماينفع ضمانهم كلة كلام فاضي

وكلها 2700 او اقل اشتر قير من التشليح وتاخذ شي مضمون بأذن الله

[برق الدمام]

يالحبيب اسمع كلام الناس المجربة

القير الي عندك استخدمه لين ماينفرط ويروح في خرايطها
واستبدلة بقير من التشليح
لأن التوضيب ماينفع حتى لو تودية للوكالة
فيه بعض الورش تعطيك ضمان على التوضيب
وفي الحقيقة انهم حرامية ماينفع ضمانهم كلة كلام فاضي

وكلها 2700 او اقل اشتر قير من التشليح وتاخذ شي مضمون بأذن الله



بشتري القير المستعمل حق 2009 وشوركم وهداية الله .....