الباترول ومشاكل الدبل

[شبل ثرمد]

السلام عليكم ورحمه الله وبركاته


الاخوه الاعزاء الي عنده خبره عن مشكله جنزير الدبل للجيب الباترول موديل 99
هل ينصلح الجنزير اولازم يغير جنزير الدبل وكم سعره والورشه الي تنصحوننا
بتصليحه بحائل

ولكم جزيل الشكر

[adil33]

الافضل تغييره لانه لا يمكن اصلاحه وقيمته تقريبا 800 ريال واجرة التركيب تختلف من ورشه لاخرى والعاده تكون في بحر ال 500 ريال

[ابو عود]

غير الدبل افضل

لان مافيه احد يضبطه صح

تكلفته في التشليح 1000 ريال

[الفريد21]

حياك اخوي
رح للعليط او الوكالة وخذ الجنزير سعرة تقريباً 850 او يزيد شوي وتركيبة ب 250 عند ورشة الدويرة الشارع الثالث حق وكالات تويوتا اخر الشارع باتجاه الشرق انا ركبتة عندة وضبط معي ممكن القير الي من التشليح يكون رجيع ومبدل جنزيرة تجاري ركب اصلي احسن شوف عينك ولك تحيييييييييييييييياتي
اخوك

[شبل ثرمد]

لاهنتو على المعلومات يعطيكم الله العافيه
الفريد كل الشكر لك على الوصف

[شبل ثرمد]

الفريد
كل الشكر لك عل المعلومات

[hamido]

معليش ممكن سؤال خاطم وشي علا مات خراب الجنزير ...لاني شاك بموتري
وطبعا الي سمعت الافضل تغييره لانه بعد فتره يخرب اذا غيرت الجنزير بس

[sarab88]

ياعيوني علاماته اذا ابطى ماشغل اوانك تستخدمه واذا شغلت الدبل يجي فيه طقه قويه يقعد يطقطق يعني يفوت هذا قل عليه السلام وتحياتي

[شبل ثرمد]

على ماقال sarab88 تعرف خراب الجنزير فيه طقطقه قويه بالقير اذا شغلت الدبل

[hamido]

طيب على طول ولا اذا شديته لانعندي اذا شديته بواحد ومرقا او انه هابك بالارض ونهضته بقوه يطلع صوت بعض الاوقات طقطقه فمادري هو جنزير ولا لا

[ع ابوتركي]

اذ شديت بواحد يبان الصوت
وللتاكيد

[ع ابوتركي]

اذا عشقت الدبل اكسر الطاره يمين او يسار وامش
تسمع الطقه واضحه وقويه

[sarab88]

هذا ياعيوني الجنزير اكيد ولاتمشي عليه تراه بيلعب بالموتر وبعدين بيبهذلك بالزيوت فيه محل بالرياض شريت منه قطع الجنزير والصوفه ومعه حاجه بس نسيتها والله حول 800ريال والتصليح 150ريال ولكم تحياتي

[شبل ثرمد]

الي يخبر ورشه تضبط الجنزير بدون تغيير في القصيم او حايل لايبخل علينا
لان واحد من الشباب ضبط في الرياض وصار زي الحلاوه