رأيكم في تـــانــــكــــي الألمونيوم حق السنيدي

[مرسال1]

بسم الله الرحمن الرحيم

السلام عليكم ورحمة الله وبركاته

أخوانني

مررت منذ مدة بمحل السنيدي بالرياض

وحصلت عندهم تانكي مويه واقف خلف المرتبة ألمونيوم سعة 80 لتر بــ 590 ريال ..


مادري وش راايكم فيه ؟ وهل يستحق هالقيمة ؟ وهل له عيوب الألمونيوم من طعم وريحة بالماء مع الوقت ؟

شكرا

[ابو عبدالله 911]

التانكي لا يوجد فية عيوب انا معي من سنتين ولا يوجد بة ملاحظات من طعم وريحة

[ابوغيلان صالح]

بالكويت عندنا يبيعه السنيدي ب65 دينار و على كلامك عندكم 590 ريال يعني 44 دينار وعليك الحساب

[ابو الجمان]

السلام عليكم

انا معي له سنتين شاريه من السنيدي في بريده والحمد لله لا تسريب ولا ريحه ولاطعم
منتاااااااااااااااااااز با لمره

[شطب]

السلام عليكم


انا معي له سنتين شاريه من السنيدي في بريده والحمد لله لا تسريب ولا ريحه ولاطعم

منتاااااااااااااااااااز با لمره




نفس الكلام

وسعره مناسب ويكفيك ان معه تلبيسه

[beerh]

لا ما انصحك حراااااااااام سعره تقريبا 170 ريال اذا تقصد خزان الوادي 80 لتر

والـ 145 لتر يباع بسعر 225 ريال عدا ونقدا يعني بالكويتي تقريبا 20 دينار

ويباع في الرياض من شركة الزامل وهو المصنع للخزانات

وانا شفت محلهم بعيني على طريق القصيم وانت متجه شمال (على طريق الملك فهد )

قدام جريدة الجزيرة (الجهه المقابله)

محلهم واضح وعليه لوحة كبيرة مكتوب عليها شركة الزامل / خزان الوادي

انا هذا شفته بعيني امس بالليل

بناء على كلام عضو موجود معنا بالمنتدى منزل صورة الفاتورة خزان الوادي 145 لتر بـ 225 ريال

بس انا شفت محلهم بنفسي والسبت ان شاء الله ابشتري منهم خزان او خزانين باذن الله

وطبعا هو نفس الي موجود عند السنيدي بالضبط اصلا المصنع مصنع الزامل والسنيدي وموسسة الوادي هم موردين وبائعين

يعني تخيل يبيعونه علينا دبل مرتين واكثر من 200%

[ابوقاسم]

لا ما انصحك حراااااااااام سعره تقريبا 170 ريال اذا تقصد خزان الوادي 80 لتر

والـ 145 لتر يباع بسعر 225 ريال عدا ونقدا يعني بالكويتي تقريبا 20 دينار

ويباع في الرياض من شركة الزامل وهو المصنع للخزانات

وانا شفت محلهم بعيني على طريق القصيم وانت متجه شمال (على طريق الملك فهد )

قدام جريدة الجزيرة (الجهه المقابله)

محلهم واضح وعليه لوحة كبيرة مكتوب عليها شركة الزامل / خزان الوادي

انا هذا شفته بعيني امس بالليل

بناء على كلام عضو موجود معنا بالمنتدى منزل صورة الفاتورة خزان الوادي 145 لتر بـ 225 ريال

بس انا شفت محلهم بنفسي والسبت ان شاء الله ابشتري منهم خزان او خزانين باذن الله

وطبعا هو نفس الي موجود عند السنيدي بالضبط اصلا المصنع مصنع الزامل والسنيدي وموسسة الوادي هم موردين وبائعين

يعني تخيل يبيعونه علينا دبل مرتين واكثر من 200%



اخوي الرجال يتكلم عن الخزان الالمنيوم واللي تتكلم عنه فيبر
فرق المواد المصنع منها الخزان يخوك
لاتضيع الرجال
تحياتي

[داورد]

الالمنيوم ما عليه كلام .............

انا قبل كم يوم اخذت 100 لتر ملبس جاهز مع مخرجين للماء بـ 650 ريال من عروق الشمال ...

وتراة افضل من اللي عند السنيدي لانه مخرجين للماء امامي وخلفي

وشكراً

[مرسال1]

جزاكم الله خير يا أخوان ..

طيب لو فصلت المونيوم من برا وبنفس المواصفات والقياسات .. حقين التنجيد بكم يلبسونه قماش ؟

علشان نحسبها صح :)

[ابوصالح77]

هلا بك أخوي
الأفضل إنك تفصل اللي يناسبك
وتحط فيه :
مخارج الماء حسب حاجك 1-2-3
وتحط كذلك فتحتين للتعبئة .
وكذلك القواطع تكون بشكل مائل قليلاً ، عشان مايلبخ الماء بوسط التانكي
بهالشكل : [ / / ]
وبعدين تلبسه
تقبل مروري

[ابوديحم2]

جزاكم الله خير يا أخوان ..

طيب لو فصلت المونيوم من برا وبنفس المواصفات والقياسات .. حقين التنجيد بكم يلبسونه قماش ؟

علشان نحسبها صح :)
80 لتر من 400 إلى 500 بدون تلبيسه عند البنقاليه اللي يصلحون للسنيدي السنيدي جاهز وأرخص ومضمون إذا هرَب ودمت بود

[مرسال1]

جزاكم الله خير ..

أجل دام التفصيل من 400 إلى 500 ريال .. والتلبيس بياخذ تقريبا 100 ريال .

تصير هي هي القيمة نفسها ..

بس لاحظت مشكلة بحق السنيدي ... اللي هي أن التانكي ماله محبس في أول اللي لم التانكي نفسه .. وأنا ودي بمحبسين ... وااحد لفتحة اللي بالتانكي وثاني بطرف اللي اللي يطلع الماء .. لاسمح الله انقطع اللي وبدأ يصب ماء وسط الموتر ..

وأيضا المحبس للاستيك :( ..ودي اغيره بحديد :)

[مرسال1]

تصدقون أني مريت الأسبوع الماضي اليحيى حق توانك الالمونيوم اللي بحي السلام عند مقبرة النسيم .. وعطيته مواصفااته وقال لي أفصله بــ 750 ريال بعد حب الخشوم :) ..

يعني آخذ حق السنيدي أزين وأرخص :)

[قايد الدمعه]

انا مركب تانكي المنيوم 120 لتر واقف طبعاً بقواطع ..

الصراحه التانكي ولا احلى منـه .. ماخذه من برق الحياء بـ 800 ريال وعلية ضمان 5 سنوات ..

[مرسال1]

ماشاء الله ..

يعني هذي قيمة الالمونيوم :)

اجل الستيل كم تتوقعون يااصل سعره :) ؟

[قايد الدمعه]

استانلس ستيل .. فكرت اني افصل ، 120 لتـر .. وطلعت تكلفته فوق الـ 1500 ريال ، وصرفت النظر :)

[مرسال1]

تم بحمد الله شراء تانكي ألمونيوم من السنيدي (( 80 لتر واقف وملبس قماش كوري ومعزول )) ..

590 ريال .

[الخفاره]

اخذته من السنيدي بالقصيم قبل سنتين ونص 100لتر ب650 ريال وممتاز جدا لاطعم ولاريحه مع التلبيسه طبعا والحلو فبه انه يركب على جميع الجيوب تقريبا

[اخو خويه]

اهم شي خذ الواقف لان المنسدح
يرجك صوت الماء فيه
غير كذا الواقف اقوى بدفع الماء
المنسدح اذا بقى نصه اميل السياره
عشان يقوى الماء