وش رايكم في ماطور تايقر ؟

[الدبل الثقيل]

السلام عليكم ورحمة الله وبركاتة..
يالربع وش رايكم في ماطور تايقر الصيني عند العليان بالغرابي فيه صغير ب 145 وكبير ب 249 ويمدحه السوداني يقول انه فيه مواصفات الكمل وزيادة ويقول يوميا يباع 6 الى 7 وجزاكم الله خير.. الكفرات بالون 900

[صقر]

السلام عليكم

حياك الله ياراعي البالون الـ 900 :good:

الملاحظ ان المواطير الصينية بدأت تزاحم الماركات القوية ( الغالية)

أنا عندي ماطور صيني نوع سفاري وشغال من ابدع ما يكون له عندي ثلاث سنوات وهذي الرابعة ( قولوا ماشاء الله) وكفرات موتري ايضا بالون 900

بالنسبة لتساؤلك اخي الفاضل الدبل الثقيل عن التايقر ... انا اول مرة اسمع فيه .. لكن من سعره لايمنع ان الواحد يشتريه ويجربه 145ريال سعر ماهو غالي.

وبانتظار احد جربه .

[الجنوبي]

اخوي الدبل الثقيل
انحش عن التا يقر
شريت واحد ب240من الا مارات
وهي طلعه واحده لمده يومين
وبعد كذا ما عد اشتغل مادري هو سوء استخدام
او فيه عله؟؟؟ طلعت البوجي اسو د وغيرته ما اشتغل
ياريت احد يفيدنا عن كميت الزيت الذي يضاف الى البنزين في الماطور..زنوع الزيت

.................................................. .........

[صقر]

اخي الجنوبي اظن الماطور التايقر اللي نتكلم عنه خاص بنفخ الكفرات

انت معي ؟؟؟

[aziz2727]

والله وان اخوك ما فيه احسن من الشي المجرب والمعروف وهو ابو جمل
قوي وممتاز

[الجنوبي]

اخوي
صقر
فعلا باين الما طور الي يقصده الدبل الثقيل
ماطور كفرات ماركة تا يقر.. وانا اقصد ما طور كهرب تا يقر
على العموم تا يقر ما ركه صينيه على قد فلو سها .. يعني ما تخدم
؟؟؟؟....................

[ابو فص فص]

ايو الله ابو جمل وبس

[غضنفر]

التايقر له معي سنة وأبدع ما يكون تنفخ الكفر اذا كان فاضي مره خلال دقيقتين لاكن مشكلته
انه يحتر بس اظن كل مواطير الهوا تحتر

[الدبل الثقيل]

الحمد لله اشتريت ماطور ابوجمل اللي على كرتونه صورة جيب رانجلر ب 250 ريال وعليه لصقه صغيرة تدل على انه اصلي وارد الشراع.... وجزاكم الله خير...

[ابو فص فص]

مبروك وخير ما فعلت

بس سعر جملة هذا

[سنافي وبس]

انا عندي هالماطور ... حاسن وكم مرة صلحته الين عرفت وش سبب خراباته
قال لي مهندس المواطير ...
1- حط شوية زيت ملا فنجان شاهي من اي زيت سيارة ( ماهوب طبخ ) ههههههههههههه . على البنزين وحركه شوي قبل ماتشغل الماطور
2- عقب ماتطفي الماطور اقفل مفتاح التحكم بالنزين الموجود تحت التانكي لانه ممكن يوصل شي من البنزين الى الديلكو ويحترق او البواجي
3- انتبه لايتنثر البنزين وانت تملا الماطور حاول استخدام ( محقان )
ارجو اني افدتكم

[ذيــب الصـمان]

سنافي وبس الموضوع عن مواطير هواء الكفرات :)

جزاك الله خير

[قصيمي والهوى شرقي]

والله اطلق ماطور عند العليان صرح شي ويجي معه شنطه وأسمه تايجر والله أداء شي الهندي اللي عند العليان يقول 3دقائق ويعبي الكفر أذا كان فاضي وانا مجرب وصدق\ رفيق وشكراااا

[روح الشمال]

ابو جمل وبس

وجه تعرفه ولا وجه تنكره

[راع الشيروكي]

السلام عليكم ورحمة الله وبركاته
يا شباب الظاهر انكم خلطوا بين ماطور الكهرب و مواطير نفخ الهواء.
وانا فهمت انه يسئل عن ماطور الكهرب الصيني.
لكن لاباس بالنوع من هالمواطير لاني عندي واحد وماشيت اموره وشريته بـ 260 ريال
اما كمية الزيت مع البنزين فهي كالاتي :-
كل 50كمية من البنزين تخلط مع كمية واحدة من الزيت الخاص بالمحرك ثنائي الاشواط.
يعني تحط 50 كوب بنزين مع كوب واحد زيت .
اسم الزيت ( بتروبورد) من انتاج بترومين وسعر العلبة حوالي 4 ريال
مواصفات الزيت:
Petroboard
two stroke engine oil
TC-W II

from peromin
It must meet the requirements of
NMMA for TC-W II
وهالزيت هو فقط اللي يصلح للخلط مع البنزين او اي زيت بنفس الموصفات فقط

تحذير :::
زيادة الزيت ترفع الحرارة وقلة الزيت يخبط بالمكينة


والسلام

مع تحيات راع الشيروكي

http://www.mekshat.com/pix/upload/sign/images/mk18789.gif

[عبدالملك]

اخو ابو جمل من نفس الشركة لكن اسمه يختلف عند الرميح ب185ريال

[سدير1400]

ارسو لكم على بر يا ماطور كهرب يا ماطور هواء
تراي اليوم شاري ماطور كهرب سوبر تايقر بـ 350ريال وأبي رايكم فيه

[rayes3]

اخوي صبحك الله بالخير ياريت تعلمنا عن مكان الماطور من وين شريته لاني محتاج واحد

[Magellan]

ارسو لكم على بر يا ماطور كهرب يا ماطور هواء
تراي اليوم شاري ماطور كهرب سوبر تايقر بـ 350ريال وأبي رايكم فيه

ممتاز بس عّد له من 3 اسابيع إلى شهر ونص من الشغل المتواصل وينتهي عمره
جربت 3 بمخيم وكلهن خربن
وتصليحه اغلى من جديده
مشاكل بالكلبليتر والبوجي

[سدير1400]

اخوي صبحك الله بالخير ياريت تعلمنا عن مكان الماطور من وين شريته لاني محتاج واحد
هلابك اخوي الماطور قوته من 800واط إلى 900واط كحد أقصى وما استفدت منه لأني ابيه يشغل عندي مكينة لحام والمكينة يبيلها ألف واط والماطور 800واط . وتراه للبيع ما شريته إلا امس 11/10/1430هـ بـ 350ريال واببيعة بـ 300ريال . بكرتونه شغلته مرتين .زين للمبات وللمكيف الصحراوي والتلفزيون مكاني سدير

[سدير1400]

ممتاز بس عّد له من 3 اسابيع إلى شهر ونص من الشغل المتواصل وينتهي عمره
جربت 3 بمخيم وكلهن خربن
وتصليحه اغلى من جديده
مشاكل بالكلبليتر والبوجي
صباح الخير والله عند واحد من الربع نفسه بالظبط جالس عنده فوق السنتين ولا يزال شغال ولكن لا بد من وضع الزيت مع البنزين

[مكشاتي كوكتيل]

موضوعك هذا مثل الشامبو 2 في 1

مواطير كهرب ومواطير كفرات والأعضاء مايدرون وش المقصد وكلن يغني على ليلاه :)

[سدير1400]

موضوعك هذا مثل الشامبو 2 في 1

مواطير كهرب ومواطير كفرات والأعضاء مايدرون وش المقصد وكلن يغني على ليلاه :)
ههههههههههههه والله انك صادق كلن يغني على ليلاه . لكن الإشكال من صاحب الموضوع ما حدد هل هو ماطور كهرب أو ماطور هواء