دفلوك الشاص 2008 عيا يشتغل

[حبيب تعب]

السلام عليكم
عندي جيب حوض توي شاريه
2008 فل كامل
اذا شبكت الدبل الثقيل وشبكت الدفلوك الخلفي تصير اللمبه تؤشر ولايشبك
اريد من اهل الخبره الحل لاهنتو
مع العلم ان الامامي شغال
حاولت كثير ثولثت رحت قدام ورى
بالرمل والازفلت
مافيه فايده
هل من ورشة في الرياض متخصصة
دمتم بخير

[مسمار شداد]

شيك على الاسلاك والمواصير الي شابكه بالدفرنس الخلفي واذا
له فيوز خاص شيك عليه

[الجبل الخفيف]

هذي مشكله توجد بااكثر الشواصي وانا حاصل معي بشاص 2010 وخاصه بادفولك الي وراء وديته لي واحد خبره بخراب ادفولك شافه قالي هذي مشكله معروفه بشاص وسبب انه يجمع بخار جواه ولمى يجمع البخار يبدى فيه اصداء ولا يشتغل فكه ونضفه ببخاخ اصداء ولحمد لله ضبط وشحمه شوي ثم سكره وركب بلي الهواء بلف عشان يسمح بخروج البخار بسرعه واهم شي البلف عشان مايخرب مره ثانيه

[حبيب تعب]

شيك على الاسلاك والمواصير الي شابكه بالدفرنس الخلفي واذا
له فيوز خاص شيك عليه

اشكرك اخي جزيل الشكر
ويا ليت تعلمن وين الفيوز الخاص بالدفلوك
خدمك المال والبنون

[حبيب تعب]

هذي مشكله توجد بااكثر الشواصي وانا حاصل معي بشاص 2010 وخاصه بادفولك الي وراء وديته لي واحد خبره بخراب ادفولك شافه قالي هذي مشكله معروفه بشاص وسبب انه يجمع بخار جواه ولمى يجمع البخار يبدى فيه اصداء ولا يشتغل فكه ونضفه ببخاخ اصداء ولحمد لله ضبط وشحمه شوي ثم سكره وركب بلي الهواء بلف عشان يسمح بخروج البخار بسرعه واهم شي البلف عشان مايخرب مره ثانيه

بارك الله فيك
وكلامك معقول
ولو تعلمن باي مدينة و مكانه اللي صلح لك موترك ورقم جواله
جزاك الله خير

[حبيب تعب]

ياجماعة يا اهل الشاص
دلون على راعي ورشه مضبوط
رحت لواحد وقالي ان الحساس حق الدفلوك خربان تلقاه بالوكاله بــ 60ريال
وانا والله محتار اخاف افك واركب على غير سنع
الفزعه ياعزوتي

[أبويعقوب]

طيب دام شاصك جديد ودهـ للوكاله وقلهم السالفه وان شاء الله ما يقصرون معك ,,

واحد من الشباب اخبر خرب عليه الدفلك الخلفي وطلعت المشكله انه داخله تراب من تنسيم الزيت حق الدفرلك الخلفي فتحه ونضفه وضبط !!

وكل مشكله تختلف عن الثانيه ,,

[حبيب تعب]

مشكور اخوي على فزعتك لي
لكن وانت ابخص الوكاله الشي اللي مهب واضح خرابه
يحطون خرابات كثيره ماله دخل بالمشكله الاصليه
يعني بالفصيح نهب x نهب
وللاسف ان الموتر طلع من الضمان وبيني وبينك ثقتي بالوكاله معدومه ذقت
من وراهم الويلات
لكن عسى الله يسهله من عنده وانامعتمد على الله ثم على الرجال بالمنتدى اللي مثلك وشرواك
ومشكور الف شكر وما قصرت

[حبيب تعب]

مساكم الله بالخير
رحت للوكاله بخريص
قالوا الحساس بــ 165
بعد الخصم
ياجماعه مب معقول مابه احد يبخص الدفلوك
هذا حوض يا عزوتي والله لو معي رانج والا من هالبلايا
فزعتكم يا اعضاء ومشرفي منتديات مكشات
فزعتكم يا اعضاء ومشرفي منتديات مكشات
فزعتكم يا اعضاء ومشرفي منتديات مكشات

[فارس العيون]

به واحد بالشفاء اسمه ابو ناصر المبارك شغلته الدفلوك ....

كد مريت عليه بحوض وقال هذا رابع حوض يمر علي بيومين يشتكي من الدفلك

[abo_basil]

السلام عليكم
اخي العزيز انت رح للوكاله فقط سو فحص عندهم بدون صيانه ورح لكذا ورشه وافحص وشف وش يقولون والعطل الي كلهم يذكرونه لك قم بصيانته عند احد الورش الي انت عارفها وظامنها.
هذا اسلوبي بصيانة سيارتي والحمد لله النتيجه دائماً مضمونه.
تحياتي ابوباسل

[حبيب تعب]

به واحد بالشفاء اسمه ابو ناصر المبارك شغلته الدفلوك ....

كد مريت عليه بحوض وقال هذا رابع حوض يمر علي بيومين يشتكي من الدفلك

مشكور اخوي وماقصرت
ياليت تعطين عنوان الورشه
او رقم جواله

[حبيب تعب]

السلام عليكم
اخي العزيز انت رح للوكاله فقط سو فحص عندهم بدون صيانه ورح لكذا ورشه وافحص وشف وش يقولون والعطل الي كلهم يذكرونه لك قم بصيانته عند احد الورش الي انت عارفها وظامنها.
هذا اسلوبي بصيانة سيارتي والحمد لله النتيجه دائماً مضمونه.
تحياتي ابوباسل

تسلملي والله يابوباسل
وكلامك صحيح وعين الصواب
صح نبي نتعب شوي
بس قلت اقطع على روحي العنوه
واسال رجال منتديات مكشات
ماشاء الله مامن علم الا تلقى عندهم له سنع
عسى الله ييسر الامر

[HAS5SAN]

والله ما أدري إذا هو متعطل
ولكن أتوقع والله أعلم بأن مافيه شيء أبد
ترى عندنا أخطاء بطريقة تشغيل الدف لووك أصلاً كانو يسمونه الهزاز
المهم انت حاول تزور موقع تويوتا العربية أو تحدى الرمال
وبعدين قبل كل شيء
الدف لووك يشتغل مع الدبل الكبير ولزم السيارة تكون متجهه كفراتها للأمام وما تتعدى 40كلم
كيف تجربه روح لم طلعه وخله يثولث وشغله مع الدبل الكبير
وخل دعستك خفيفه هو راح يطلع وينزل لحاله
مثل ذا
http://www.youtube.com/watch?v=nxx6D-EgEyQ&feature=related

يعني بيتقدم ويرجع مايقدر يطلع خلك داعس وشوف كذا طريقة الدف لوك
أنا مجرب ها الطريقة على لاندكروزر الله يذكره بكل خير
على فكرة قوة الدف لووك تراه ع الريوس خاصة مواترنا الخليجيه
وانت جرب

http://www.youtube.com/watch?v=6E8LBoWazJo&feature=related

[صديق كلم رفيق]

بشر عسى المشكلة لقيت لها حل .

[HAS5SAN]

الووووووووووووووووو

[عاشق الماركيز]

والله ياخوك ماعندي اي خلفيه عن الشاص ولو عندي ماراح ابخل عليك ياخوي والعذر والسموحه لكن انا ابسئلك ولايهمك اعرف واحد معه شاص ابسئله وابشر بسعدك

[شاص&نص]

وش صار عليك يا راعي الدفلوك؟؟

[حبيب تعب]

مساكم الله بالخير
ابشررررررررررررررررررررررررررررركم
زان الدفلوك بفضل من الله ثم منكم
رحت لواحد بالشفاء مثل ما قالولي الربع
وطلع هاالخراب منتشر بكل جيوب تويوتا وخاصة الشاص
وهو ان الدفلوك يدخل به رطوبة واذا تأخر الواحد
ما شبك الدفلوك يتراكم الصدأ على التروس الكهربائية فتتعطل حركة الدفلوك
واكثر الأسباب واهمها في خرابه هي غسل السيارة بستم كما قال لي الرجل المتخصص بتصليح الدفلوك .
واكثر ما يعاني من هذي المشكلة هم اصحاب النصب
و حل هذا العيب هو تشغيل الدفلوك بإستمرار (كل أسبوع)
ومعذرة على التأخير .
وانا في خدمتكم .

[حبيب تعب]

السلام عليكم
حبيت اسال عن شي خارج موضوعي
فاسمحو لي تكرما منكم
دورت وشلون انزل صور بهذا المنتدى وما عرفت
يقوللي اكتب الرابط
وانا صوري باللاب توب
ودي بشرح مبسط وسهل
خبرتي بالامور ذي ضعيفه
لان عندي صور عن فك المصلح للدفلوك والصدأ اللي به وعن مكان دخول الرطوبه
فياليت من يعلمن وله اجر من ربي

[شاص&نص]

بسم الله الرحن الرحيم

الحمد لله أنه صلح و بيغيت منك الله لا يهينك رقم الرجال و التكلفة

و أ ما الصور فهذا الرابط فيه كل شي عن الصور http://www.mekshat.com/vb/showthread.php?t=242458

بس لا تبطي علينا

أبو عبدالكريم

[حبيب تعب]

مساك الله بالخير اخوي شاص ونص
أأسف على التاخير ما دخلت الا عقب القايله
شكرا جزيلا على خدمتك لي يوم ارسلت لي الرابط
وتوي مافتحته
قلت ارسلك الرقم اولا
والتكلفه 70 ريال
الرجال بالرياض الشفاء
يشتغل بالبيت ماعنده ورشه
جواله:0554209550
ابوناصر

[حبيب تعب]

ابجرب الله لايهينكم

[شاص&نص]

جزاك الله خير على تجاوبك و بانتظار الصور و ياليت تكون كبيرة

أبو عبدالكريم

[حبيب تعب]

مسيكم بالخير
ان شاء الله يوم اني عرفت انزل الصور بالمنتدى
ابحاول اوضح لكم ماحصل معي من مشكله في الدفلوك
بالصور والله يعين على ان يكون الموضوع
في غاية الحسن والوضوح والاتقان

[حبيب تعب]

السلام عليكم اخواني الافاضل
هذا دفلوك الشاص 2008 بريمي بعد فكه



http://www.mekshat.com/pix/upload04/images186/mk182447_100000.jpg
شرح الدفلوك + مع تبيين سبب الخراب


http://www.mekshat.com/pix/upload04/images186/mk182447_111111.jpg
الارقام مع التعريف:

1-الحساسات الكهربائية للدفلوك .
2-عمود الدفلوك الداخل بالكارونا متصل مع رع رقم 6 في الصوره .
3-هذا مشبك السلك خاص باللمبه في طبلون الشاص اذا اشتغل الدفلوك ولعت وحساسها يركب مع الغطاء حق عمود الدفلوك انظر رقم 2 .
4-ترس (غير واضح) يخرج من الدينمو يركب على ترس كبير في غطاء الدفلوك (الغطاء لم اتمكن من تصويره ) .
5-دينمو الدفلوك .
6-عمود الدفلوك المتصل بالكارونا هذا الجزء منه يكون مسنن وهو الذي تقع فيه المشكله والصدأ + بكرة غطاء الدفلوك .
_ هذا الكيبل في السهم الذي نسيت ترقيمه به اسلاك الدفلوك الكهربائية تدخل من الخلف فتشبك في حساسات الدفلوك (رقم 1 ) ومن هذا الجزء تدخل الرطوبه الى الدفلوك ومع الزمن يتراكم الصدأ في التروس فيعرقل حركة العمود فلا يؤدي دوره الصحيح فلا يشتغل الدفلوك حينها .
هذا جهد المقل فمعذرة على القصور فهذه اول مشاركة لي في عالم المنتديات
جزاكم الله خيرا

[حبيب تعب]

اخواني الكرام
اشكر جميع من ساعدني ورد على مشكلتي وايضا كل من شاهد
واعتذر على تأخيري في الرد بعض الاحيان
لانشغالي
جزاكم الله عني كل خير
وانا في خدمة الجميع
وخاصة في خدمة منتديات مكشات

[شاص&نص]

عافاك الله يا حبيب تعب و ما شاء الله على هالبدايات

لكن ما وضحت هل فيه طريقة نتفادى بها خراب الدفلوك غير تشغيله كل فترة (( يعني ما فيه طريقة نمنع بها الرطوبة من أنها تدخل؟؟

أبو عبدالكريم

[حبيب تعب]

اشكرك على رفع المعنويات
وعلى حسب كلام الرجال اللي صلح لي يقول
في مشكلتين في دفلوك اللاندكروزر
الاولى / دخول الرطوبة من طريقين مع لي التهويه وهذا نادر وتسكيره سهل
ومع اسلاك الحساسات وهذي هي المشكله لان فك الحساسات صعب وبرمجه وشغله هذا حسب كلامه
الثانيه / ان الدفلوك اذا خرب عموده او الهلال حقه ما يفك الا اذا فكيت الكارونه وهذا تصنيع غبي
بعد ماركبو الدفلوك قامو ولحمو قاعدة المساعد الخلفي فلا تقد من تطليع الدفلوك الا اذا كسرت القاعدة او فكيت الكارونا
واخير اشكرك شكر خاص

[Ibrahim alkha]

تم تصليح الدفلوك عند ابو ناصر

امامي وخلفي فكسار 97

وفقك الله يبو ناصر

رجل يحق لنا ان نفخر فيه

[مقدام النت]

السلام عليكم ورحمة الله وبركاته

اسعد الله مساكم بكل خير

ودي افحص الدفلوك وماعرفت هل هو شغال والا لا لمبته تؤشر مو ثابته اذا شغلته جي اكسار 2005 البريمي

ومره تثولث في طعس وشغلت الدفلوك وماطلع الا سحبته سحب ومدري يشغل مع اي دبل خفيف ولا ثقيل

تكفون مانستغني عن توجيهاتكم ونصحكم اخوكم جديد على هالامور

تحياتي لكم

[شاص&نص]

اشبك الموتر علي الثقيل و خل السوتش شغال علي الطقه الاخيره يعني لمبات الطبلون مولعه و الموتر طافي ثم توكل على الله و شغل الدفلك اذا هو شغال بتسمع صوت الدينمو حقه و اذا ما سمعته معناته يبي له صيانه
ابو عبدالكريم