مشاهدة النسخة كاملة : صرفية بنزين السفاري......
shabrsh
22/10/2010, 02:36 AM
السلام عليكم ورحمة الله وبركاته
يا الله ان تحيي المكشاتية وش حالكم وش علومكم يالربع
الموضوع باااين من عنوانه وش حل مشكلة صرفية البنزين
بالسفاري 1991 والله يا الربع انه يشرب شرب علما ان البنزين
95 .
فراس التميمي
22/10/2010, 02:50 AM
والله يالغلا انا عندي 2001 بخاخ ويشرب شرب اعوذ بالله منه كل الباترول كذا الله يعينك
shabrsh
22/10/2010, 03:18 AM
الله لا يهينك وانا اخوووك
بس احس ان صرفيته مهب طبيعية .....؟.؟.
أبوراشد
22/10/2010, 03:31 AM
هذا البنزيل الريال يمشيك 9- 11 كيلو فقط ,,,
وإذا كان اقل ففيه مشكلة
جرب انك تفلله وتصفر العداد وامش 100 كيلو وفلل شف كم سحب إذا 10 ريال فهو طبيعي
,,,
وعليكم السلام ورحمة الله وبركاته
اخوي معه 96 ويعبي بنزين 91 وما فيه اي مشاكل
بالنسبه للصرفيه كان يشرب شرب الويل, وقالوا فيه هندي بحايل يظبط الكربريتر
جينا الرجال وفك الكربريتر وقام ينظفه, وطلع الابر وجاب ابر من عنده
قلت هذي لاي سياره؟ قال ابر هايلكس من 98 الى 2001 تعطي بنزين اقل وكافي لطلب السياره
ومن بعدها صارت الصرفيه عاديه
بالنسبه لابر الددسن جربناها قبل لكن ما تعطي بنزين كفايه
وسالت الرجال قال ابر الهايلكس من 98 الي 2001 اصغر من ابر الجيب واكبر من الددسن
للاسف الورشه جيناها عن طريق رجال ولا اعرف كيف اوصف لك, لكن اذا انك بحايل بسال الرجال عنها, واذا لك ميكانيكي معين جب له الابر وتركيبها باذن الله بسيط
ومن الافضل انك تتاكد ان العداد والعوامه شغالات صح
بتابع الموضوع لين اشوفك حليت المشكله
والله يوفقك وييسر امورك
الاساسيات
1- اوزن الديلكو
2- اذا كانت اسلاك البواجي قديمة غيرها
3- واهم شي تقوية شرارة البوجي لأن البواجي لا تنتج شرارة قوية قويها بتغييرها الى نوع اسمه بوش الماني اربع روس طبعا يبي يفرق معك في العزم ويقل صرف البنزين لقوة احتراق البنزين
4- اذا كان كلبليتر يتم تغيير ابره الى ابر اصغر ....بس يمكن يصير عندك كتمة بسيطة .
shabrsh
22/10/2010, 02:23 PM
الله لا يهينكم يالربع ..
بس لو غيرت الابر وركبت حقت ددسن او هايلكس ما ياثر على الماكينة والعزم ..؟
وانا اخوك يا sa13 والله ما نيب من هل حايل ولا هنت .
الوافي99
22/10/2010, 02:45 PM
اذا فللت التانكي كم يمشيك بالخط وكم بالديره ابي بالكيلو فقط مابي كم يوم يجلس وكم السرعه ايضا.
أأبوهلا
22/10/2010, 02:56 PM
يااخون صرف البنزين حسب المشي انا عندي سفاري بخاخ 2000 اعبي اخضر التوانك الثنين ب56 ريال ويمشي من 600 الى 650 كيلو بس على مشي 120 والحمدلله .
عقيل2009
22/10/2010, 05:13 PM
يااخون صرف البنزين حسب المشي انا عندي سفاري بخاخ 2000 اعبي اخضر التوانك الثنين ب56 ريال ويمشي من 600 الى 650 كيلو بس على مشي 120 والحمدلله .
وكلامك على متمه
ويمشي اكثر خاصه اذا كان القير تماتيك
الله لا يهينكم يالربع ..
بس لو غيرت الابر وركبت حقت ددسن او هايلكس ما ياثر على الماكينة والعزم ..؟
وانا اخوك يا sa13 والله ما نيب من هل حايل ولا هنت .
الكلام اللي قلته من واقع تجربه
ابر الددسن مع الدعس راح يقطع الجيب لانها صغيره بالحيل وبالتالي ما تعطي بنزين كافي
ابر الهايلكس من 98 الي 2001 اكبر من ابر الددسن واصغر من الجيب لكن تعطي بنزين كافي جدا حتى مع المشي ولا في تاثير لا على المكينه ولا العزم
ومثل ما ذكروا الاخوان شيك على وزنة الديلكو والبليتين
والله يوفقك
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir