استفسار عن مجالس ..

[Just Cavalli]

بسم الله الرحمن الرحيم

السلام عليكم ورحمة الله وبركاته

مساكم الله بالخيرات وبطاعة الرحمن..

حبيت استفسر اذا ممكن عن المجالس العربيه..

احنا مجموعة شباب مغتربين، وفيه واحد يبي يرجع في الكريسميس للسعوديه..

وودنا نوصيه يجيب لنا جلسه عربيه..

هل هناك جلسات عربيه مفصله شحنها سهل وجحمها خفيف؟؟

شفت وحده تنطوي مثل الرول وطولها حوالي المتر، فهل هناك مثلها؟
وين احصلها في الرياض؟

جزاكم الله خير، والله لا يهينكم.

[ارتست]

فيه نوعيه تجي عباره عن مسند شبة مثلث ملفوف عليه مده
ولا فكيتها تصير مركا ملتصق فيه أرضية طولها تقريباً متر
تلاقيها في السوق الجديد الواقع شمال سوق العويس
أتوقع تنفع لك ووزنها ممتاز ومريحه للجلوس تكفي شخص واحد قيمتها 140
خامتها مثل خامة الطراحات اللي زمان نرقد فيها بالسطح خخ

[ابوصالح3]

لوانك افتكيت من الكريسميس؟؟؟؟

عموما نبي نفترض حسن النيه ؟؟؟

تحصل طلبك بسوق الزل بس خذ المقاس مضبوط ولو فيه صورة للمجلس اللي تبي كان افدناك اكثر
اسأل الله لكم الثبات والعصمة في بلاد الفتن

[Just Cavalli]

بيض الله وجهك اخوي ارتست
الله يفرج همك ويعز قدرك ويحرم وجهك عن النار..

.,.

ابو صالح
الله يهديك..
كل هالكلام وانت محسن النيه؟؟!! الله يعفي عنك ويحللك ويبيحك..

وجزاك الله خير على النصيحه والتوجيه والله لايهينك..

[أبوصقر]

ومع أنني مافهمت قصدك..لاكن فيه في محلات الرحلات مثل السنيدي تكايات كبيرة بها مركا..ومسند ظهر ومدة صغيرة..تباع قطعة وحدة..أتمنى أكون أفديك..والله يردكم ساليمن غانمين..

[Just Cavalli]

بيض الله وجهك أبو صقر
كفيت ووفيت، يسيرك كثير تاج راسي..

عندك خبر يابعدي عن سعرها؟

[majed_sg]

الله يحييك في بلدك ..

فيه جلسات جاهزة وخفيفة عند السنيدي أشوفها مناسبة نوعاً ما .. نظراً لتكاليف الشحن وصعوبته ..

هذي بعض الصور للمقصود ..

http://www.u06p.com/up/upfiles/g6h23490.jpg

http://www.u06p.com/up/upfiles/bUP04721.jpg




تحياتي لك ,,

[اخو خويه]

الرياض مخرج 17 سوق الجمله حق المفروشات
اذا دخلت الشارع اللي عليه المستودعات يجيك مسجد على يدك اليمين
ادخل قبله يمين يجونك على اليمين واليسار

[خشم العرمة]

حراج بن قاسم فية محلات يبيعون المطارح والمساند المساند على متر والمطارح على متر وعشرين واسعارها حلوة وجاهزة

[خشم العرمة]

لوانك افتكيت من الكريسميس؟؟؟؟

عموما نبي نفترض حسن النيه ؟؟؟

تحصل طلبك بسوق الزل بس خذ المقاس مضبوط ولو فيه صورة للمجلس اللي تبي كان افدناك اكثر
اسأل الله لكم الثبات والعصمة في بلاد الفتن

الرجل يقول في الكريسماس يقصد انها اجازة عيد الكريسماس هو قصدة يحدد الوقت انه قريب وان عندهم اجازة ماهو معناته انه صار مسيحي وبيحتفل معهم !!

اسأل الله لك صفاء النية واحسان الضن في اخوانك