وجهة نظر

[ابو حاكم]

سلام عليكم كيف الحال يارجال
ابي من كل واحد يخش على هالموضوع يكتب وجهة نظره في الكلام اللي بكتبه
السالفه ومافيها اني قبل سنتين ونص وزياده في الديره جاتني سلقه ولاهوب اول مره تجيني سلقه وكل العاده خذيتها وربيتها واتقنص ابها واطلع ابها قدام الناس وعادي والوضع عادي وفجئه قبل كم يوم سمعت ان فيه واحد يدورها ولا هوب من اهل الديره ويقول اني ما خذها من رجال وبقنص ابها وارجعها وانقطع حبلها وهجة وطبعا جاتني
وش السواة معه والله انا ناوي بعطيه بس انا قد شبيتها قبل شهر ولو انكم مكاني بتعطونه والا لا
انمنى انكم فهمتو قصدي زيــــــــــــــــــــــــــــــــــــن

[الــحـاكــمــ]

وعليكم السلام ورحمة الله وبركاته

الله حيه

تبي الصراحه المفوض إنك أعلنت عنها

وإذا كان الرجال اللي جا يدورها هو راعيها صحيح

إسأله لو فيها علامه أو حاجه واضحه يستدل بها على السلقه

أما إنك تشبي السلقه ويجي راعيها وياخذها لو هو رجال طيب بيعطيك

من عيالها أو يمكن يعطيك الجراوه كلهن

هذي وجهة نظري

والمسأله فيها حــــــــــيرهـ

نسمع راي الشباب

[ابو حاكم]

يعطيك العافيه
بس انا ما خليت احد الا قلتله عنها

[ksa1ksa]

وعليكم السلام ورحمة الله وبركاته

الله حيه

تبي الصراحه المفوض إنك أعلنت عنها

وإذا كان الرجال اللي جا يدورها هو راعيها صحيح

إسأله لو فيها علامه أو حاجه واضحه يستدل بها على السلقه

أما إنك تشبي السلقه ويجي راعيها وياخذها لو هو رجال طيب بيعطيك

من عيالها أو يمكن يعطيك الجراوه كلهن

هذي وجهة نظري

والمسأله فيها حــــــــــيرهـ

نسمع راي الشباب







كلام سليم

اوافق أخي الحاكم بنفس ارأي

[قناص الوسطى]

والله يخوي راعيها اولى بها ردها عليه وقله انك مشبيها ومراح يقصر معك بيعطيك من عيالها اذكان فيه شهام وانت بيرزقك الله بحسن منها

[بدوي.]

افادوك الشباب ما قصرو

[راعي تاحوف]

طيب مو مشكله راعيها علا عيني وعلا راسي .

بس اسأله ودور منه الجواب .

س1: صور الله لايهينك للسلقه يوم هي عندك ؟
س2: علامه تعرفها بالسلقه ؟
س3: اي دليل آن السلقه لك ؟

وقبل هذا كله آرجع للي عطاك السلقه قله السالفه كذا وكذا وش العلم منين جايب السلقه .

[طيــر شلــوى]

زي ماقالوا الإخوان ..

قله عطني صور للسلقه يوم كانت عندك
وعلامه او اي شيء يدل انها سلقته ..

وإذا كلامه صحيح عطه اياه واذا فيه شهامه بيعطيك من جراوتها او كلهاا بعد ..

والله يكتب الي فيه الخير ،

[أبوخالد707]

أفادوك الاخوان ..

[الفهد الصبيحي]

اول مسساكم الله بالخير.~.>> بالليل يتكلم
يارجال انت اتقول لها سنتين ونص عندي.~ والرسسول قال تعلنوو عن الششي سسنه وانت فهمه هالكلام.~ْ
واكيد بتكون غاليه عندك وقله يارجل بعد ها السسنين تجي.~ اتدور شي لك .~ وقوله يارجال انا ماني منكر.~
انها لك لكن يابن الحلا. الكلبه غاليه عندي وعششرت عمرعلى قولتهم .~ْ وانت بعد مششبيهاا~.ْ لا تعطيه ياهاا لو انه يموت عندك لونها غاليه عنده وطيب من اسسبوع وهو جااك يدور عليهاا بسس يمكن ماهي هي .ْ
تقبل مروري اخوك.~ْ / الفهد الصبيحي

[طارد سحاب]

السلام عليكم
اول شي انتبه لايكون سامع من احد انها جيتك وصايد خبر وماخذ وصفها من احد وهي اصلن ماهيب له
ثاني شي انت قدم الطيب وتبي تحصل الطيب اذا هو راعيها

بس انتبه لا يكون من هالحرميه وعرف انها ماهي لك
تحياتي لك

[الأكيدر]

والله مثل ماقالوا الشباب انت
شف هي له صدق ولا يبي يلعبها عليك
وانا ماقلت هالكلام الا انه مره لقيت سلقه والي جو يقولون
انها لهم ثلاث اشخاص يعني نصب عينك عينك
وان كانت له وتاكدت من هالشي اعطه السلقه وان كان رجال طيب
يبي يعطيك من الجراوه وكلن يعمل باصله وانا اخوك
وانت الله يرزقك الي اطيب منها
تحياتي لك

[طير بيروت]

ابوحاكم تحيه طيبه وبعد السلقه ترجع لاصحابها ولوبعد حين حتى لواشبيتها حتىلوصرفت عليها ايش لان لوعرف الرجال ان السلقه عندك وحاولت لاسمح الله انك تماطل معه وعطيته شروط تعجيزيه وصرف النظر عنها
وهو نفسه في السلقه ثق ثقه تامه انك ماراح توفق خاصه اذاكان رجل لاحول له ولاقوه

[ابو حاكم]

اول مسساكم الله بالخير.~.>> بالليل يتكلم
يارجال انت اتقول لها سنتين ونص عندي.~ والرسسول قال تعلنوو عن الششي سسنه وانت فهمه هالكلام.~ْ
واكيد بتكون غاليه عندك وقله يارجل بعد ها السسنين تجي.~ اتدور شي لك .~ وقوله يارجال انا ماني منكر.~
انها لك لكن يابن الحلا. الكلبه غاليه عندي وعششرت عمرعلى قولتهم .~ْ وانت بعد مششبيهاا~.ْ لا تعطيه ياهاا لو انه يموت عندك لونها غاليه عنده وطيب من اسسبوع وهو جااك يدور عليهاا بسس يمكن ماهي هي .ْ
تقبل مروري اخوك.~ْ / الفهد الصبيحي
*سبحان الله ما فهمني الا انت والله انها غاليه بالحيل علي .
*انا اقول ما ني معطيه الا بعد ما تلد ان شاء الله وبعطيه معها كم جرو وان شاء الله اني ما قصرت.
*لو انها جايتني قبل شهرين ما قلت شئ اما بعد سنتين وزياده ولا اخذ حقي فيها معصي .
وان شاء الله اني ما قلت الا الصحيح.......
اخوكم :ابــــــــــــــــــــوحاكم