### الـــفزعه يالربـــع ###

[ابو خليوي]

السلام عليكم ورحمة الله


عندي مشكله بالجيب لاندكروزر موديل 2002 ماشي 330 الف

اذا كان الموتر شغال 5 - 10 دقايق ومشيت يبدى يدخن ابيض وفيه نقص زيت خفيف

ياليت تفيدونا وبكم يكلف تصليحه وهل يضر لا خليته على وضعه ........



.

[ابو خليوي]

ياشباب
ياليت تفيدونا باسرع وقت لان مريت الصناعيه اليوم وكل واحد معطيني شغله ولا واحد متاكد
منها

[ذيب السواري]

خذ العلم مني وانا ان شاء الله متأكد مع ان كلامي ماهوب عاجبك
الموتر فيه بداية تبويش ويقولون عنه الموتر يصرف

اذا خليته كذا احتمال يخبط وإذا أهتميت بزيته ان شاء الله مايخبط
يعني كل مانقص الزيت زده

التوضيب بيكلف من الثمانيه الآلاف الى الـ 11 ألف

[MjNo0oN]

اخوي على خبرتي الخفيفه

نقص الزيت + الدخان الابيض = شنبر << لاتاخذ بكلامي لاني ما شفت الموتر ولا وصفته لي مضبوط وحاول انك تبين الدخان واجد ولا شوي ويطلع مع بداية التشغيل واتبديلات النمر او يدخن طول الوقت

وصعبه انك تفك المكينه عشانه خله فتره معك وشيك على الزيت بين كل فتره وفتره ولا تهمله وبيمشيك ان شاء الله للمكان الي انت تبيه وبيعيش معك بدون مشاكل ((لاكن لاتهمل الزيت انتبه له))

او انك تفك المكينه وتسويلها نص توضيب وتغير الاشياء الاستهلاكيه فيها وترجعها وبيمشي معك تمام التمام وبيعيش ان شاء الله

[ابو خليوي]

يالغالي ينقص اذا مشى 3000 الى 4000 بحدود علبه
واذا شغلت الموتر وخليته يحتمي يعني اذا حركته بعد خمس دقايق يبدى يدخن خفيف واذا مشيت عاد يوقف الدخنه وهو واقف مايدخن
طيب تنصحني اني ازين الشنبر ولا اخليه على وضعه

[myking]

لاتغامر وتوضب مكينتك غير جلد البلوف فقط لاغير وراح تدعي لي. تكلفة شغل اليد حوالي 500 ريال

[مفتون صيد]

انا اللى اعرفه ولا تاخذ بعلمي اكيد

انه شنبر وهاذي حركات الاند المشهوره عنه

الله يكون بعونك ... انا من رايي انك تصلحه والا صرفه ان كان عندك مقدره على البديل

[مدور طريق]

الي بسيارتك وجيه غطيان بلوف
تصليحها سهل

عادة الدخان الابيض اذا كان مستمر معك وانت ماسك خط هذا شنبر
لاكن اذا كان الدخان الابيض وانت واقف هذا وجيه غطيان بلوف

شوري عليك اذا الموتر متسافر فيه يعني بالمدينه وحولها لاتصلح شي
بس اهم شي تعاير زيت المكينة من وقت لوقت

[sarab88]

جدي خذ العلم ان شاء الله مني المواتر الجيوووووووب طبعا اذا دخن ابيض هذا يكون نقص مالك الا تغير جلد بلوووف بس وان شاء الله بتزين امورك باذن الله لاكن اذا صار هايلوكس شنبر وجلد ويعطيك العافيه وتقبلووووووووا مرووري

[ابوارياف]

اذا الدخان الأبيض مستمر معك علي طول هذا شنبر اذالدخان يجي ويروح هذا امره بسيط غير جلد البلوف فقط ون شاالله تزين 0