مشكلة بصوت يطلع مع الفرامل عند التشغيل

[رعب الصحراء]

السلام عليكم و رحمة الله و بركاته،،،


أسعد ربي صباحكم/مساكم
إخواني اللي عنده علم لا يبخل علينا تكفون


تكفى ترى تكفى تهز الرجاجيل *** لولا ظروف الوقت ما قلت تكفى



إليكم المشكلة بالتفصيل التالي :


إذا شغلت السيارة بعد وقفه طويلة بغض النظر الصباح او المساء و حميت السيارة لمدة دقيقة واحدة فقط و مرات أقل من ذلك (بناءً على دفتر المالك للسيارة)
و مرةأول ما أشغل السيارة أعشق و أمشي و يطلع الصوت



# طريقة المشي بالسيارة : أول شي أضغط على الفرامل و بعدين أنزل القير للفاضي (أحطه على الإن)ثم أضغط على الفرامل و ارفعه للأر ( الريوس )تطلع صوت دقة من تحت السيارة بمثل( تررك)ي



سويت فحص عند الوكالة و قالوا لي بالتقرير إن ليات الفرامل تحتاج تشييك أو تغيير



هل تعتقدون أن المشكلة بسبب التحمية ؟
أرجو الإادة من المختصين

[عبادي 2009]

ممكن تكون من الربلات

[رعب الصحراء]

ممكن تكون من الربلات

شرفني ردك أخي الغالي
وش تقصد بالربلات ؟

[نآصر]

وش السيارهـ ...؟

والصوت من وين يطلع بـ الضبط ...؟

[رعب الصحراء]

وش السيارهـ ...؟




والصوت من وين يطلع بـ الضبط ...؟


نوع السيارة باجيرو فل كامل موديل 2008

الصوت يطلع من تحت السيارة و بالجهة الخلفية و مرات وهي قليلة جدا يطلع الصوت من قدام

للعلم الصوت يطلع فقط اذا دقيت ريوس بس و اذا دقيت القير على الدي ما يطلع الصوت يعني فقط بالريوس

[برهان1]

اخوي الكريم انصحك بالاتي انك تشوف نفس موترك وتسأل هل فيه نفس الصوت واذا لا وقتها تعرف انها فعلا مشكله تخص سيارتك لان كان معي جيب هوندا وكان في الريوس يطلع نفس الصوت هذا واكتشفت ان الصوت بسبب فضاوه في ترس الريوس وهي طبيعيه فأنت تأكد لأنها احتمال تكون في كل الباجيرو اللي مثل موترك ويكون عيب صنع عادي
لأن وصفك يعطيني ان المشكله ليست في الفرمله لانه لو منها طلع وانت على الريوس او قدام
وبالتوفيق

[قمة افرست]

90 بالمية لايوجد مشكلة بالسيارة الصوت الي تسمعه صوت حركة العامود موجود باغلب السيارات

[رعب الصحراء]

اخوي الكريم انصحك بالاتي انك تشوف نفس موترك وتسأل هل فيه نفس الصوت واذا لا وقتها تعرف انها فعلا مشكله تخص سيارتك لان كان معي جيب هوندا وكان في الريوس يطلع نفس الصوت هذا واكتشفت ان الصوت بسبب فضاوه في ترس الريوس وهي طبيعيه فأنت تأكد لأنها احتمال تكون في كل الباجيرو اللي مثل موترك ويكون عيب صنع عادي
لأن وصفك يعطيني ان المشكله ليست في الفرمله لانه لو منها طلع وانت على الريوس او قدام
وبالتوفيق

اشكر لك مرورك و تعليق الذهبي

الله يفرج همك و يسعدك بالدارين و يجعل لك من كل هم فرج و من كل ضيق مخرج و أن يرزقك من حيث لا تحتسب ....
الله يطمنك يوم الفزع الأكبر ووالديك و عائلتك و القراء وكل مسلم

[رعب الصحراء]

90 بالمية لايوجد مشكلة بالسيارة الصوت الي تسمعه صوت حركة العامود موجود باغلب السيارات


اشِكرك من أعماق قلبي

اللهم فرج له همه و يسر له أمره و إجعل له من كل هم فرج و من كل ضيق مخرج و إرزقه من حيث لا يحتسب و إرفع قدره و منزلته في عليين .
ربي إغفر له و أبدل سيئاته حسنات و إجعل مقره بالجنة الفردوس الأعلى من الجنة ووالديه و عائلته و القراء و كل مسلم .

[جحده]

السلام عليكم انا عندي نفس المشكله لكن الى عندي القير اذ عشقت الدي يطلع الصوت اما الريوص عطاك عمره

[رعب الصحراء]

السلام عليكم انا عندي نفس المشكله لكن الى عندي القير اذ عشقت الدي يطلع الصوت اما الريوص عطاك عمره


صديقي الغالي الصوت يطلع اذا دقيت ريوس و رجعت مسافة بسيطة و اذا ضربت فرامل يطلع الصوت مثل الدقة أما اذا كنت امشي قدام فلا ؟
هنا المشكلة الصوت يطلع مع ضربت الفرامل

[رعب الصحراء]

أهلا بالشقرديه كلهم

صبحكم ربي بالرضا و العافية

رحت للوكالة و لقيت لي خاص بالفرامل مو مربوط زين وهو اللي يطلع هالصوت اذا دقيت ريوس و ابشركم و لله الحمد و المنه حلت المشكلة الغريب في الامر ان السيارة تحت الضمان و سووا قبل فترة عرض الكشف مجاني و اعطوني التقرير و فيه افادة بان لي الفرامل مدري بالضبط وشو هو بالضبط بس قالوا يبي له تربيط أو زي كذا قالوا الى الحين الورقة عندي و سألت تقريبا ً 5 ورش عن مشكلة ليات الفرامل بين هندي و يمني و باكستاني و فلبيني و كلهم افادوا بان لا مشكلة موجودة بالفرامل و يوم رحت لهم مرة من المرات ابي فحص 40.000 كلم و طلبت منهم تعديل و اصلاح الملاحظات و بعد المطاحن و المجالد الله يكفينا شرهم حلت المشكلة ياخخوان ترى الوكالات اللي عننا و الله من جنبها تراني حلفت بالله لكم انتبهوا وش يسوون بسياراتكم لا زم تسأل و تدخل وهم يشتغلون (((اذا تهمك سيارتك و تبيها تصلح صح ))) انتبهوا يا شبااااااااااب ( الله يفكنا من بلاوي الوكالات ).

[بربيكانو]

أخوي رعب الصحراء انا اسف لاني رديت عليك في موضوع قديم ورد مايخص الموضوع

ولكن ماقدرت ارسل لك رساله خاصه فاعذرني

حبيت استفسر منك عن طريقة فصل التراكشن للباجيرو انا شفت رد لك في احد المواضيع بهذا الخصوص

وتقول انه فيه طريقه سهسله جدا لفصل التراكشن فياليت لو تقول لي عليها هنا او في رساله خاصه بس انا مااقدر ارسل لك لان مشاركاتي لازم ماتقل عن خمسين مشاركه حسب نظام المنتدى والله يجزاك الف خير مقدما