يابو ماجد فكك الله من الخطوب(لغز) ... اللغز حله ( دربيل (محراب المسجد)وإتجاه القبله))

[جرير]

هي مشاركه احببنا ان نهني ابو ماجد بالسلامه جعله طهور
ومداعبه بسيطة ..
لغيز سريع خفيف الدسم
بس ارفقوا عليه يعني خلوه يتمتع شويى
...



يابو ماجد فكك الله من الخطوب***والشكر لله يوم العود طاب
جعلها تطهير وللحسنة صبوب***وداعة الرحمن لو يأخذ وجاب
اسمعوا لغزي ومن بعده اتوب *** حسب ضني ذبحته حسب الكتاب
وش شيخ ماتطيره الهبوب***راسي بالارض ومن تحت السحاب
منحني من سبة البنت اللعوب***مايغض الطرف عنها لو يصاب
ساكن بالشام وينظر للجنوب***وباليمن مايستره طول الهضاب
وفي بلاد الفرس يرقب للغروب***والبحر من دون معشوقه سراب

[ناصر العلي]

سلمت يالغالي
وصح لسانك
ويش قولك بـ
القمر

[_دربيل_999]

صح لسانك وبارك الله فيك..
برمع ذالرمعة (محراب المسجد)..وإتجاه القبلة..

وأرجو المعذرة (مفطر فول)..

اجمل تحية..

الروقي

[جرير]

سلمت يالغالي

وصح لسانك
ويش قولك بـ

القمر



هلا ابو علي والله اني خايف من يوم حطيته انك تذبحه وهو توه مولود ..
لكن نجى باعجوبه
مرورك يكفي ...

[ابوعبدالعزيز6]

صح لسانك

الهلال في اعلى المئذنه

[ناصر العلي]

سلمت يالغالي
أجل هو
الهلال
أو
الهلال الخصيب

[جرير]

صح لسانك وبارك الله فيك..

برمع ذالرمعة (محراب المسجد)..وإتجاه القبلة..


وأرجو المعذرة (مفطر فول)..


اجمل تحية..



الروقي




هو ذاك بارك الله فيك المحراب
جاب نتيجه الفول الله يقويك
لك التحية

[جرير]

صح لسانك




الهلال في اعلى المئذنه



هلا ابو عبدالعزيز
جابة دربيل ...
لك التحية

[جرير]

سلمت يالغالي

أجل هو
الهلال
أو

الهلال الخصيب



ابو علي ماقصرت
شرفت اللغز وراعية
هي مشاركة ...

[ابو ماجد 2]

مشرفنا الغالي
صح لسانك والف شكر لما ابديته تجاهي
بس لو ماقلت عود هذي تفرح الشماته
لغز طيب من طيب والحل طيب صحت السنتكم جميعا

[ناصر العلي]

ابو علي ماقصرت

شرفت اللغز وراعية

هي مشاركة ...

حنا اللي نتشرف يالغالي وماشاءالله على أخونا دربيل999هذا وهومفطر فول!!! جاب خبر لغزك ولغز أخونا راع الحزم

[_دربيل_999]

بارك الله فيكم إخواني جميعاً..

اخوي جرير والله اني صادق مفطرٍ فول..
ويوم قلت تراي مفطر فول كنت احسب رمعتي في الشرق واللغز في الغرب..هذا سبب طاري الفول..

ولكم مني أجمل تحية..

الروقي