مشكله ما يعشق القير اليا صخن الموتر الا بالقوه

[محمد السالم]

بسم الله الرحمن الرحيم

السلام عليكم ورحمة الله وبركاته

تحياتي لكل من يقرأ تساؤلي او يرد علي

عندي باختصار جيب ربع تويوتا 91 شريته قريب السياره ما شاء الله ما بها خلاف

غير اني لاحظت اذا كثرة اللفلفه ( ادور القميري يعني )وسخن الموتر سخونه عاديه يعني

الربع يكون فيه صعوبه فالتعشيق من دعسة الكلتش تحسها تثقل وقد ما ادعس احس

الدعسه ما تروح للأخير واذا طولت على نمره معينه ما يخرج القير للنمره الي بعدها الا

بصعوبه شوي

وتحياتي لكم

[YUKON_GMC]

اتوقع مشكلتك من احدى علب الكلتش العلويه او السفليه اللي عند القير شيك على الكلتش والفرامل وهل يوجد نقص او تهريب زيت فرامل

[محمد السالم]

تحياتي لك اخوي شاكر لك مرورك تهريب ما فيه تهريب و مستوى الزيت بالعلبتين تمام

لكن علبة الكلتش السفليه ذي وين احصلها بالقير

تحياتي لك اخوي ودمت بصحه وعافيه

[YUKON_GMC]

مالي خبره صراحه بالقيور العاديه .. لكن انا اذكر ان السيارات اليابانيه القديمه يجي فيها علبه جنب الجير تحت موصله بالدعسه اللي فوق

[محمد السالم]

يعطيك العافيه اخوي والله شيكت من تحت ما لقيت شي غريب

لكن بنتظر يمكن فيه احد مرة عليه المشكله

[الرامي82]

انتظر الخبراء وان شاء الله يفيدونك يالغالي

تقبل مروري

[ن م ر]

شيك على زيت الكلتش وعلبة الكلتش

[algxr]

السلام عليكم ورحمة الله وبركاته
شيك على الزيت( زيت القير) اذا كان خفيف مره يعني من 90 وتحت مع الحرارة قد يسبب مشاكل خصوصا في المناطق الحارة او اذا كانت النوعية رديئة

هذا اقتراح وان شاء الله الاخوان يفيدونك
تقبل تحياتي

[الشاطر11]

اتوقع من علبة الكلتش

[ابو عود]

فحمة الكلتش

بعدين بتصير تطلع صوت واذا ضغطت الكلتش راح

لكن نصيحه غير دزق وكلتش مره وحده وريح بالك

[أبوريم ماس]

فحمة الكلتش

بعدين بتصير تطلع صوت واذا ضغطت الكلتش راح

لكن نصيحه غير دزق وكلتش مره وحده وريح بالك
كلام ابو عود صحيح

[اذاني]

فحمة الكلتش

بعدين بتصير تطلع صوت واذا ضغطت الكلتش راح

لكن نصيحه غير دزق وكلتش مره وحده وريح بالك


اؤيد ابو عود

خصوصا اذا ثقل الكلتش واذا دعست عليه كانه بيرجع غصب وفيه نفضه

[بترووول]

نفس مشكلتي وحلها قطعت اصلاح كاتش علوي 60 ريال وضبط