مشاهدة النسخة كاملة : ايهم افضل البطاريه العاديه او الليثيوم وين الهوامير يعطونا الاجابه
غيّام
03/09/2005, 07:59 PM
بسم الله الرحمن الرحيم
السلام عليكم ورحمة الله وبركاته
وين هوامير الكاميرات (معليش مثأثر بالاسهم الله يفكني منها )
ابغى اشري كميرا ولقيت سوني وكانون نفس المواصفات تقريبا بس السوني بطاريه ليثيوم وكانون عاديه وش الراي يالربع
يرحم والديكم شاب راسي منها هالكميرات كل يوم يطلع شئ جديد :eek:
ابو نجود
03/09/2005, 08:37 PM
اخوي غيام....بالنسبة للبطارية مافيه مقارنة بين الليثيوم والعادية ...الليثيوم افضل لانك تستطيع شحنها في اي وقت وتستمر معك فترة طويلة مثل بطارية الجوال تماما...
ابو نجود..
الخبير
03/09/2005, 08:55 PM
حالياً فيه بطاريات أحجار تطول وتقدر تصور فيها 350 صورة، وهي قريبة جداً من الكميرة الليثيوم العادية الموجودة في أغلب الكميرات.
غيّام
04/09/2005, 12:21 AM
ابو نجود يعطيك العافيه وما قصرت
الخبير هل البطاريات العاديه مثل البطاريات ابو اصبع Aaa
وما قصرت والله
السلام عليكم ورحمة الله وبركاته
هلا اخوي غيام
بالنسبة لي افضل الليثيوم لكن هذا لا يعني انها الافضل واعتقد ان بعض الشركات مثل السوني والكانون
الخ تفضل لكاميراتها الصغيرة البطاريات العادية لتقل التكلفة وتكون منافسة بالسوق لكن اغلب الكاميرات
تجد انها تستخدم بطاريات الليثيوم خاصة الاحترافية منها لكن المشكلة بالبطاريات العادية انه لا يأتي معها
الشاحن يعني لا زم تشتري البطاريات مع الشاحن وبالنسبة لاستفسارك عن البطاريات القابلة للشحن وبعد اذن اخونا الخبير نعم تأتي بنفس الحجم وسعرها على ما اعتقد 15 ريال للحبة يمكن بعض الموديلات اغلي
وهذه صورة لموديل الــ Panasonic
http://www.panasonic.ae/PMM/Assets/ProductCatalogue/BigImages/RNi-MHB.jpg
واخيرا بطاريات الليثيوم اسهل بالتعامل وتدوم .. انا عندي بطارية حق كاميرة الفديو لها اكثر من 7 سنوات
لم اغيرها قل ماشاءالله :D
والسلام عليكم
جمران
04/09/2005, 01:24 AM
شكرا لكم جميعا على هذه الفائدة
التي استفدتها .لكن المشكلة أن بعض
.الموديلات مواصفاتها مناسبة لك
لكن ما يجي إلا بطاريات عادية وبالتالي
يحدونك عليها ...
شكرا لكم مرة أخرى وبالتوفيق ياغيام
بكميرا تملى عينك إن شاء الله
---------
أخوكم جمران
اسيزو 4x4
04/09/2005, 03:18 AM
والله أنا أتوفع أن الليثيوم أفضل لأنها تدووم أكثر ولا تفضى بسرعة
.
غيّام
04/09/2005, 04:57 PM
المشرف العزيز
نفل مشكور وما قصرت ومنكم نستفيد وما شاء الله عليك
جمران جزاك الله خير على الدعوه الطيبه
اخوي
ابو حمود توقعك صحيح لكن اذا فضت وانت رايح لمكان مامعك كهرب اتوقع انك تقشر فجل
أبو الكشتات
04/09/2005, 07:36 PM
كل من النوعين لهما سلبيات واجابيات
الخبير
05/09/2005, 02:11 AM
السلام عليكم
انا عندي كميرة سوني w5 ولها احجار AA ولكن هذي الأحجار تختلف عن غيرها بحيث إنها تعاد تعبأتها وأيضاً تطول في التصوير (تصور 350 صورة ).
راعي السنع
07/09/2005, 02:36 PM
عندي كاميرة تعمل بالبطاريات الصغيرة Aaa لكني تعبت معها ومالقيت الا نوع واحد يطول وهو Varta الأزرق لكن للأسف خلص من الاسواق ومالقيته اما الأنواع الثانية فهي ماتزبنك اذا صرت كاشت .. حتى البطاريات اللي تشحن ماضبطت معي ...
باعتقادي ان الليثيوم أفضل واذا كان معها شاحن سيارة يكون ياسلام ..
السلام عليكم ورحمة الله وبركاته
بالنسبة للبطاريات الليثيوم انتبه للرقم اللي يجي بعده mAh وهذا يعني المدة اللي تقدر تخدمك فيها البطاريه وهي مشحونه وترا الفرق مهوب شوييييييي انا جربت سوني وكاسيو الكاسيو كانت على ما اذكر 180mAh والسوني 220mAh ووبدون مبالغه السوني تخدم ضعف مدة الكاسيو وسمعت ان بوه ارقام اكبر لكني ما شفتهخ بعيني!
اخوك عبدالرحمن
الفردوس
09/09/2005, 02:37 PM
الليثيوم ممتازة
لكن اذا الكاميرا الممتازة تعمل بالبطاريات امهات اصبع فلا مانع
عند سوني بطاريات اعادة شحن بقوة 2500 ممتازة جدا ومجربة وتدوم طويلا اشترها مع الشاحن بقرابة 150 ولا تندم عليها
غيّام
12/09/2005, 06:57 PM
مشورين يالربع والكلام اللي قلتوه يخلي الواحد يزيد حيره لكن امري الى الله اباخذ كانون وبس
tabuki
14/09/2005, 08:12 PM
السلام عليكم ورحمة الله وبركاته
بطاريات الليثيوم افضل بكثير ولكن يوجد نوعين منها وهي
Ni-cad وهو جيد ولكن لا ما يطول
Ni-mh وهو الافضل واحرص على اخذ الانواع ذات الارقام الكبيره فهي تبداء من 400mah الى 2500mah وهو الافضل لكاميرات الديجيتل
السحاب
17/09/2005, 08:45 AM
الأخ غيام
أنصحك ببطاريات الاصبع التي يعاد شحنها
حيث أني جربتها وتصور حوالي 300-400 صورة
والنوع اللي جربته هو سوني وسعرها 4 أصابع مع الشاحن 125 ريال
ومدة الشحن حوالي 4 ساعات وفيه نوع أرخص ب 85 ريال ولكن مدة الشحن 8-10 ساعات
مايميز هذا النوع من البطاريات هو توفرها في كل مكان بعكس بطاريات الليثيوم حيث لاتجدها إلا عند الوكيل.
أي إستفسار مستعدين.
غيّام
20/09/2005, 05:57 AM
تبوك : تسلم ماقصرت الظاهر اني اخذت بطاريه عاديه ام اصبع اللي تشحن وهي فعلا ممتازه من ناحية انها لو مالقيت شاحن تلقاها في اي بقاله
السحاب تسلم وفعلا كلامك صحيح وهوب نقص في علم الربع
gulfhunter
20/09/2005, 06:55 AM
السلام عليكم ورحمة الله وبركاته
حياك الله أخوي............ بالنسبه لي ومن تجربه أجد البطاريه اللثيوم افضل........ بكثير....... وبالنسبه إلى البطارياتAA القابله للشحن..... يعتمد إذا كانت الكميره تشيل اربع 4 بطاريات فأعتقد ان ماعندك مشكله كبيره بالنسبه إلى الأستهلاك...........أما الكميره اللي تشيل بطاريتين 2 فأعتقد ان بيكون عندك مشكله والأستهلاك كثير.........
لكن إذا كانت الكميره اللي ناوي عليها تعتمد على البطاريات AA ودك فيها فأعتقد انك تاخذ بطاريات إضافيه وبكذا تكون حليت المشكله.........
لكن في كميرات تتعبك من كثر استهلاكه للبطاريات..........
الله يوفقك ويبارك فيك
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir