يالربع من عين لنا فزاع

[صاحب الذئب]

بسم الله الرحمن الرحيم
السلام عليكم ورحمة الله وبركاته

يالربع من عين لنا فزاع = يالربع من يطمنا على غالي
مضت ايام والقلب ملتاع = يالله ترد لنا فزاع شمالي
يالربع اللي يتواصل معه يطمنا عليه تكفون
والله من مده ماشفته ياعسى المانع خير ان شاءالله

[راع الحزم]

صح لسانك ياحبيب قلبي
بادرة طيبة منك
وفعلا فزاع مختفي من فترة
نسال الله ان يعود لنا سالما
ونتمنى من من يعرف عنه شي يبلغنا ويطمنا
اشكرك يالغالي

[أبو رافع الظاعن]

صح لسانك يا وفي ...

وتفقدك لإخوانك دليل طيب أخلاقك ...

وفزاع الشمال ممن افتقدناهم نسأل الله أن يكون بخير وسلامة ...

[صاحب الذئب]

تسلم ياراع الحزم ومافيك قصور ياالغالي
وتسلم ياابا رافع وعز الله انكم غالين غالين
------------------
يالربع اللي يعرف عن فزاع يخبرنا ويطمناااا

[torrjom]

مساك الله بالخير اخوي ابوفراس


وافي وهذا من طيبك

الله يطول عمرك

وانا مفتقده كثير

الله يرده سالم

كل الشكر

[صاحب الذئب]

الله يمسك بالخير والسرور ياخوي طرجم
والطيب منبعه امثالك لاهنت
والله يرده لنا يارب سالم معافا

[ساحووق]

هذا من طيب اصلك ياصاحب الذيب انك تنشد عن خويك ليا فقدته

ولايستغرب منك

لاهنت
والله يرده بالسلامه

[صاحب الذئب]

ياهلا وغلا والله ياراعي المصاغير
الله يحيي نباك ياالاصيل
الطيب منبعه شرواك ياالغالي

[ابو اسامه 2]

صح لسانك يا الذيب

وبيض الله وجهك على السوال

ان دل هذا على شي

فإنما يدل على اصلك الطيب

ومعدنك الثمين

والله يرجعه لنا في اقرب فرصه

سالم غانم

تحياتي وتقديري لشخصك الكريم

[صاحب الذئب]

ياهلا وغلا والله يابو اسامه
من عاشر القوم صار منهم والطيب مرواته انتم واللي بالخيمه ياعسى الخير فالكم
والله يرد لنا كل غايب يارب بالصحه والعافيه

[جرير]

يرجع بالسلامه
تسلم ويدوم الود

[بوابراهيم ع]

كفو يالذيب
وللرفع لعيون كل من يسأل عن فزاع الله يرده لهله سالم غانم

[فزاع الشمال]

وافي واصيل يا صاحب الذيب ولاهي غريبة على مثلك وشرواك وانت من عرفتك وانت راعي الاولة دوم تسال عن اخوياك وان دل على شي يدل على طيب معدنك اصيل ياالسنافي وعزيز وغالي ومكانك عالي
والعذر والسموحة لشخصك الكريم والى كل من سأل عني في هذة الخيمة الموقرة
من الاخوان الأعزاء

راع الحزم وابورافع وترجم وراع المصاغير وابواسامة وجرير وبوابراهيم

كلكم بيض الله وجيهكم وبارك الله فيكم دنيا واخرة
والعذر والسموحة والله لايحرمنا منكم ويشهد الله انكم اخوان عزيزين وغالين ولاهي غريبة عليكم فيكم الاصل والوفى يجري بدمكم
والشكر موصول لاخوي الاصيل الوافي صاحب الذيب الله يبارك فيك دنيا واخرة
ولكم كل الاحترام والتقدير
اخوكم
فزاع الشمال

[صاحب الذئب]

الف الف الحمدالله على السلامه
والحمدالله انك طيب يالطيب
والسنافي كلا يسال عليه اذا غاب وانت اخ غالي
واصلك الطيب ومعدنك الاصيل هو من جعل الكل يسال عنك
والف الحمدالله على السلامه
ولاتعود هاالغياب بدون ان تطرح لنا خبر
اخوك
ابو فراس

[فزاع الشمال]

مرحبا اخوي ابوفراس
ابشر بسعدك ماطلبت شي يا الوافي الاصيل
السنافي انت والله منبعة اللي تسأل عن اخوياك

مرحباً بالذيب شاعر ورماع

منزلك بالقلب ياالذيب عالي

من رافقك ياالذيب لاشك ماضاع

معدنك طيب من اول وتالي

طيبك الوافي بالمنتدى شاع

جعل السعد فالك على اللي وفى لي
والعذر والسموحة على هذة الابيات ولو اني ماني بشاعر ولكن هذة المحاولة لشخصك الكريم
وتقبل مني فائق الاحترام والتقدير
اخوك
فزاع