للي يصيدون من الفانتايم اوالواجهة بالدمام

[ملح]

سلام عليكم اخواني المكشاتيين
عندي سؤال للي يصيدون عند الفانتايم او الواجهة انا صدت قبل يومين سبيطية :good2: وقبلها صدت شعوم
من الفان تايم بس لاحظت ان طعم السمكةمو مثل الي تكون من الجعيمة او العجير فما ادري ايش رايكم هل انتوا تحسون مثل ما احس والا لا؟؟؟؟؟

[صياد متهور]

وعليكم السلام ورحمة الله
اكيد اخوي كل سمكة بيفرق طعمها على حسب مرعاهاا
اتمنى اكون افدتك تقبل مروري

[accentkool]

انا اوااااافقك الراي ومجرب
وجبتها على الجر العقير احسن مرعا
والذ طعما من البحر الى البطن

[ملح]

لالالا
قبل ثلاث وأربع سنوات كنت اصيد السبيطي من بحر الدمام كان طعمه ولا أحلى بس الحين لاحظت ان حتى لون الماء تغير صار بني من كثر ما تصب فيه بيبات المجاري:mad:

فهذا يمكن له دور كبير في تغير طعم الاسماك في المنطقة

[rayan015]

يالحبيب والله انا ما عندي خبره في الشرقيه ! بس في مجموعه حركات ممكن تسويها يعملوها الامريكان يمكن تنفعك
1- جيب سطل مويه من مكان نطيف وخلي السمكه تموت فيه طبعا الغرض انه ينظف بطن السمكه
2- اذبح السمكه وخلي الدم يخرج يجيك لحمها اصفا واقل زفر

[عادل بن جابر]

يالحبيب والله انا ما عندي خبره في الشرقيه ! بس في مجموعه حركات ممكن تسويها يعملوها الامريكان يمكن تنفعك
1- جيب سطل مويه من مكان نطيف وخلي السمكه تموت فيه طبعا الغرض انه ينظف بطن السمكه
2- اذبح السمكه وخلي الدم يخرج يجيك لحمها اصفا واقل زفر





أذجح السمكه ,,, يعني يحللها بالسكين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ناجل سمار]

وعليكم السلام حسب المرعي

[ملح]

مشكورين على الرد اخوي ريان والبقية

بس انا اقول للمناقشة العامة ان المجاري عملت عمايلها في بحر الدمام واسماكه

[معاند سيف]

المكان اللي تصيد فيه بحر مفتوح بعيد عن المجاري.لكن بعض السمك هناك فعلاً دهني زيادة والبعض الاخر طعمه ممتاز. :)


مشكورين على الرد اخوي ريان والبقية

بس انا اقول للمناقشة العامة ان المجاري عملت عمايلها في بحر الدمام واسماكه

[زاحف بحر]

انا من رايي على حسب المرعى ..

..

بالتوفيق للجميع

[حداق الخبر]

عليك بالعافيه يالغالي


عقب ساعه وانا متوجه الى هناك عند الفانتايم

وان شاء الله ربك يرزقنا بسبيطي

وش طعمك لاهنت ،،

[قبقب طفشان]

8

وانا بخاوي حداق الخبر
بس اهم شي أرجع بدري عشان مايفوتني العالمي ^_^

:)

[صياد متواضع]

هلا والله
انا راي من راي صياد متهوور
على حسب المرعى
واحيان تصيد سمكتين في نفس المنطقه وتلقا طعمهم يفرق
يمكن على حسب كل سمكه واللي متغديه عليه :> ....
<< وجهه نظر

[قبقب طفشان]

"

بصراحه اول مره اعرف هالمعلومه
إن السمكه يتغيّر طعمها من بحر لـ بحر آخر ..
: ))

[العودالازرق]

اكيد فيه فرق فالسمك القريب من شواطي المدن تلقى احيانا فيه طعم غريب

الذ سمك ذقته في جزيرة فرسان الله يعيدها ايام

[rayan015]

أذجح السمكه ,,, يعني يحللها بالسكين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


فعلا وجه على القبله واذبح ! شوفوا يا اخوان

http://www.youtube.com/watch?v=zX682QXKFl4

[قبقب طفشان]

ياسلام ياسلام
والله معلومه جديده ، ومفيده
يعطيك ألف عافيه أخوي ريان وماقصرت ..

: ))

[ملح]

ماقصرتوا اخوان مكشاتيين ونوتروا الصفحة والله لايحرمنا من معلوماتكم

اخوي حداق الخبر الله الله بالميد