من يفيدنا بجزيرة ابو علي ؟؟؟ اهل الخبرة بالمنطقة مانستغنا عنكم ؟؟؟؟

[عبادي الجبيل]

السلام عليكم ،،،،،


اعضاء مكشاتي ،،، احبابي


ناوي على طلعة لجزيرة ابو علي ،،،،، واللي عنده معلومات لا يبخل علينا فيها


اماكن الصيد (( تحديد اماكنها بالضبط ))

واحلى وقت صيد فيها ( في المد ، الجزر ، اول الشهر ، والا وسطه والا نهايته )

الطعوم اللي تضرب عليها في المنطقة


اتمنى ردودكم السريعة ،،،،،، اذا سمحتوا



سلامي لكم


عبادي الجبيل

[الهواء شرقي]

احسن طعم الخثاق

[accentkool]

ان شاء الله يفيدوك الخبرا بها امثال وايت شارك

[O M A A R]

وعليكم السسلآم ورحمة آلله وبركآته

في منطقه في أبوعلي رحت لهآ مرهـ وآحدهـ ومآكآن فيهآ صيد لآن الموووج مررآ تعبنآ

بسس أخوي رآح لنفس المنطقه قبلهآ بأسبوع وطلع سبيطيآت وشعوم يحبهآ قلبك

المكآن بعد نقطة تفتيش ابوعلي أمشي حوآلي 10 كيلو او حولهآ

لين تتعدى الشبوك المحميآت حقت الاسمآك تجيك على يسآرك

تعدى الشبوك بـ2 أو 3 بعدين أفرق يسسآر وتوصل المكآن

وبالنسبة للطعم عليك بالقبقب الصغير يضرب السبيطي وبالريوس بعد :D

وإن ششآء الله يفيدك الاخ وآيت ششآرك لآنه مسسوي مجزرهـ سبيطيآت هنآك :P

وآسسف عً الإطآلة وفآلك اللي يبرد قلبك

[اسماعيل كمال]

افادك بالموضوع اخوي عمر الله يعطيه العافيه وماقصر

[ناجل سمار]

وعليكم السلام اتمني لك التوفيق واتمني احد يفيدك

[SNIPER07]

هلا و غلا
لأهل السبيطي و الشعوم و القرقفان بمعنى السلفر فش
الطعم ربيان خثاق منجوس
الموقع اول ما تدخل الجزيره
امشي لين تجيك طعوس على اليمين و اليسار بعدها هدي السرعه
تلقى مكان مفتوح نهاية الطعوس ادخل يمين قبل لا يجيك البحر قبل الصندقه اللي على الخط
انزل جلد قبلها و روح لين نهاية البحر متجه إلى الشرق فيه راس هناك مثلث
لا زم الموتر دبل و خليك على اثار الشارع لين تصل إلى الراس
و احدق و ادعيلي ،،
تحياتي

[أبو ناصرالدين]

السلام عليكم
هل يحتاج تصريح؟

[حداق الخبر]

القباقب نوعين

فيه نوع حجري اللي يجي لونه اسود وحجمه صغير

والنوع الثاني الكبير اللي يجي بطنه ابيض
اي نوع يحبه السبيطي لاهنتو

؟