الى اصحاب الباترول

[سآري المفعول]

اولاً


السلام عليكم ..


انا عندي باترول موديل 93 ووديته للبريدي وفحصته وبعد ما فحصته طلعولي هاللسته من الاعطال:


1/ تصفيه ماكينه
2/ الراس ممسوح في وجهين <- طبعا ما ادري ايش هذي قالولي انها تسبب حراره لكن حراره السياره معاي تمام
3/ اصلاح ركبه امامي يسار
4/ وجه كرتير ماكينه كبير
5/ صوفه ماكينه خلفيه
6/ خرطوش تحت كوع <- علما ان فيه تهريب مويه من عند الماكينه من تحت مادري منها او من الطبه
7/ طبه مويه ماكينه
8/ كراسي قير
9/ كراسي ماكينه
10/ مقص خلفي فوق يسار
11/ ربله هلال كلتش
12/ صرفيه زيت ماكينه < طبعا ما حددو من ايش



للي عنده خلفيه عن اعطال الباترول ياليت يشرحلي الاعطال
او يقولي الشي المهم اللي ضروري اني اصلحه ويفيدني بقيمه القطع وشغل اليد اذا امكن
ووين افضل ورشه للاصلاح علما انني بالرياض


شاكر ومقدر ^_^

[صاحب الماركيز]

1/ تصفيه ماكينه
يا حبيبي انت بنفسك تقدر تصفي الماكينه ب15 ريال بس والورشه راح يطلبون منك 200 ريال
كل هرجتها بخاخ ب 15 ريال

[4*4]

تصفية مكينه-- بواجي واسلاك بواجي وصفاي بنزين وماالى ذلك
الراس ممسوح -- موتر له 17 سنه يكدح وش تتوقع ان مكينته ماتفك ؟؟ طبيعي يوضب او يمسح الراس خله على وضعه وفالك طيب
اصلاح ركبه -- صوفه داخليه دايم تنفقع وطبيعي جدا وتكلفتها مع القطع 200 ريال تقريبا للجهتين
وجه كارتير-- شف كان فيه تهريب في جوانب الكارتير ساعتها تغيره
صوفة مكينه خلفيه -- بين القير والمكينه تجي وعشان تغير لازم تفك القير او المكينه وفك المكينه اسهل للورش الي ماعندها رافعه وقمة الشغل 250 ريال في هالحدود بس يفضون الفريون ساعتها
خرطوش --- قيمته 40 ريال حق الماء الي رايح للمكينه
طبه -- مع فك المكينه تغير قيمتها رخيصه
كراسي قير --اصلي واحد ب 120 ريال وتقدر تركبها انت شغلتها بسيطه
كراسي مكينه -- حول قيمة كراسي القير وتركيبها اصعب من حق القير
مقص خلفي --- مايحتاج تغير المقص كامل فقط تفك المقص ويطلعون جلبته ويغيرونها وتكبس في المخرطه
ربلة هلال كلتش-- مادري وشي
صرفية زيت مكينه -- احتمال جلد بلوف او شنبر مكينه او وجه الكارتير
للمعلمه البريدي لاجا يفحص يقول غير هذا وغير هذا وغير هذا مع العلم ان فيه نص عمر بس يقول هالكلام عشان مايخرب هالشي بعد فتره وترجع له تقول ليش ماعلمتني ان هالشي خربان << حط هالشي في بالك
انا فحصت عنده موتري قبل سنه وزود وقال كراسي مكينه وزيت قير ومادري وشو يوم رحت للورشه وشيكت عليها قالو سليمه وفيها اكثر من نص عمر وزيت القير توه مغير ,, يعني زود حرص بس
كانك من سكان الرياض رح ورشة الفالح غرب اسواق المجد على شارع الامير متعب وان شاء الله يزين امرك

[سآري المفعول]

يعطيك العافيه اخوي صاحب الماركيز

[سآري المفعول]

اخوي 4*4 (http://www.mekshat.com/vb/member.php?u=5261) أسعدني وجودك وتوفير وقت من وقتك للأجابه على اسالتي وما قصرت وجعلك انت ووالدينك بالجنه

ومن كان يقدر يفيدني اكثر بالاسعار او شغل اليد ما نمانع ولو ان كلام اخوي 4*4 (http://www.mekshat.com/vb/member.php?u=5261) على متمه انشاء الله

لكن انا ناوي اروح لصناعيه القديمه بالرياض كلن ينصح فيها وبأن اسعارهم معقوله وتتوفر القطع اللازمه بس ما ادري اي ورشه اروح بالضبط والله اعلم

وشاكر لكمم

[الثويرات]

ماخبرنا بالباترول مقص .
الباترول دفرنس امامي وخلفي ومن وين جاب المقص

[العابر2222]

أخوي البريدي ما عندهم سالفه

رح لكارتك او اي مركز فحص ثاني