في النفود عزم الموتر يبرد <<< ضروري الدخول [الأرشيف]

ذيب السواري

24/10/2010, 03:21 AM

السلام عليكم ورحمة الله وبركاته

اخواني انا عندي مشكله وابي حلها بأسرع وقت
اللي هي لما اكون بالبر والأرض نفود , عزم الموتريبرد بدبل الخفيف او بدون دبل لين تطفى السياره او ادوس عالكلتش
المفروض ان الموتر لا غرز تقعد تدور كفراته بس موتري لا يبرد عزمه لييين يطفى

السياره لاند كروزر جي اكس ار موديل 2000
مع العلم انه في المدينه اذا دعست للأخير يكتم شوي بعدين ينطلق وانا مسوي تصفية المكينه من تغيير بواجي واسلاك ومصفي بنزين وكل شي
هل هي من البخاخات ؟
او من القير ؟

أو وش المشكله بالضبط لأني مابي اروح لهالأجانب ويوجعون راسي
ياليت تساعدوني

ديبو

24/10/2010, 09:11 AM

من اسباب ضعف العزم كذا
الكلتش
او
طرمبة البنزين ( وهي الأقرب)

جحده

24/10/2010, 12:30 PM

اوزن الديلكو وانا اخوك

نآصر

24/10/2010, 12:42 PM

^^^

مثل ماقال أخونا أحيانآ الكلتش هو أللي يضيع عزمـ الموتر ...

ولكن مدامـ إنكـ تقول إن الموتر فـ الإسفلت (تكرمون) يكتمـ وبعدين ينطلق أكيد فيه مشكلة ...

شيكـ عـ حساس الهواء ومنضمـ الهواء ...

وإذا تبي الموتر مايبرد عزمه فـ النفود ركب:

هدرز مع كت باكـ << تحصله عند قايد فـ الصناعية القديمة بـ 1500 ريال جديد ...

وفلتر مع الإنتيكـ والعازل << تحصله عند محل 4500 فـ الربوهـ بـ 1300 ريال ...

الهوائيات هذي إذا ركبتها عـ السيارهـ أقل شي تعطيكـ 30 حصان ولا فيها ضرر عـ المكينة ...

ذيب السواري

25/10/2010, 02:47 AM

مشكورين عالرد اخواني

بشيك عالديلكو واشوف وش يطلع معي

بالنسبه للكلتش اذا انت تقصد صحن الكلتش فهو جديد
بشوف منظم الهواء
اخوي ناصر انا ابي الموتر يرجع للطبيعي يعني مابي الموتر يطفى ولا ابي اركب عليه اشياء زايده بس ماقصرت وهالمعلومات استفيد منها بعدين لاطاح اللي براسي

ننتظر باقي الأعضاء لعلهم يفيدوني

ابو عبود565

25/10/2010, 03:23 AM

سلام عليكم
اخووي غير كلتش بس ياليت تاخذ رقم الكلتش وتروح للبازعي الي بخريص لانه القطع الي عنده هي الاصليه
اما ابو جميل القطع اماراتيه
الكلام مردود من اهل التويوتا الي جربو

ذيب السواري

25/10/2010, 03:45 AM

اخاف اغير الكلتش ويطلع موب منه

كم سعره الكلتش اذا كانك تعرف

ابو البر

25/10/2010, 04:21 AM

في ذا الزمن
ابعد عن ابو يمن
ورح للمراكز الكبيره اللي لها امكانيات الكترونيه

لاتاخذ سياره حديثه وتروح تدور لميكانيكيين المحطات .

كلامي هاذا من تجربه .

ذيب السواري

25/10/2010, 04:41 AM

مرحبا اخوي

من ناحيتي ماأروح الا لما اكون عارف المشكله وش هي منه
وكلامك عز الله انه صحيح

sbider2002

25/10/2010, 04:48 AM

غير كلتش الموتر 100% انه هو المسببب لمشكلة موترك وياريت بعد ماتصلح السيارة تفيدنا عن العلاج وان شاء الله ماتشوف شر ولا جميع اخواني في مكشات

كاشت8080

25/10/2010, 05:01 AM

أخوي إن كان تبي النصيحه بع الموتر ورتاح أنا نفسك بظبط وحاولت بكل شي وومانفع غيرت كلتش وتصفية مكينه وتصفية بخاخات وركبت هدرز وماشفت فايدة لاكن موتري باترول ماأدري عن التويوتا

ذيب السواري

25/10/2010, 05:12 AM

sbider2002 (http://www.mekshat.com/vb/member.php?u=20067)

مرحبا أخوي
بشوف وش انا عليه وان شاء الله اعطيكم خبر باللي صار معي

اخوي كاشت الحمد لله موتري مايستدعي لبيعه ويعز علي والله عالعموم ماقصرت لحظورك

ذيب السواري

25/10/2010, 04:34 PM

للرفــــــــــــــــــــــــــــــــــــــــــع

محمد 1429

25/10/2010, 04:42 PM

ما عندي خلفية بس اتمنا تحصل السبب بدون ادنى خساره

ابو عبود565

25/10/2010, 04:55 PM

اخوي ذيب السواري والله مدري عن سعر الكلتش

بس على ماقال لك وللزمن غيره وتوكل على الله

وإذا ماظبط معك
غير فلاتر القير مع الزيت وزيت الطنجره
وترى فيه حساسات بالقير الاتوماتيك لاكن ماعندي اي خلفيه عنها

ولكم احلا تحيه
وانتبهو من ساهر

فتى الاثله

25/10/2010, 06:30 PM

<< دعوه للنقاش

على اي اساس الشباب متأكدين انه من الكلتش ؟؟

انت تقول انه يكتم بالعزاز << من وجهة نظري ان الكلتش ما يأدي الى كتمان السياره.
الا بالعكس تحس السياره تحن اكثر من اللازم من دون عزم

هذ والله اعلم

الريصي

25/10/2010, 10:30 PM

هلا بالذيب ان شاء الله تحصل السبب ولكن ودي انك تشيك على فلتر الهوى لايكون خربان ومسكر من الغبار

وكذالك أسلاك البواجي اذا كان فيه واحد خربان او يهرب كهرباء يضعف عزم السياره مع تمنياتي لك بتوفيق

ذيب السواري

27/10/2010, 01:19 AM

مشكورين عالمرور يالربع
صحيح انا مااتوقع من الكلتش مثل ماقال اخوي فتى الأثله
وبيض الله وجيهكم

عالي الكيف

27/10/2010, 01:31 AM

ياذيب شيك على فلتر الهواء والحساس حقه

واذا مهوب منه احتمال كبير الديلكو وزن اوتغيير

فتى الاثله

27/10/2010, 05:14 AM

ذيب السواري

27/10/2010, 06:23 AM

ياذيب شيك على فلتر الهواء والحساس حقه

واذا مهوب منه احتمال كبير الديلكو وزن اوتغيير

الديلكو يفقد السياره عزمها ؟

مشكور اخوي وماقصرت

ذيب السواري

27/10/2010, 06:24 AM

طيب اخوي انت مغير فلتر الهواء

افتح القربه وتأكد ترى صارت لواحد من الشباب يوم فتح قربة الهواء لقى فيها فوطة البنشري ناسيها
وداخله في الخرطوش ولا هي واضحه

بعض الاحيان مشاكل صغيره تدوش الراس

الله يدلك على المشكله ويحلها ولا يكلف عليك

لا مافيها شي بعدين فلتر الهواء ماظني أنه يأثر لها الدرجه لأن الموتر يطفى مره وحده

ماقصرت يافتى الأثله وعز الله انك وافي ولا يهونون الباقين

راعي الهدد 7

29/10/2010, 02:26 PM

مااظن انه الكلتش والله اعلم
وبالنسبه للكتمه هي قوويه او بسيطه ؟؟ واذا دعست للبنص لاخر شي كانه مايقبل واذا رفعت رجلك شوي قبل معك ؟؟او انه تحس ان عزمه يفتح معك اذا وصل ضغط المكينه 3 ؟؟

ذيب البطين

29/10/2010, 02:32 PM

السلام عليكم ورحمه الله وبركاته
اخوي انا اتوقع تشوف فلاتر الهواء وشف هل متسكر مره او لا !!
ووده لمركز العضيب هو تخصص جيوب تايوتا اكيد قد مرت عليهم المشكله

ذيب السواري

01/11/2010, 01:55 AM

مااظن انه الكلتش والله اعلم
وبالنسبه للكتمه هي قوويه او بسيطه ؟؟ واذا دعست للبنص لاخر شي كانه مايقبل واذا رفعت رجلك شوي قبل معك ؟؟او انه تحس ان عزمه يفتح معك اذا وصل ضغط المكينه 3 ؟؟
ياسلام عليك عز الله انك جبتها

يفتح اذا وصل ضغط المكينه لثلاثه

ياليت تشوف لي هالمشكله

مرحبا اخوي ذيب البطين

أنت سهلي ؟
ونعم فيك وفي كل القبايل

YUKON_GMC

01/11/2010, 02:50 AM

ماقريت كل الردود لكن مع احترامي للي قالو لك كلتش ماعندهم سالفه ...!!! لأن الكلتش حتى لو حرقان المكينه ماتطفي بالعكس يطلع صوت المكينه والموتر مايتحرك ...

مشكلتك متعلقه بالحساسات اللي فوق البخاخ او اللي فوق فلتر الهواء لكن اللي يدلك عليها 100% لو لقيت فني بطران هو فحص الكمبيوتر على المكينه

ولاتتعرض القير والكلتش خذ نصيحتي

راعي الهدد 7

01/11/2010, 05:33 PM

اخوي عندك حساس الله والعالم مفصول الفيش حقه او فيوز محترق الحساس اسمه حساس المطرقه مكانه
تقريبا عند السلف اذا مو مفصول الفيش تحصل الحساس عند التشاليح يمكن بـ100 ريال ركبه وانتهت المشكله

والافضل انك تفحص كمبيوتر لانه يطلعها ؟؟

ارجو اني افدتك

راعي الهدد 7

01/11/2010, 05:35 PM

عفوا يالغالي بس ردك بعد ماراجعته طرى ببالي ماقلت لي هل يكتم معك الموتر اذا دست للدعسة لاخر شي ؟؟ واذا رفعت رجلك قبل معك ؟؟؟؟؟ ضرووورري

قناص*07

01/11/2010, 07:39 PM

اخاف اغير الكلتش ويطلع موب منه

كم سعره الكلتش اذا كانك تعرف

الصح ودسزك وفحمه بـ 650 قبل 3 اشهر

هههه لان ابو جمييييييل رفع اسعاره في الفتره الاخيره

قناص*07

01/11/2010, 07:45 PM

عندي نفس السياره ونفس المشكله
تفتح ويزيد العزم بعد ما يرتفع الضغط عن 2.5
غيرت صحن ودزق ولا نفع ولاكن ان شاء الله بلقى فرصه و انظف الثروتل واشيك على حساس المطرقه وتنظيف مجاري الهواء اللي رايحه للبخاخ

هدد7

01/11/2010, 10:43 PM

فلتر الهواء هل سبق وغيرته ولا لا
وتأكد من فيش الحساس اللي عند قربة الفلتر لا يكون مرتخي

عبدالله حماد

01/11/2010, 11:41 PM

تأكد من فلتر الهوا وأهم شي يكون أأأأأأأأأأصلي
وتأكد من الكنداسة يمكن مسدودة .

ذيب السواري

02/11/2010, 12:09 AM

عفوا يالغالي بس ردك بعد ماراجعته طرى ببالي ماقلت لي هل يكتم معك الموتر اذا دست للدعسة لاخر شي ؟؟ واذا رفعت رجلك قبل معك ؟؟؟؟؟ ضرووورري

الكتمه قويه بس اذا رفعت رجلي يفتح معي

ذيب السواري

02/11/2010, 12:17 AM

الشكر كل الشكر للي مر

والظاهر اخوي راعي الهدد هو الأقرب

بيض الله وجيهكم جميعا وجعلها في موازين حسناتكم

ننتظر أخوي راعي الهدد

راعي الهدد 7

02/11/2010, 01:37 PM

اجل حساس اسمه حساس المطرقه الظاهر والله العالم انه مفصول او انه خربان شيك علية وباذن الله تروح المشكله ولاتنسى تشيك الفيوز لانه مرره وانا بالبر شغلت كشاف اللي يركب بمحل الولاعه وفجأه طفى الكشاف , هو طفى من هنا والسياره دخلها جن من هنا ماادري وش فييها العززم رايح فيها ويالله تمشي واخر شي طلع فيوز محترق وخبص السياره علي
وباذن الله مشكلتك سهله
الافضل اخوي عشان تتاكد تسوي فحص كمبيوتر بـ70 ريال او 100 ويطلع لك اذا هو حساس المطرقه اللي قريب من السلف ؟

وموفق باذن الله

ذيب السواري

02/11/2010, 04:25 PM

بيض الله وجهك وكثر الله من أمثالك

انا سويت فحص كمبيوتر قبل فتره طلع لي حساس اسمه نك سبنسر أو شي من هذا القبيل

ماأدري اذا هذا هو اللي تقصده
ووين مكانه هالحساس يالضبط
ومعليش انا طولت عليك وأبلشتك والعذر والسموحه منك

راعي الهدد 7

03/11/2010, 07:40 PM

ووجهك ابيض بالغالي
وبالعكس والله ماازعجتن ولاشي بالعكس والله افرح بمساعدتك يابعد حيي
والحساس ٩٠٪ هو اللي اقصده يجي من جهة السلف بس بالضبط وين والله مادري بس أنا اذكر انه الفيش حقه كان مفصول معاي وركبته ورجعت السياره طبيعيه بس اذكر قلت لواحد عن القطعه هذي قال خربت معاه وأخذها من التشليح بـ ١٥٠ على ماأظن بس شف لك واحد يعرفها لايتعلم علي سيارتك

انشالله أكون نفعتك ولو بشي بسيط وانشالله يعطيك خيره ويكفيك شره

الرويضة اون لاين

04/11/2010, 05:54 AM

السلام عليكم...

والله ياخوي معي جمس 93 دفرنسين وحصلت له نفس مشكلتك تقريبا , اول شي يكتم بعدين اذا وقفت او هديت طفا الا اذا فضيت القير , ورحت لميكانيكي له 40 سنة في ديرتنا ويعرف كل شي , قال الصفاية مجيمة وغيرها وطلع الموتر عزم وكوويس , وغير الديلكو ولاعاد طفا الموتر وصار ياسلام...

ان شاء الله اني افتك

ذيب السواري

04/11/2010, 09:29 AM

بيض الله وجهك ياراعي الهدد وكثر الله من أمثالك

أخوي الرويضه مشكور وماقصرت وكل من دخل موضوعي له الشكر والتقدير كأقل تقدير أنه حاول أن يساعد بكل مايستطيع فعله