مال الغشيم من الولع غير تدمير=دايم عماره صايراً في دماره

[قنيص غبر]

السلام عليكم ..

صبحكم الله بالخير جميعا ..

في موضوع في بالي وحبيت اشاركم فيه وان شاءالله انكم تتفاعلون معاه المؤيد والمعارض ( معارض في الموضوع اللي كاتبه مانبا مشاكل :D )

يا اخوان الله يرضى عليكم .. مواضيع الطواريح ماكنها زادة شوي . ماتشوفون ان الناس اللي الها باع او مايعرف وين الله جايبه شال شبكته ويناطر يدور شي يشبكه .. حتى تعرفون ان في ناس فاضية جدا يجيك ويسال . كيف اشبك طير وين مكانه وين هجرته وفي الاخير يجيك طلق ابشر بالنادر ويطلع شبوط ولا عقاب او مساح الريضان ..

خذو حذركم .. خذو عبرة من البلدان اللي جنبكم . سوريا مثلا . الطيور كانو يجيبونها من سوريا بالوان واشكال . الحين وين الطير الشامي ! اجزم انه الحين 90% من الطيور اللي يقولون انها شاميه مهربه من مكان ثاني ..

وين الطيور السنجاريه . اختفت . السنجاريه اللي تجيك من جبل سنجار فقط .

وبدانا انشوف الطيور الفارسيه تتناقص شي فشي . وابشركم فيه غش كثير يقولك هذا طير فارسي وجايبينه من تركمانستان او غيرها ..

سؤال للصقاره .. اذا انت راعي طيور وصيد ولك في هالهوايه باع كبير .. ونويت تشتري طير . تفضل تشتري طير من طاروح معروف وثقة .. او تاخذلك من اي واحد في الشارع لو كان عنده طير مزيون !

يا جماعة خلنا نكون صريحين .. الصقارة ماهي هواية مثل هواية كورة القدم ولا كرة طائرة جيبلك كم واحد من الشارع ويالله اكبس وشووووت وتصير حريف .

الصقارة هواية النوعية وليس الكمية .


لو طالبنا بان يكون الطاروح مرخص معتمد ولا يمارس الهواية اللا شخص له خبرة ومعروف ..

البلا يا جماعة يجيك غشيم مايعرف يشبك او شو يسوي ويمر فوقه طير اشقر وافي ينزل على شبكتة ويجيك الغشيم ويصيدة ويقص شي من صوايده ولا كواشحه . ويكسر كم ريشه ويمكن يكسرله منسره . مب حرام !

ماعرف شو اقوول بس الله لا يحرمنا من الطيور والمقناص .. والعليميه والغشاما الله ان شاءالله يسكنهم في المولات يجلسون في الكوفي ولا يجلسون عالنت احسن

وفي الاخير اهديكم للعبره

ياطير ماحدك نصيبك على خير=وراك مسجوناً بوسط الغمااره
حسبي على اللي عزّرو فيك تعزير=تكفخ ويصلاك الحديد بحراره
في موترن مال الولع فيه تأثير=تكسي اجارن مايعرف الا اجاره
حشّرة وحوش البر حتى العصافير=من يوم دوّر من وراها تجاره
مال الغشيم من الولع غير تدمير=دايم عماره صايراً في دماره
ياناقلين الطير من غير تبصير=حصيلكم منه التعب والخساره
اوفوا حقوق الطير ولا اترك الطير=لا تظلمونه ياجداد الصقاره
خلوه لمحمد عشير المناعير=اللي اليا شاله يعرف اعتباره
مقدم هواة الصيد من توه صغير=من خلقته يعطي عليه البشاره
يعطيه حقه في ليال المخاظير=اليا بكر الوسمي ولجلج خضاره
قدام يظهر في نباته نواوير=ينصاه لو انه بعيداً مزاره
مايمنعه دونه ردي الاشاوير=في نجد ولا نازحات(ن) دياره
الطير يبغي له عنايه وتدبير=رجل(ن) يعرف اهانته من وقاره
هذاك ابوتركي زبون المخاسير=سمح الحجاج اللي يذري جداره
يفزع لمحتاج ويكرم مسايير=وغيثاً على من يستجير بجواره
من جاه يشكي من الوقت تقصير=مظهود ولا مستجيراً اجاره
ويطرب لنقل مصخر الخرب تصخير=واطلاقة المسباق شفه وكاره
وينومسه فعل الفروخ المغاتير=ومن كل قرناساً تخيّر خياره
هذا يخل الريش مثل المعاصير=وهذا يشوقه لاحجل في طياره
كم ماقع(ن) قفر(ن) جهمله بتبكير=واثعى بصيده حين يشرق نهاره
وان جا الضحى الضاحي وجت حومة الطير=حوّل بروض(ن) في مفيضه قراره
وصكوا عليه اهل الوجيه المسافير=والقهوجي قدامهم شب ناره
واستانسوا في جو مافيه تكدير=ودارت سوالفهم عناد وعياره
واخذوا لهم مقدار ساعات لاغير= لين الهوا يسكن ويركد غباره
ثم روحوا بين الصلاتين وعصير=الشيخ فك سبوق طيره واداره
مستبشراً بالخير والصيد ماذير=والطير صقاره يحب اختباره
واشرف عل جواً خضاره دواوير=فيه الخزامى والنفل والشقاره
واخذ عن اللي عادته تلة السير=ما يلتفت راعيه يسبر شناره
غلاص طلعاً له على الصدق تبرير=ياخذ على الجو البعيد انحداره
حول على جولن تقافى مدابير=زرق النحور اللي عليها الدواره
الطايره يرسل عليها مشاهير=مثل الجهاز اللي بتوجيه اداره
والدارجه يرسل عليها جزازير=كل افدعاً مع قو ظربه شطاره
يفرا نحرها فرية الدلو في البير=تلقى الفؤاد مظهره من ستاره
في وقتها ينسى وداد الغنادير=وينسى جميع معاملات الوزاره
هذي حقوق الطير ياظالم الطير=ماهو ب حقه سجنته في الغماره

[@قرناص@]

وعليكم السلام ورحمة الله وبركااااته ,,

كلامك في محله ياقنيص والله يبارك فيك ,,,,,,

صح لسآنك على هالابياات

[الصارم1]

كلامك صحيح س ما تقدر تحكم الناس لا تقنص لا تطرح

[مكرم الضيف]

بيض الله وجهك عز الله موضوعك مهم واذا اصبح الحال على ماهو عليه غير تندثر هذه الهوايه الاصيلة ارث الاباء والاجداد.ونلقى البوم مبرقع على وكر.(هذي حقوق الطير ياظالم الطير=ماهو ب حقه سجنته في الغماره)

[صاحب نوماس]

كلامك صحيح ياخوي

والله لايهينك على هالابيات وصح لسان شاعرها

[شرهاب ليبيا]

السلام عليكم ..

ماعرف شو اقوول بس الله لا يحرمنا من الطيور والمقناص .. والعليميه والغشاما الله ان شاءالله يسكنهم في المولات يجلسون في الكوفي ولا يجلسون عالنت احسن



الله يسكنهم في بيوت الله و تلاوة كتابه و تدارس شرعه
و الغشيم له الحق أن يتعلم, و الواجب على أهل الخبرة تعليمه مادام أحب هذه الهواية, و كل متعلم خبير اليوم هو غشيم الأمس بلا شك.
أرجوا أن تتقبل رأيي.
دمت كما يحب الله لك

[ابوسعد 3]

يعطيك العافيه ,,

[wwmfs]

يعطيك العافيه

[الحر الضايع]

صح لسانك والله يقويك

[وكري2007]

كلام سليم بس هذي بس من ناحية انووه ماتبيهم يطرحووون بالعكس اليوم يطرح شبوط

وبكره يطرح طير ماحد انولد وطلع على وجه الارض عااالم

[قرناس شماالي]

كلامك صحيح ياقنيص غبره
وناس تبي هوايه تتعلم وبعدين
تطلع تدور والله صار معي موقف مائنساه نهائي
انا نقلت شبوط والحقه ابيه يحوم
الى الي جايك هلورع معه سياره هيلوكس
وشوف غبرت سيارته قلت هاذا يطرد بطير
وقمت ادربل الى اخينا بالله مطلع سلاح ويرمي على باشق
والله حرام والى مته هلغيره وتخلف؟؟
والى يبي الهوايه مايدور طيور مالها دخل بهوايته
بس يكسب الذنب والله خباال
زي الي دعس الطير خاف انه يهج هاذا وش نقوله
نقول انه ماهو انسان طبيعي
والجهل بناس ويشوف واحد معه طير
يطلعون ويدورون الي يعجبهم صادوه
والله بلحماد 5حقبيات ميتات بسبت دخ
ومشكور اخوي قنيص غبر وطولنا بلكلام
وتقبل تحياتي \ قرناس شماالي

[مكشات الحفر]

كلامك عين العقل .
بس وين اللي يسمع هالكلام .
تقبل مررروري يالغالي...

[AL-NAWRAS]

:s يعطيك العافيه :s
كلاااااااااااام سليم ونص مو سليم



انا معارض


صح انها هوايه صعبه بس يخوي لو لا ابائنا واجدادنا وتعليمنا ع حبه حبه ما كنتو صرتو انتو صقاره>>>>>>>>>>>>>>>>>>>>>>>>>>>>>> والعذر

وانا ع نفسي شفت صقور وجاني هديه شبوط وفتخر بس فيه واحد راد علي في موضوعي يقول الرجال ينتقدوني ع كذا ما راح اتعلم واللي يقول من شبك الشبوط ناقص ههه مشكوك في قدراته اخ الصقار
انا اعتقد ان اللي يبي سوي نفسه صقار ما يزعل من ولا يحبط من اقل منه


فيه نقطه انت ذكرتها عن احتكار

مقتبس مقتبس لو طالبنا بان يكون الطاروح مرخص معتمد ولا يمارس الهواية اللا شخص له خبرة ومعروف .. مقتبس مقتبس

خخخخخ صح يكون مرخص بس ما يمارس الا لاشخاص لهم خبره محتكره الشغله لا ما ينفع



وتحياتي لكم اخواني والاخص كاتب الموضوع بس ممنوع الاحتكار والشبك نتعلم من اساتذتنا كيف نشبك ولا ما كان حد شبك حمييج ولا شرياص هع


دمتم سالمين اخوكم الصغير
al-nawras

[راعي طلاع]

اخوي انا معارض لك فلا انا ولا انت مع احترامي لك ولا اكبر صقاقير الجزيره

ولدو من بطون امهاتهم صقاقير فهو شي نكتسبه يوم بعد يوم واما من ناحية

ان ماحد يشبك الا برخصه فهذي انا اعارضك فيها لانها ارزاق وانا اخوك مقسمه

رب العباد لا انا ولا انت نقدر نحكمها وكم من راعي خبره في شبك الطيور لم يوفقه

الله بطير وكم من شخص تو مبتدي رزقه الله وطرح باع وفك الله ضيقته انا ودي

انك تطرقت للموضوع اللي انعاني منه الان وهو جديد الصقاره وهو مبتدئ ولكن

الى جيته الا وهو تحس انه افهم منك ويبعلمك و يبي ينتقدك وعالم الصقاره يمين وهو

يسار ياليت هذولا ما نقولهم طسو في اي مكان اصرف ولكن نقولهم تريثو واعرفو وامشو

مع الافهم منكم بهذه الهوايه واخذو الخبره منهم والصبر ومن ثم تفلسفو لكي تكونو

على درايه ولكن التفلسف فالامور السطحيه واذا دخلنا الى الجوهر ضاعت الطاسه وقام يقلب راسه.......

[دمخ 8]

حتى الشبوط انقرض مغيرالي يتصنوعاون الصقاره

هــــدد وريال؟ ما لقو شي

حشّرة وحوش البر حتى العصافير****من يوم دوّر من وراها تجاره
مال الغشيم من الولع غير تدمير****دايم عماره صايراً في دماره
ياناقلين الطير من غير تبصير****حصيلكم منه التعب والخساره
اوفوا حقوق الطير ولا اترك الطير****لا تظلمونه ياجداد الصقاره

[بن معيش]

قنيص غبر

موضوع طيب للمناقشة وجاء فى وقتة لذلك أدعوك إنت وجميع الأعضاء لمشاهدة قناة الصحراء هذا المساء 17/11/1431هـ الساعة الـ 9:20 دقيقة بتوقيت السعودية ومشاهدة برنامج :

(طرح الصقور بالساحل الغربى ...بين الهواية والربح المادى ) ....

هذا وتقبل تحيـــــاتى ،،،،،

[alabidi]

صح لسانك اخوي

[ولد الخويطر]

اخوي انا معارض لك فلا انا ولا انت مع احترامي لك ولا اكبر صقاقير الجزيره

ولدو من بطون امهاتهم صقاقير فهو شي نكتسبه يوم بعد يوم واما من ناحية

ان ماحد يشبك الا برخصه فهذي انا اعارضك فيها لانها ارزاق وانا اخوك مقسمه

رب العباد لا انا ولا انت نقدر نحكمها وكم من راعي خبره في شبك الطيور لم يوفقه

الله بطير وكم من شخص تو مبتدي رزقه الله وطرح باع وفك الله ضيقته انا ودي

انك تطرقت للموضوع اللي انعاني منه الان وهو جديد الصقاره وهو مبتدئ ولكن

الى جيته الا وهو تحس انه افهم منك ويبعلمك و يبي ينتقدك وعالم الصقاره يمين وهو

يسار ياليت هذولا ما نقولهم طسو في اي مكان اصرف ولكن نقولهم تريثو واعرفو وامشو

مع الافهم منكم بهذه الهوايه واخذو الخبره منهم والصبر ومن ثم تفلسفو لكي تكونو

على درايه ولكن التفلسف فالامور السطحيه واذا دخلنا الى الجوهر ضاعت الطاسه وقام يقلب راسه.......

:good::good::good::good::good::good::good::good::g ood:

[قنااااص]

يعطيك العافيه

وصح لسانك

[falcon 1]

السلام عليكم ورحمة الله وبركاته
اول شي صح لسانك ..وانا اشهد انه كلامك صحيح !

[المغتر الهداد]

لسلام عليكم للعلم ياصاحب الموضوع الشامي ماهو معناة انه الطير جاي من الشام وهذا الي يعتقده معضم الصقاقير الجدد لكن الشامي هو الي دقه مثل دق الشامه او به دقه مثل دق شامه وتيجي ثلاث دقات بالضهر اقل او اكثر بس ماهي واجد وعاموديته ممسوحه على جنب اما الطير الي تقصده فهو الطير الرحيباوي وهو انقطع من الثمانينيات ولك جزيل الشكر

[راعي دهام]

.



الله يمسيك / يصبحك بالخير يا قنيص غبر ..


اولاً ، اختلاف الراي لا يفسد للود قضيه ..

ثانياً ، انا اعارض رايك طال عمرك بالنسبه للطواريح الجدد

بالعكس ودنا الشباب انهم يكونون صقارين و طواريح ويتعلمون على الصبر والجلاده

والطرشات البعيده والصلاة بوقتها وأهمها صلاة الفجر جماعه مع اخوياه هل الطيور

اخير و احسن من التجمع بالمولات او على شي يغضب الله ..

فيه ناس احوالهم الماديه ضعيفه و يكون حلمه بطرح طير ينفعه وينفع من وراه من بيعته

عسى الله يوفقهم ويرزقهم ..


ومثل ما قالوا مااحد طلع من بطن امه عالم ..



شكراً لك وتقبل تحيتي وتقديري ..



.

[محتسب لخالقه]

الله يرزق شبابنا الرزق الحلال
ويولعهم بالطير
ويهديهم ويبعدهم عن المولات والمقاهي

[قنيص غبر]

السلام عليكم .. جميعا والسموحة على التاخير لنشغالي خارج المنتدى ...

بيض الله وجيهكم كلكم .. بالاخص اللي انتقد . وهذا حال المناقشات فيها اخذ وعطى وان شاءالله انا كلنا صائبين ..

احب انوه على كلامي ان ماذكر مب شرط يطبق بالحرف بان هذي هواية هي حكر على الصقاقير بس .. فيه ناس ماتعرف في الصقور لكن شغفها و ولعها ياهلها بان تنقل الطير وتخاوي الرجاجيل واتعرف وتزيد في المعرفة يكون صقار احسن عني بعد . والله يا جماعه ان اعرف رجال مثلكم وشرواكم ما يعرف في الطير شي ولا في القنص . بس كان يشوفنا ويسمع فينا انسير مقناص ودعو . وصار يخاوينا ونعلمه . اليوم هو صاحب افضل صقور في الامارات ويقنص مقانيص بعيده كل سنة ..

انا قصدت من كلامي يا جماعة الخير بان الصقارة رياضه تحتاج امور كثيرة منها الصبر والجلد والطيبة واحترام الاخرين والركادة و سعة البال والخاطر .

ياخي الصقر طائر فيه روح . والله عز وجل نهانا عن تعذيب الروح . عجوز دخلت النار بسس قطة ! فما بالك بشخص عنده صقر او شبوط او اي جارح . ماسكة يعور فيه لا يطعمه ولا يداري عليه . ان مرض ماعرف شو فيه . وان جاع ما اطعمه . والامر من هذا يا اخوان ان بعض الاشخاص اخذ هذي الهواية زيادة . ترك بيته ومجلسه . وان شفت مظهره الخارجي او سيارته يرثى لها كل هذا بسبب ان ينال فخر صيد حبارى او شي ثاني .

فلما قلت الصقار يجب انها اتكون محدوده مش معناته اتكون لي يا قنيص غبر ولذريتي او حق اسم عائلة معينة . هي حق اي شخص بس اتكون له مؤهلات ,. ويمكن هالشخص يضيف للصقاره اكثر من غيره .

والسموحه

[محمد الفهيد]

الله يسكنهم في بيوت الله و تلاوة كتابه و تدارس شرعه
و الغشيم له الحق أن يتعلم, و الواجب على أهل الخبرة تعليمه مادام أحب هذه الهواية, و كل متعلم خبير اليوم هو غشيم الأمس بلا شك.
أرجوا أن تتقبل رأيي.
دمت كما يحب الله لك


اتفق مع اخوي شرهاب ليبيا
والخبير كان عليمي سابق
بس نوصيهم بعدم الاسراف لأن كثير طيور تموت بالشبكه اذا طارت بها
والله يسكنهم في بيوت الله

[قانوص]

صح الله لسان الشاعر الكبير عبدالله بن نايف بن عون وهو قايل القصيدة لما كان رايح عنده شغل في احدى الدواير الحكوميه ولما نزل من سيارته وهو يمشي شاف له سياره فيها طير يكفخ ويفح وراعيه نازل ماهو بعنده فهاضت قريحت الشاعر بن عون وكتب هالقصيدة ......

[شرهاب ليبيا]

السلام عليكم .. جميعا والسموحة على التاخير لنشغالي خارج المنتدى ...

بيض الله وجيهكم كلكم .. بالاخص اللي انتقد . وهذا حال المناقشات فيها اخذ وعطى وان شاءالله انا كلنا صائبين ..

احب انوه على كلامي ان ماذكر مب شرط يطبق بالحرف بان هذي هواية هي حكر على الصقاقير بس .. فيه ناس ماتعرف في الصقور لكن شغفها و ولعها ياهلها بان تنقل الطير وتخاوي الرجاجيل واتعرف وتزيد في المعرفة يكون صقار احسن عني بعد . والله يا جماعه ان اعرف رجال مثلكم وشرواكم ما يعرف في الطير شي ولا في القنص . بس كان يشوفنا ويسمع فينا انسير مقناص ودعو . وصار يخاوينا ونعلمه . اليوم هو صاحب افضل صقور في الامارات ويقنص مقانيص بعيده كل سنة ..

انا قصدت من كلامي يا جماعة الخير بان الصقارة رياضه تحتاج امور كثيرة منها الصبر والجلد والطيبة واحترام الاخرين والركادة و سعة البال والخاطر .

ياخي الصقر طائر فيه روح . والله عز وجل نهانا عن تعذيب الروح . عجوز دخلت النار بسس قطة ! فما بالك بشخص عنده صقر او شبوط او اي جارح . ماسكة يعور فيه لا يطعمه ولا يداري عليه . ان مرض ماعرف شو فيه . وان جاع ما اطعمه . والامر من هذا يا اخوان ان بعض الاشخاص اخذ هذي الهواية زيادة . ترك بيته ومجلسه . وان شفت مظهره الخارجي او سيارته يرثى لها كل هذا بسبب ان ينال فخر صيد حبارى او شي ثاني .

فلما قلت الصقار يجب انها اتكون محدوده مش معناته اتكون لي يا قنيص غبر ولذريتي او حق اسم عائلة معينة . هي حق اي شخص بس اتكون له مؤهلات ,. ويمكن هالشخص يضيف للصقاره اكثر من غيره .

والسموحه

خير بيان من رجل يستحق الثناء و الإحسان, شكرا جزيلا لك, و خلاصة كلامك أنه هناك فرق بين من يريد حقا تعلم الصقارة و اعطائها حقها الكامل مع توازن في حبه لهذه الهواية و بين من يريد فقط الشهرة و لا يهمه أخلاق الصقاره و الطير.

دمت كما يحب الله لك

[عيسى عبد الله]

صحلسانك ولسان ابن عون

ومشكور

[ربقان]

( الرازق في السماء , والحاسد في الارض )

[قنيص غبر]

قانوص : تسلم على المرور
شرهاب ليبيا : اشكر مرورك وثنائك تاج على راسي .
عيسى : صح بدنك عزيزي
ربقان : وضح كلامك عزيزي .من هو الفاسد !

[طراح المستقبل]

يخوي كلامك نصه صح والنص الثاني لا
انا مثلا احب هواية الصقور من زمان وانا صغير
بس ما جبت صقر وودي اطرح
وانا لي اسبوع ادورمواضيع الطرح و بعد اطرح وش تسوي فيه عشان تهديه وتحرص على سلامته
يعني انا حريص على سلامة الطير
والمفروض يكون موضوع لطرح الطيور مثبت
وانا اتمنى اتعلم طريقة الطرح ولكن اريد ان اطرح طرح سليم خالي من تكسير ريش الطير
والسلام عليكم ورحمة الله وبركاته

[اسد الجزيره]

موضوع مضحك ومبكي بنفس الوقت تطالب ان الطاروح مرخص معتمد ولا يمارس الهوايه الا الشخص المعروف وانت لا تعرف الطير الشامي يا اخوي الطير الشامي ماهو مقصوده بشام سوريا الشامي ماهو معناة هو الي دقه مثل دق الشامه او به دقه مثل دق شامه وتيجي ثلاث دقات بالضهر هذي معلومه للمبتدئين بالصقاره
والانسان يتعلم الصقاره وليس حكرا علي احد